വേമ്പ​നാ​ട് കാ​യ​ലി​ല്‍ തീ​പി​ടി​ച്ച ഹൗ​സ് ബോ​ട്ട് പ്ര​വ​ര്‍​ത്തി​ച്ച​ത് ലൈ​സ​ന്‍​സി​ല്ലാ​തെ. ആ​റു വ​ര്‍​ഷത്തോളം ലൈസന്സില്ലാതെയാണ് ഹൗ​സ് ബോ​ട്ട് പ്രവർത്തിച്ചുപോന്നത്. പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഞെ​ട്ടി​ക്കു​ന്ന വി​വ​ര​ങ്ങ​ള്‍ പു​റ​ത്തു​വ​ന്ന​ത്. ബോ​ട്ടി​ന്‍റെ യ​ഥാ​ര്‍​ഥ ഉ​ട​മ​യെ ഇ​തു​വ​രെ ക​ണ്ടെ​ത്താ​നാ​യിട്ടി​ല്ല. സം​ഭ​വ​ത്തി​ല്‍ പോലീസ് ക്രി​മി​ന​ല്‍ കേ​സെ​ടു​ത്ത് അ​ന്വേ​ഷി​ക്കും.

ബോട്ടിൽ മതിയായ സുരക്ഷാ സംവിധാനങ്ങൾ ഉണ്ടായിരുന്നില്ലെന്നും വ്യക്തമായി. ആലപ്പുഴ പാതിരാമണലിന് സമീപം ഇന്നലെയാണ് അപകടം നടന്നത്. കണ്ണൂരിൽ നിന്നെത്തിയ വിനോദ സഞ്ചാരികൾ ഉൾപ്പെടെ 13 പേരുമായി യാത്രതിരിച്ച ഓഷ്യാഡോ എന്ന ബോട്ടാണ് അപകടത്തിൽപ്പെട്ടത്. പതിമൂന്നംഗ സംഘത്തിൽ മൂന്ന് കുട്ടികളും ഉണ്ടായിരുന്നു. തുടക്കത്തിൽ തന്നെ അഗ്നിബാധ ശ്രദ്ധയിൽപ്പെട്ടതിനാൽ വൻ അപകടത്തിൽ നിന്ന് സഞ്ചാരികളും ജീവനക്കാരും രക്ഷപ്പെടുകയായിരുന്നു.

ഇ​ന്ന​ലെ ഉ ​ച്ച​യ്ക്കാ​ണ് നാ​ടി​നെ ന​ടു​ക്കി​യ സം​ഭ​വം. അ​ഗ്നി​ബാ​ധ ഉ​ണ്ടാ​യ ഉ​ട​ന്‍ പാ​തി​രാ​മ​ണ​ല്‍ ദ്വീ​പി​ന് അ​ടു​ത്ത്, കാ​യ​ലി​ന്‍റെ ആ​ഴം കു​റ​ഞ്ഞ ഭാ​ഗ​ത്തേ​ക്കു ബോ​ട്ട് ഓ​ടി​ച്ചു ക​യ​റ്റി​യ​താ​ണ് ര​ക്ഷ​യാ​യ​ത്. ബോ​ട്ട് ക​ത്തു​ന്ന​തു ക​ണ്ടു കാ​യി​പ്പു​റം ജെ​ട്ടി​യി​ല്‍ ടൂ​റി​സ്റ്റു​ക​ളെ കാ​ത്തു കി​ട​ന്നി​രു​ന്ന ചെ​റു​ബോ​ട്ടു​ക​ളും വ​ള്ള​ങ്ങ​ളും മു​ഹ​മ്മ കു​മ ര​കം ഫെ​റി​യി​ല്‍ സ​ര്‍​വീ​സ് ന​ട​ത്തു​ന്ന ബോ​ട്ടു​ക​ളും ര​ക്ഷാ​പ്ര​വ​ര്‍​ത്ത​ന​ത്തി​ന് എ​ത്തി.

