എട്ടാം ക്ലാസുകാരിയെ പീഡിപ്പിക്കാന് ശ്രമം; സഹപ്രവര്ത്തകയുടെ എട്ടാം ക്ലാസുകാരിയായ മകളെ പീഡിപ്പിക്കാന് ശ്രമിച്ച എസ്.ഐ കീഴടങ്ങി
തിരുവനന്തപുരം പേരൂര്ക്കടയില് സഹപ്രവര്ത്തകയുടെ എട്ടാം ക്ലാസുകാരിയായ മകളെ പീഡിപ്പിക്കാന് ശ്രമിച്ച എസ്.ഐ കീഴടങ്ങി. ബോംബ് സ്ക്വാഡ് എസ്.ഐ സജീവ് കുമാറാണ് തിരുവനന്തപുരം പോക്സോ കോടതിയില് കീഴടങ്ങിയത്. പെണ്കുട്ടിയുടെ അമ്മയുടെ പരാതിയില് പേരൂര്ക്കട പൊലീസാണ് ഇയാള്ക്കെതിരെ കേസെടുത്തിരിക്കുന്നത്. ദിവസങ്ങള്ക്ക് മുമ്പാണ് കേസിനാസ്പദമായ സംഭവം ഉണ്ടായത്.
പൊലീസ് ക്വാര്ട്ടേഴ്സില് താമസിക്കുന്ന സജീവ് കുമാര്, അവിടെത്തന്നെ താമസിക്കുന്ന മറ്റൊരു പൊലീസുകാരന്റെ മകളെ പീഡിപ്പിക്കാന് ശ്രമിച്ചെന്നാണ് പരാതി. വീട്ടില് ആരുമില്ലാത്ത സമയത്ത് കുട്ടിയുടെ മുറിയില് അതിക്രമിച്ച് കയറി പീഡിപ്പിക്കാന് ശ്രമിക്കുകയായിരുന്നു. സംഭവത്തില് എട്ടാം ക്ലാസുകാരിയുടെ രഹസ്യമൊഴി രേഖപ്പെടുത്തിയിരുന്നു. പരാതിക്ക് പിന്നാലെ ഒളിവില് പോയ സജീവ് കുമാറിനായി തിരച്ചില് തുടരുകയായിരുന്നു. പേരൂര്ക്കട എസ്എപി ക്വാര്ട്ടേഴ്സ് റസിഡന്സ് അസോസിയേഷന് ഭാരവാഹി കൂടിയാണ് സജീവ് കുമാര്. സ്കൂളിലെ കൗണ്സിലിംഗിലാണ് പെണ്കുട്ടി കാര്യങ്ങള് തുറന്നു പറഞ്ഞത്. പിന്നീട് പെണ്കുട്ടിയുടെ രഹസ്യമൊഴി രേഖപ്പെടുത്തി. തുടര്ന്നാണ് പോക്സോ വകുപ്പ് ചുമത്തി പൊലീസ് കേസെടുത്തത്.
https://www.facebook.com/Malayalivartha
