പെരുമ്പാവൂര്‍ ദളിത് യുവതിയുടെ കൊലപാതക കേസിനെ പിന്നാലെ നഗരമധ്യത്തില്‍ യുവതിയെ ബലാത്സംഗം ചെയ്ത് ഉമര്‍ അലി തലയ്ക്കടിച്ചു കൊന്നതിന്റെ കൂടുതല്‍ വിവരങ്ങള്‍ പുറത്ത്. അമിറുള്‍ ഇസ്ലാമിനെ പോലെ ആരാരും അറിയാതെ പോകുമായിരുന്ന സംഭവത്തിന്റെ എല്ലാ വിവരങ്ങളും പുറത്തായത് സിസിടിവിയിലൂടെയാണ്. സിസിടിവി ക്യാമറ ശ്രദ്ധയില്‍ പെട്ടതിനെ തുടര്‍ന്ന് തല്ലി തകര്‍ത്തിട്ടും ഒന്നും മാഞ്ഞില്ല. അത് കണ്ട പോലീസ് ഉദ്യോഗസ്ഥര്‍ പോലും അമ്പരന്നു.

ചുരിദാറിന്റെ ചുവപ്പ് ടോപ്പ് മാത്രം ധരിച്ച യുവതിയെ മുടിക്കുത്തില്‍ ചുറ്റിപ്പിടിച്ച് ഉമര്‍അലി തറയിലൂടെ വലിച്ചിഴച്ച് ഹോട്ടലിനരികിലേക്ക് കൊണ്ടുവരുന്നു. അര്‍ദ്ധബോധവസ്ഥയിലാണെങ്കിലും യുവതി അലറി വിളിക്കുന്നുണ്ട്. വരാന്തയില്‍ എത്തിച്ച് മുടിയില്‍നിന്ന് പിടിവിട്ടശേഷം മറുകൈയിലെ കൈക്കോട്ടിന്റെ പിടി കൊണ്ട് ഉമര്‍അലി യുവതിയുടെ തലയ്ക്കടിച്ചു. അടി കൊണ്ടയുടന്‍ ചലനമറ്റു. ചുരിദാറിന്റെ ടോപ്പ് തലയിലൂടെ ഊരിപ്പറിച്ചെടുത്തശേഷം അഞ്ച് മിനിറ്റോളം ലൈംഗികബന്ധം. തുടര്‍ന്ന് എഴുന്നേറ്റ് കൈക്കോട്ടുകൊണ്ട് തലയില്‍ ആഞ്ഞടിച്ച് മരണം ഉറപ്പാക്കി. പിന്നെ പരിസരം വീക്ഷിച്ചപ്പോഴാണ് ക്യാമറ കണ്ടത്. ഉടനെ കൈക്കോട്ടുകൊണ്ട് ക്യാമറയില്‍ അടിക്കുന്നു.

ഉമര്‍ അലിയുടെ കൊടും ക്രൂരത വെളിവാക്കുന്ന ഈ ദൃശ്യങ്ങള്‍ ശക്തമായ തെളിവുമാണ്. മുഖം വികൃതമാക്കിയത് ആളെ തിരിച്ചറിയാതിരിക്കാനാണെന്നാണ് പോലീസ് സംശയിക്കുന്നത്. അറസ്റ്റിലായ ഇതര സംസ്ഥാന തൊഴിലാളി ഉമര്‍ അലി കഞ്ചാവടക്കമുള്ള മയക്കുമരുന്നുകള്‍ നിരന്തരം ഉപയോഗിക്കുന്നയാളാണ്. സി.സി. ടിവി ദൃശ്യങ്ങളില്‍ നിന്നാണു മരിച്ച യുവതി ആരെന്നും പ്രതി അസം സ്വദേശിയായ ഉമര്‍ അലിയാണെന്നും പോലീസ് തിരിച്ചറിഞ്ഞത്. ഇയാളെ പിടികൂടി പോലീസ് ചോദ്യം ചെയ്തപ്പോള്‍ വ്യക്തമായ മറുപടിയൊന്നും ആദ്യം കിട്ടിയില്ല.

