ഓട്ടിസമുള്ള അനന്തിരവളെ പീഡിപ്പിച്ച അറുപതുകാരനെ അമ്മാവൻ കുത്തികൊലപ്പെടുത്തി ; സംഭവം നടക്കുന്നത് മലപ്പുറം പയ്യനാടിയിൽ
മലപ്പുറം പയ്യനാടിൽ സഹോദരീപുത്രിയെ പീഡനത്തിനിരയാക്കിയ അറുപതുകാരനെ പെൺകുട്ടിയുടെ അമ്മാവൻ കുത്തികൊലപ്പെടുത്തി . പള്ളിക്കണ്ടി സൈതലവി എന്നയാളാണ് കുത്തേറ്റ് കൊല്ലപ്പെട്ടത്. സംഭവത്തിൽ പീഡനത്തിനിരയായ പെൺകുട്ടിയുടെ ബന്ധുവിനെ പൊലീസ് കസ്റ്റഡിയിലെടുത്തു. 2016ലാണ് സൈതലവി ഓട്ടിസം ബാധിച്ച പ്രായപൂർത്തിയാകാത്ത പെൺകുട്ടിയെ ലൈംഗിക പീഡനത്തിന് ഇരയാക്കിയത്.
ഒരു വർഷത്തോളം ജയിലിൽ കഴിയുകയായിരുന്ന സൈതലവി ഏതാനും മാസം മുൻപാണ് ജാമ്യത്തിൽ പുറത്തിറങ്ങിയത്. കേസിന്റെ വിചാരണ പുരോഗമിക്കുന്നതിനിടെയാണ് സംഭവം നടന്നത് . വീടിനടുത്തുള്ള കവുങ്ങിൻതോട്ടത്തിൽ വച്ചാണ് പെൺകുട്ടിയുടേ അമ്മാവൻ സൈതലവിയെ കത്തികൊണ്ട് പലതവണ കുത്തി കൊല ചെയ്തത്. രാവിലെ മുതൽ സൈതലവിയെ കാണ്മാനില്ലായിരുന്നു .ഇതേത്തുടർന്ന് നടത്തിയ അന്വേഷണത്തിലാണ് പതിനൊന്നരയോടെ മൃതദേഹം കണ്ടെത്തിയത്. കൊലപാതകത്തിന് ശേഷം മുപ്പത്തഞ്ചുകാരനായ പ്രതി പൊലീസിൽ കീഴടങ്ങുകയായിരുന്നു. സഹോദരീപുത്രിയെ ലൈംഗിക പീഡനത്തിന് ഇരയാക്കിയതിലുള്ള വൈരാഗ്യമാണ് കൊലപാതകത്തിൽ കലാശിച്ചതെന്ന് ഇയാൾ പോലീസിൽ പറഞ്ഞു. സൈതലവിയുടെ മൃതദേഹം പരിശോധനയ്ക്ക്ശേഷം പോസ്റ്റ്മോർട്ടത്തിനായി മഞ്ചേരി മെഡിക്കൽ കോളജിലേക്ക് മാറ്റിയിരിക്കുകയാണ്.
https://www.facebook.com/Malayalivartha