ഗോവ അന്താരാഷ്ട്ര ചലച്ചിത്രോത്സവത്തില് (ഐഎഫ്എഫ്ഐ) തുടര്ച്ചയായ രണ്ടാം വര്ഷവും മികച്ച സംവിധായകനുള്ള രജതമയൂരം പുരസ്കാരം നേടി ലിജോ ജോസ് പെല്ലിശേരി
ഗോവ അന്താരാഷ്ട്ര ചലച്ചിത്രോത്സവത്തില് (ഐഎഫ്എഫ്ഐ) തുടര്ച്ചയായ രണ്ടാം വര്ഷവും മികച്ച സംവിധായകനുള്ള രജതമയൂരം പുരസ്കാരം നേടി ലിജോ ജോസ് പെല്ലിശേരി.
തുടര്ച്ചയായ രണ്ടാം തവണയാണ് ലിജോ ജോസ് പെല്ലിശ്ശേരിക്ക് ഗോവന് മേളയില് അംഗീകാരം ലഭിക്കുന്നത്. കഴിഞ്ഞ തവണ ലിജോ ഈ.മ.യൗവിലൂടെ സംവിധാനത്തിന് പുരസ്കാരം സ്വന്തമാക്കിയിരുന്നു. മികച്ച നടിയായി മെയ് ഘാട്ടില് അഭിനയിച്ച ഉഷ ജാദവിനെ തെരഞ്ഞെടുത്തു. മികച്ച സിനിമക്കുള്ള സുവര്ണ മയൂരം ഫ്രഞ്ച്-സ്വിസ് സിനിമ പാര്ട്ടിക്ക്ള്സ് സംവിധായകന് ബ്ലെയ്സ് ഹാരിസണും മികച്ച നടനുള്ള രജത മയൂരം സെയു യോര്ഗെയും നേടി. മാറിഗെല്ലയിലെ അഭിനയത്തിനാണ് സെയു യോര്ഗെക്ക് പുരസ്കാരം ലഭിച്ചത്.
15 ലക്ഷം രൂപയും പ്രശസ്തിപത്രവുമാണ് പുരസ്കാരം. ബ്ലെയ്സ് ഹാരിസണ് സംവിധാനം ചെയ്ത ഫ്രഞ്ച് - സ്വിസ് ചിത്രം പാര്ട്ടിക്കിള്സ് മികച്ച ചിത്രത്തിനുള്ള സുവര്ണമയൂരം നേടി.
ഇന്ന് വൈകീട്ട് ശ്യാമപ്രസാദ് മുഖര്ജി സ്റ്റേഡിയത്തില് നടന്ന ചടങ്ങില് വാര്ത്താവിതരണ പ്രക്ഷേപണ മന്ത്രി പ്രകാശ് ജാവദേക്കര് പുരസ്കാരങ്ങള് വിതരണം ചെയ്തു. ഇന്ത്യന് സാംസ്കാരിക കലാ മേഖലക്ക് നല്കിയ സംഭാവനകളെ മാനിച്ച് സംഗീത സംവിധായകന് ഇളയരാജ, നടന്മാരായ അരവിന്ദ് സ്വാമി, പ്രേം ചോപ്ര, കഥക് നര്ത്തകന് പണ്ഡിറ്റ് ബിര്ജു മഹാരാജ്, അസമീസ് സംവിധായകന് മഞ്ജു ബോറ എന്നിവരെ ചടങ്ങില് ആദരിച്ചു. 76 രാജ്യങ്ങളില് നിന്നുള്ള 200 ചിത്രങ്ങളാണ് ഇത്തവണ മേളയില് പ്രദര്ശിപ്പിച്ചത്
https://www.facebook.com/Malayalivartha