കാ​യ​ലി​ല്‍ അ​ല​മു​റ​യി​ട്ടു ക​ര​യു​ക​യാ​യി​രു​ന്ന യാ​ത്ര​ക്കാ​രെ ഈ ​ബോ​ട്ടു​ക​ളി​ലാ​ണ് മു​ഹ​മ്മ ബോ​ട്ടു​ജെ​ട്ടി​യി​ലും കാ​യി​പ്പു​റം ബോ​ട്ടു ജെ​ട്ടി​യി​ലു​മാ​യി എ​ത്തി​ച്ച​ത്. ക​ണ്ണൂ​രി​ല്‍​നി​ന്നു കാ​യ​ല്‍ കാ​ഴ്ച കാ​ണാ​നെ​ത്തി​യ​വ​രാ​ണു ബോ​ട്ടി​ലു​ണ്ടാ​യി​രു​ന്ന​ത്. ക​ണ്ണൂ​ര്‍ മ​ട്ട​ന്നൂ​ര്‍ ഐ​ഷാ​സ് വീ​ട്ടി​ല്‍ ല​ത്തീ​ഫി​ന്‍റെ മ​ക​ന്‍ അ​ഹ​മ്മ​ദ് ഫ​സ​ല്‍ (24), റി​ഷാ​ദ് (32), താ​ഹി​റ (43), ആ​യി​ഷ (46), നി​ജാ​സ് (38), റ​ഷീ​ദ് (25), സാ​നി​യ (20), നി​ഷു​വാ (21), അ​ല്‍​ഷി​റ(23), നൂ​ര്‍​ജ​ഹാ​ന്‍ (28), കു​ട്ടി​ക​ളാ​യ ഇ​സാ​ന്‍ (ആ​റ്), ഇ​സാ​ക്ക് (മൂ​ന്ന്), ഇ​സാം മ​റി​യം (6 മാ​സം) എ​ന്നി​വ​രാ​ണ് ബോ​ട്ടി​ലു​ണ്ടാ​യി​രു​ന്ന​ത്.

ഉ​ച്ച​യ്ക്കു പ​ന്ത്ര​ണ്ടോ​ടെ​യാ​ണ് വൈ​ക്കം ത​ല​യാ​ഴം സ്വ​ദേ​ശി സി​ജി​യു​ടെ ഓ​ഷി​യാ​നോ ബോ​ട്ടി​ല്‍ ഇ​വ​ര്‍ പാ​തി​രാ​മ​ണ​ല്‍ ദ്വീ​പി​ലേ​ക്കു നീ​ങ്ങി​യ​ത്. ഒ​ന്നോ​ടെ ദീ​പി​ന്‍റെ തെ​ക്ക് ഭാ​ഗ​ത്ത് എ​ത്തി​യ​പ്പോ​ഴാ​ണ് അ​പ​ക​ട​മു​ണ്ടാ​യ​ത്. നാ​ലു മു​റി​യു​ള്ള ബോ​ട്ടി​ന്‍റെ ഒ​ന്നാ​മ​ത്തെ മു​റി​യു​ടെ ജ​ന​ല്‍ ഭാ​ഗ​ത്താ​ണ് അ​ഗ്നി​ബാ​ധ ഉ​ണ്ടാ​യ​തെ​ന്നു ജീ​വ ന​ക്കാ​ര്‍ പ​റ​യു​ന്നു.

പാ​ച​ക​വാ​ത​ക ചോ​ര്‍​ച്ച​യോ ഷോ​ര്‍​ട്ട് സ​ര്‍​ക്യൂ​ട്ടോ ആ​കാം അ​പ​ക​ട കാ​ര​ണ​മെ​ന്നു ക​രു​തു​ന്നു. അ​ഗ്നി​ബാ​ധ തടയാൻ ജീ​വ​ന​ക്കാ​ര്‍ ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ല. ഇ​തോ​ടെ​യാ​ണ് ബോ​ട്ട് ദ്വീ​പി​ന്‍റെ തീ​ര​ത്തേ​ക്ക് ഓ​ടി​ച്ചു​ക​യ​റ്റി​യ​ത്. ആ​ഴം കു​റ​ഞ്ഞ ഭാ​ഗ​മാ​യ​തി​നാ​ല്‍ കാ​യ​ലി​ലേ​ക്കു ചാ​ടി​യ യാ​ത്ര​ക്കാ​ര്‍​ക്കു കാ​യ​ലി​ല്‍ നി​ല്‍​ക്കാ​ന്‍ ക​ഴി​ഞ്ഞു.