പലപ്പോഴും പലതാണു പറഞ്ഞത്. സി.സി. ടിവി ദൃശ്യങ്ങള്‍ കണ്ട പോലീസ് മൂന്നുമണിക്കൂറിനകം ഉമര്‍ അലിയെ പിടികൂടി. കൊല്ലപ്പെട്ടതു നാടോടി യുവതിയാണെന്നായിരുന്നു ആദ്യം പോലീസിന്റെ സംശയം. പിന്നീടു നടത്തിയ അന്വേഷണത്തിലാണു നാട്ടുകാരിയാണെന്നു തിരിച്ചറിഞ്ഞത്. ചൊവ്വാഴ്ച രാത്രി ഒന്നരയോടെയാണു സംഭവം. ഹോട്ടലിന്റെ വശത്തുള്ള മറവില്‍വച്ചാണ് യുവതിയെ ബലാത്സംഗത്തിനിരയാക്കിയത്. പൂര്‍ണനഗ്‌നമായ രീതിയിലായിരുന്നു മൃതദേഹം. യുവതിയെ ക്രൂരമായി ആക്രമിച്ച് ബലാത്സംഗം ചെയ്യുകയും തുടര്‍ന്ന് തന്റെ തൊഴില്‍ ഉപകരണമായ െകെക്കോട്ട് ഉപയോഗിച്ച് തലയ്ക്കടിച്ച് കൊലനടത്തിയെന്നുമാണ് പ്രതിയുടെ മൊഴി.

തൂമ്പ കൊണ്ടു തലയിലും ശരീരത്തിലും മുറിവേറ്റ പാടുകളോടെയാണു മൃതദേഹം കണ്ടെത്തിയത്. ശരീരത്തില്‍ നിരവധി മുറിവുകളും ഉണ്ടായിരുന്നു. ഇന്നലെ രാവിലെ അഞ്ചരയോടെ ഹോട്ടലില്‍ പാലുമായെത്തിയ ആളാണ് മൃതദേഹം ആദ്യം കണ്ടത്. തുടര്‍ന്ന് ജീവനക്കാരെ വിവരം അറിയിച്ചു. ഇവരാണ് പോലീസില്‍ അറിയിച്ചത്. വിരലടയാള വിദഗ്ധര്‍ സ്ഥലത്തെത്തി പരിശോധന നടത്തി. മൃതദേഹം പോലീസ് സര്‍ജന്‍ പോസ്റ്റ്‌മോര്‍ട്ടം ചെയ്തു. സമീപത്തെ കടയിലെ സി.സി.ടിവി ദൃശ്യങ്ങളാലാണ് പ്രതിയെ തിരിച്ചറിഞ്ഞത്. 40 കാരിയായ യുവതിയും ഉമര്‍ അലിയും ഒന്നിച്ച് സ്‌കൂളിന്റെ സമീപത്തുള്ള ഹോട്ടലിലേക്കു വരുന്നതിന്റെ ദൃശ്യങ്ങള്‍ സി.സി. ടിവിയില്‍നിന്ന് ലഭിച്ചു.

കൊലപാതകശേഷം തിരികെ പോകാന്‍ തുടങ്ങിയ ഉമര്‍ അലി സി.സി. ടിവി ക്യാമറ തല്ലിപ്പൊളിച്ചിരുന്നു. ഒളിവില്‍ പോകാന്‍ ശ്രമിച്ച ഉമര്‍ അലിയെ പെരുമ്പാവൂര്‍ പോലീസ് അറസ്റ്റ് ചെയ്യുകയായിരുന്നു. പെരുമ്പാവൂര്‍ കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.

പെരുമ്പാവൂര്‍ ഡിെവെ.എസ്.പി: കെ. ബിജുമോന്‍, കാലടി ഇന്‍സ്‌പെക്ടര്‍ ടി.ആര്‍. സന്തോഷ്, പെരുമ്പാവൂര്‍ എസ്.ഐ. ബേസില്‍ തോമസ് എന്നിവരുടെ നേതൃത്വത്തിലുള്ള സംഘമാണ് പ്രതിയെപിടികൂടിയത്.

ഇയാളുടെ വിലാസം വ്യാജമാണോയെന്നു സംശയമുണ്ട്. മറ്റൊരു കേസിന്റെ അന്വേഷണവുമായി ബന്ധപ്പെട്ട് അസമിലുള്ള പെരുമ്പാവൂര്‍ പോലീസ് ഉമര്‍ അലിയുടെ വിലാസത്തിലെത്തി അന്വേഷിക്കും.