വഞ്ചിയൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് വനിത മജിസ്ട്രേറ്റിനെ അഭിഭാഷക നേതാക്കള് തടഞ്ഞുവെച്ച സംഭവത്തില് പ്രശ്നങ്ങള് രമ്യമായി പരിഹരിക്കാന് തീരുമാനമായതായി ബാര് കൗണ്സില് അംഗങ്ങള്
വഞ്ചിയൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് വനിത മജിസ്ട്രേറ്റിനെ അഭിഭാഷക നേതാക്കള് തടഞ്ഞുവെച്ച സംഭവത്തില് ബാര് കൗണ്സില് അംഗങ്ങള് വഞ്ചിയൂര് കോടതിയിലെത്തി കാര്യങ്ങള് പരിശോധിച്ച് ഹൈകോടതിക്ക് റിപ്പോര്ട്ട് നല്കും. പ്രശ്നങ്ങള് രമ്യമായി പരിഹരിക്കാനും തീരുമാനമായതായി ബാര് കൗണ്സില് അംഗങ്ങള് മാധ്യമങ്ങളോട് പറഞ്ഞു. ഹൈകോടതി ചീഫ് ജസ്റ്റിസുമാരുടേയും മുതിര്ന്ന ജഡ്ജിമാരുടേയും എ.ജിയുടേയും സാന്നിധ്യത്തില് ബാര് കൗണ്സില് അംഗങ്ങള് നടത്തിയ കൂടിക്കാഴ്ചയിലാണ് തീരുമാനം. ബുധനാഴ്ച സംസ്ഥാനത്തെ മുഴുവന് ബാര് അസോസിയേഷന് ഭാരവാഹികളേയും സംഘടനാ നേതാക്കളേയും വിളിച്ചു ചേര്ത്ത് അവരോട് കാര്യങ്ങള് വിശദീകരിക്കും.
വ്യാഴാഴ്ച ഹൈകോടതി ചീഫ് ജസ്റ്റിസിന്റെയും മുതിര്ന്ന ജഡ്ജിമാരുടേയും സാന്നിധ്യത്തില് യോഗം ചേര്ന്ന് പ്രശ്നം രമ്യമായി പരിഹരിക്കുമെന്നും അതിനുള്ള ശ്രമങ്ങള് നടക്കുകയാണെന്നും ബാര് കൗണ്സില് അംഗങ്ങള് അറിയിച്ചു.ബാറും ബെഞ്ചും തമ്മില് ഒന്നിച്ച് സഹകരിച്ച് പോകേണ്ടത് പൊതു സമൂഹത്തിന്റെ ആവശ്യമാണ്. അതിനായി ബാര് കൗണ്സിലുകളും ബാര് അസോസിയേഷനുകളും കോടതികളും ഒന്നിച്ച് മുന്നോട്ടു പോകുമെന്നാണ് തീരുമാനം.
https://www.facebook.com/Malayalivartha
