സംസ്ഥാനത്തെ ടൂറിസ്റ്റ് ബസുകളുടെ നിയമലംഘനം തടയാന്‍ മോട്ടോര്‍ വാഹനവകുപ്പ് നടപടികള്‍ തുടങ്ങി. 'ഓപ്പറേഷന്‍ തണ്ടര്‍' എന്ന പേരില്‍ സംസ്ഥാന വ്യാപകമായി പരിശോധന നടത്താനാണ് തീരുമാനം. വരും ദിവസങ്ങളില്‍ പരിശോധന തുടങ്ങും. ടൂറിസ്റ്റ് ബസുകളുടെ അതിരുവിട്ട അഭ്യാസ സംഭവങ്ങള്‍ തുടര്‍ക്കഥയായതോടെയാണ് പരിശോധനയ്ക്ക് മോട്ടോര്‍ വാഹനവകുപ്പ് തീരുമാനിച്ചത്.

അനധികൃത ലൈറ്റുകളും സൗണ്ട് സിസ്റ്റവും പരിധിയില്‍ അധികം ശബ്ദമുള്ള എയര്‍ ഹോണുകളും ടൂറിസ്റ്റ് ബസുകളില്‍ വ്യാപകമാണ്. ഇതെല്ലാം പിടിച്ചെടുക്കാനാണ് മോട്ടോര്‍ വാഹനവകുപ്പിന്റെ തീരുമാനം.