പെരുമ്പാവൂര്‍ നഗരമധ്യത്തില്‍ യുവതിയെ ബലാത്സംഗം ചെയ്തതു െകെക്കോട്ടുകൊണ്ടു തലയ്ക്കടിച്ചു അര്‍ധബോധാവസ്ഥയില്‍ ആക്കിയശേഷം. തുടര്‍ന്നു ക്രൂരമായി പീഡിപ്പിച്ചശേഷം വീണ്ടും യുവതിയുടെ തലയ്ക്കടിച്ചു മരണം ഉറപ്പാക്കി. മുഖം വികൃതമാക്കിയത് ആളെ തിരിച്ചറിയാതിരിക്കാനാണെന്നു പോലീസ് സംശയിക്കുന്നു. അറസ്റ്റിലായ ഇതര സംസ്ഥാന തൊഴിലാളി ഉമര്‍ അലി കഞ്ചാവടക്കമുള്ള മയക്കുമരുന്നുകള്‍ നിരന്തരം ഉപയോഗിക്കുന്നയാളാണ്. സി.സി. ടിവി ദൃശ്യങ്ങളില്‍ നിന്നാണു മരിച്ച യുവതി ആരെന്നും പ്രതി അസം സ്വദേശിയായ ഉമര്‍ അലിയാണെന്നും പോലീസ് തിരിച്ചറിഞ്ഞത്. ഇയാളെ പിടികൂടി പോലീസ് ചോദ്യം ചെയ്തപ്പോള്‍ വ്യക്തമായ മറുപടിയൊന്നും ആദ്യം കിട്ടിയില്ല. പലപ്പോഴും പലതാണു പറഞ്ഞത്. സി.സി. ടിവി ദൃശ്യങ്ങള്‍ കണ്ട പോലീസ് മൂന്നുമണിക്കൂറിനകം ഉമര്‍ അലിയെ പിടികൂടുകയായിരുന്നു.

ഇപ്പോഴിതാ പ്രതിയുടെ വെളിപ്പെടുത്തലിൽ ഞെട്ടിയിരിക്കുകയാണ് അന്വേഷണ സംഘം പോലും. ഉമര്‍ അലി അസം ന്യൂഗാവ് ജില്ലക്കാര്‍ നാടുകടത്തിയ കൊടും ക്രമിനലാണ്. സ്ത്രീകളെ ശല്യം ചെയ്യലും കൈയ്യേറ്റവും പതിവാക്കിയതോടെയാണ് ഇരുപത്തിയേഴുകാരനെതിരെ നാട്ടുകാര്‍ സംഘടിതമായി തിരിഞ്ഞത്. ഒടുവില്‍ നില്‍ക്കകള്ളിയില്ലാതെ ഉമര്‍ നാടുവിടുകയായിരുന്നു. ഏതാനും വര്‍ഷങ്ങള്‍ക്ക് മുമ്ബാണ് ഇയാള്‍ വീടുവിട്ടിറങ്ങിയത്. എവിടേക്കാണ് പോയതെന്ന് വീട്ടുകാരെ അറിയിച്ചിരുന്നില്ല. ഉമര്‍അലി നല്‍കിയ മൊഴിയുടെ അടിസ്ഥാനത്തില്‍ ഇന്നലെ തന്നെ ഇയാളുടെ അസമിലെ വീട്ടില്‍ പൊലീസ് എത്തിയിരുന്നു. ഈ സമയത്ത് പ്രദേശവാസികളാണ് ഉമര്‍അലിയുടെ സ്വഭാവ ദൂഷ്യങ്ങള്‍ ഒന്നൊന്നായി വിവരിച്ചത്.
പൊലീസ് കസ്റ്റഡിയില്‍ എടുക്കുമ്ബോള്‍ പ്രതിയുടെ കൈവശം മറ്റ് രേഖകള്‍ ഒന്നും ഉണ്ടായിരുന്നില്ല.

