ക്യാംപസ് ഗര്ഭനിരോധന ഉറകള് കൊണ്ട് നിറഞ്ഞിരിക്കുകയാണ്; പെൺകുട്ടികൾ ഉറങ്ങുന്നത് ആണ്കുട്ടികളുടെ ഹോസ്റ്റലുകളിൽ: ആണ്കുട്ടികളുടെ ശുചിമുറികളില് നിന്ന് പെണ്കുട്ടികള് ഇറങ്ങി വരുന്നത് താന് നേരിട്ട് കണ്ടിട്ടുണ്ട്; ഇപ്പോള് തലമുടി കെട്ടുന്നതുപോലും കോണ്ടമുപയോഗിച്ചാണ്: ജെഎൻയുവിലെ വിദ്യാർത്ഥികളെ അധിക്ഷേപിക്കുന്ന തരത്തിൽ വിവാദ പരാമർശം നടത്തി മുൻ ഡിജിപി ടിപി സെൻകുമാർ രംഗത്ത്
മുൻ ഡിജിപി ടിപി സെൻകുമാർ ജെഎൻയുവിലെ വിദ്യാർത്ഥികളെ അധിക്ഷേപിക്കുന്ന തരത്തിലുള്ള വിവാദ പ്രസ്താവനയുമായി രംഗത്ത്. കേന്ദ്ര സർക്കാരിനെതിരെ നിരവധി സമരങ്ങൾ നടന്ന ക്യാംപസാണ് ജെഎൻയു. പ്രതികരിക്കുന്ന വിദ്യാർത്ഥികളെ രാജ്യദ്രോഹികളെന്ന് മുദ്രകുത്തപ്പെടുന്ന സ്ഥിതിയും ക്യാംപസിൽ ഉണ്ടായിട്ടുണ്ട്. കേന്ദ്ര സർക്കാരിനെതിരെ രൂക്ഷമായ വിദ്യാർത്ഥി പ്രക്ഷോഭം നടക്കുന്ന സാഹചര്യത്തിൽ ബിജെപി എംഎൽഎയുടെ വിവാദ പ്രസ്താവനയും പുറത്ത് വന്നിരുന്നു.
മൂവായിരത്തോളം ഗര്ഭനിരോധന ഉറകള്, അഞ്ഞൂറ് ഗര്ഭഛിത്രത്തിനായുള്ള സിറിഞ്ചുകളും ജെഎന്യുവിൽ പ്രതിദിനം ഉപേക്ഷിക്കപ്പെട്ട നിലയില് കാണപ്പെടുന്നുവെന്ന് രാജസ്ഥാനിലെ അല്വാര് ജില്ലയിലെ നിന്നുള്ള എംഎല്എ അഹൂജ പറഞ്ഞിരുന്നു. സാംസ്കാരിക പരിപാടികള് എന്ന പേരില് ആണ്കുട്ടികളും പെണ്കുട്ടികളും നൃത്തം ചെയ്യുന്നത് നഗ്നരായിട്ടും. കൂടാതെ പതിനായിരം സിഗരറ്റുകള്, രണ്ടായിരം മദ്യക്കുപ്പികള്, അരലക്ഷം എല്ലിന് കഷണങ്ങള്... തുടങ്ങിയ നീണ്ട പട്ടിക തന്നെയാണ് എംഎൽഎ ഒരു പ്രസംഗത്തിൽ പറഞ്ഞത്. ഇതേ പ്രസ്താവന തന്നെയാണ് ടിപി സെൻകുമാറും ഇപ്പോൾ
ഇറക്കിയിരിക്കുന്നത്.
ജെഎന്യു ക്യാംപസ് ഗര്ഭനിരോധന ഉറകള് കൊണ്ട് നിറഞ്ഞിരിക്കുകയാണ്. ആണ്കുട്ടികളുടെ ഹോസ്റ്റലുകളിലാണ് പെണ്കുട്ടികള് ഉറങ്ങുന്നത്. സര്വ്വകലാശാലയിലെ ആണ്കുട്ടികളുടെ ശുചിമുറികളില് നിന്ന് പെണ്കുട്ടികള് ഇറങ്ങി വരുന്നത് താന് നേരിട്ട് കണ്ടിട്ടുണ്ട്. ഇപ്പോള് പെണ്കുട്ടികള് കോണ്ടമുപയോഗിച്ചാണ് തലമുടി കെട്ടിവക്കുന്നത്. അത്തരം സര്വ്വകലാശാലകള് നമ്മുക്ക് ആവശ്യമില്ലെന്നും ടി പി സെന്കുമാര് പറഞ്ഞുവെന്നാണ് ദ് ന്യൂ ഇന്ത്യന് എക്പ്രസ് റിപ്പോര്ട്ട് ചെയ്യുന്നത്. ഭരണഘടനയുടെ എഴുപതാം വാര്ഷികത്തോട് അനുബന്ധിച്ച് കാസര്കോട് കേരള കേന്ദ്ര സര്വകലാശാലയിൽ സംഘടിപ്പിച്ച ദ്വിദിന ദേശീയ സമ്മേളനത്തിൽ 'അസമത്വം തിരുത്തല് ' എന്ന വിഷയത്തിൽ സംസാരിക്കുകയായിരുന്നു മുന് പൊലീസ് മേധാവി. നാൽപ്പത് വര്ഷങ്ങള്ക്ക് മുമ്പായിരുന്നു അതെന്നും ടി പി സെന്കുമാര് കാസര്കോട് പറഞ്ഞു. ജെഎന്യുവില് നടക്കുന്ന വിദ്യാര്ത്ഥി പ്രതിഷേധങ്ങളില് നിലപാട് ചോദിച്ച വിദ്യാര്ത്ഥിയോടാണ് പൊട്ടിത്തെറിച്ചുകൊണ്ടുള്ള ടി പി സെന്കുമാറിന്റെ മറുപടി
രാത്രി എട്ടുമണി കഴിഞ്ഞാല് ജെഎന്യുവില് എല്ലാവരും ലഹരിയുടെ ഉന്മാദത്തിലായിരിക്കുമെന്ന് രാജസ്ഥാനിലെ അല്വാര് ജില്ലയിലെ എംഎല്എയായ അഹൂജ ഒരു റാലിയിൽ പരാമർശിച്ചിരുന്നു. യുവാക്കളല്ല, രണ്ടിലധികം മക്കളുള്ളവരാണ് അവിടെ പഠിക്കുന്നവരെല്ലാമെന്ന വിമർശനവും അഹൂജ പറഞ്ഞിരുന്നു. സാംസ്കാരിക പരിപാടികളില് ആണ്കുട്ടികളും പെണ്കുട്ടികളും നഗ്നരായി നൃത്തം ചെയ്യുകയും, ലഹരി നുണഞ്ഞുകൊണ്ട് മറ്റുള്ളവരിത് ആസ്വദിക്കുകയും ചെയ്യുന്നുവെന്നും, ഇതാണ് ജെഎന്യുവിലെ ജീവിതമെന്നും അഹൂജ പറഞ്ഞിരുന്നു.ഈ കാര്യങ്ങൾ തന്നെയാണ് മുൻ ഡിജിപി കൂടിയായിരുന്ന ടിപി സെൻകുമാർ വ്യക്തമാക്കിയത്.
https://www.facebook.com/Malayalivartha