ഉമര്‍അലി ആരോടൊപ്പമാണ് കേരളത്തില്‍ എത്തിയതെന്നടക്കം അന്വേഷിച്ച്‌ വരികയാണ്. അതേസമയം, പതിവായി കഞ്ചാവ് ഉപയോഗിക്കുന്ന ആളാണ് ഉമര്‍. കഞ്ചാവ് ലഹരിയിലാണ് ഇയാള്‍ യുവതിയെ തലയ്ക്കടിച്ച്‌ വീഴ്ത്തി മാനഭംഗപ്പെടുത്തി കൊന്നതെന്നാണ് പൊലീസ് നിഗമനം. സി.സി.ടി.വിയില്‍ ദൃശ്യങ്ങളില്‍ ഇയാളുടെ പെരുമാറ്റം അമിത ലഹരി ഉപയോഗിച്ച ആളുകളോട് സമാനമാണ്. കേസില്‍ ഇന്നലെ രാത്രി ഒരു മണിക്കാണ് ഉമര്‍അലിയുടെ അറസ്റ്റ് പൊലീസ് രേഖപ്പെടുത്തിയത്. പിന്നീട് മജിസ്‌ട്രേട്ടിന് മുന്നില്‍ ഹാജരാക്കിയ ഉമര്‍ അലിയെ 14 ദിവസത്തേക്ക് റിമാന്‍ഡ് ചെയ്തു. അതേസമയം, കൊല്ലപ്പെട്ട യുവതിയുടെ മൃതദേഹം ഇന്ന് പോസ്റ്റ്‌മോര്‍ട്ടത്തിന് വിധേയമാക്കും. മൃതദേഹം കളമശേരി മെഡിക്കല്‍ കോളേജില്‍ സൂക്ഷിച്ചിരിക്കുകയാണ്.

ഗവ. ഗേള്‍സ് ഹയര്‍ സെക്കന്‍ഡറി സ്കൂളിന് എതിര്‍വശത്തുളള ഹോട്ടല്‍ ഇന്ദ്രപ്രസ്ഥയ്ക്കരികിലെ ചെറിയ ഇടവഴിയോട് ചേര്‍ന്ന വരാന്തയില്‍ ഇന്നലെ രാവിലെയാണ് 38കാരിയുടെ പൂര്‍ണനഗ്‌നമായ ജഡം രക്തത്തില്‍ കുളിച്ചുകിടക്കുന്ന നിലയില്‍ കണ്ടെത്തിയത്. യുവതിയെ വലിച്ചിഴച്ച്‌ കൊണ്ടുവന്ന ശേഷമാണ് മാനഭംഗപ്പെടുത്തിയത്. തുടര്‍ന്ന് കൈക്കോട്ട് കൊണ്ട് തലയ്ക്കടിച്ചു കൊലപ്പെടുത്തുകയായിരുന്നു. ഹോട്ടലിലെ സി.സി.ടി.വി ദൃശ്യങ്ങളില്‍ ഇതെല്ലാം പതിഞ്ഞിട്ടുണ്ട്. കൊലപാതകത്തിന് ശേഷം കാമറ ശ്രദ്ധയില്‍പ്പെട്ടതോടെ ഇയാള്‍ അതും തല്ലിപ്പൊളിച്ചു. ഇന്നലെ രാവിലെ അഞ്ചരയ്ക്ക് ഹോട്ടല്‍ തുറക്കാനെത്തിയ ജീവനക്കാരാണ് മൃതദേഹം ആദ്യം കണ്ടത്. വിവാഹബന്ധം വേര്‍പെടുത്തി കഴിയുകയായിരുന്നു യുവതി. പിന്നീട് ഒരു ഉത്തരേന്ത്യക്കാരനൊപ്പം കുറച്ചുനാള്‍ കഴിഞ്ഞിരുന്നു.

ഉമര്‍അലിയുടെ ഒരു ദിവസം തുടങ്ങുന്നത് പോലും ഇങ്ങനെയാണ്. രാവിലെ മുഷിഞ്ഞ വേഷത്തില്‍ ഭിക്ഷാടനം. കിട്ടുന്ന പണത്തിന് കഞ്ചാവ് പുകച്ച്‌ രാത്രി ഊരുചുറ്റല്‍. പെരുമ്ബാവൂരില്‍ എത്തിയ അന്ന് മുതല്‍ ഉമര്‍അലിയുടെ ജീവിതചര്യ ഇതാണ്. ഭിക്ഷാടനത്തിലൂടെ കുറച്ച്‌ പണം മാത്രമേ കിട്ടിയുള്ളു എങ്കിലും ലഹരിയില്‍ മതിമറിയാന്‍ ഉമറിന് പല വിദ്യകളും അറിയാം. പ്രമുഖ ബ്രാന്റിന്റെ പശയുടെ ചെറിയ ടിന്‍ വാങ്ങും. പിന്നെ ഇതുമായി ആളൊഴിഞ്ഞയിടത്ത് ഇരുന്ന് പശ ചൂടാക്കി ശ്വസിക്കും. പശ ചൂടാകുമ്ബോള്‍ ഉണ്ടാകുന്ന പുക ശ്വസിക്കുന്നത് കടുത്ത ഉന്മാദത്തിലേക്ക് എത്തിക്കും. ഈ ലഹരിയില്‍ പിന്നീട് രാത്രി കറക്കം തുടങ്ങും. ഉമര്‍അലിക്ക് പെരുമ്ബാവൂരിലെ ലൈംഗിക തൊഴിലാളികളുമായി ബന്ധമുണ്ടെന്നാണ് പൊലീസിന് വിവരം ലഭിച്ചിട്ടുണ്ട്.

അതേസമയം, താന്‍ കുറ്റം ചെയ്തിട്ടില്ലെന്നാണ് ഉമര്‍ പൊലീസിന് മൊഴി നല്‍കിയിട്ടുള്ളത്. എന്നാല്‍, ഇയാളുടെ വസ്ത്രത്തില്‍ നിന്ന് യുവതിയുടെ ചോരയും സ്ഥലത്ത് നിന്ന് പ്രതിയുടെ വിവരലടയാളവും കണ്ടെടുത്തിട്ടുണ്ട്. സി.സി.ടി.വി ദൃശ്യമാണ് പ്രധാന തെളിവ്. യുവതിയെ തലയ്ക്ക് അടിച്ച്‌ വീഴ്ത്തിയ ശേഷമാണ് ഇയാള്‍ മാനഭംഗത്തിന് ഇരയാക്കിയത്. തുടര്‍ന്നും കൈക്കോട്ട് ഉപയോഗിച്ച്‌ ക്രൂരമായി മര്‍ദ്ദിച്ചു. മുഖത്താണ് കൂടുതല്‍ അടിയേറ്റിട്ടുള്ളത്. മുഖം വികൃതമാക്കിയത് ആളെ തിരിച്ചറിയാതിരിക്കാന്‍ ചെയ്തതാണെന്നാണ് പൊലീസ് സംശയിക്കുന്നത്. പകല്‍ ആളുകളോട് സൗമ്യമായാണ് ഉമര്‍അലി പെരുമാറിയിരുന്നതെന്നാണ് പ്രദേശവാസികള്‍ പറയുന്നത്. പലര്‍ക്കും ഉമര്‍അലിക്ക് ഇങ്ങനെ ഒരു മുഖം ഉണ്ടായിരുന്നു എന്ന് പോലും വിശ്വസിക്കാനായിട്ടില്ല. യുവതിയുമായി സംസാരിക്കുന്നത് മുതല്‍ കൊലപ്പെടുത്തുന്നത് വരെയുള്ള സിസി ടിവി ദൃശ്യം പൊലീസിന് കിട്ടിയിട്ടുണ്ട്.