മാ​ധ്യ​മ പ്ര​വ​ര്‍​ത്ത​ക​ന്‍ കെ.​എം. ബ​ഷീ​ര്‍ മ​രി​ക്കാ​നി​ട​യാ​യ വാ​ഹ​നാ​പ​ക​ട​ക്കേ​സി​ല്‍ ശ്രീ​റാം വെ​ങ്കി​ട്ട​രാ​മ​ന്‍ ഐ​എ​എ​സ് ഒ​ന്നാം പ്ര​തി. വെ​ങ്കി​ട്ട​രാ​മ​നെ ഒ​ന്നാം പ്ര​തി​യാ​യി പോ​ലീ​സ് കു​റ്റ​പ​ത്രം ത​യാറാ​ക്കി. വെ​ങ്കി​ട്ട​രാ​മ​നൊ​പ്പം കാ​റി​ലു​ണ്ടാ​യി​രു​ന്ന വ​ഫാ ഫി​റോ​സാ​ണ് ര​ണ്ടാം പ്ര​തി. ശ്രീ​റാം മ​ദ്യ​പി​ച്ച്‌ അ​മി​ത​വേ​ഗ​ത്തി​ല്‍ വാ​ഹ​ന​മോ​ടി​ച്ച​താ​ണ് അ​പ​ക​ട​കാ​ര​ണ​മെ​ന്നും പോ​ലീ​സ് കു​റ്റ​പ​ത്ര​ത്തി​ല്‍ വ്യക്തമാക്കുന്നു.

2019 ഓ​ഗ​സ്റ്റ് മൂ​ന്നി​ന് പു​ല​ര്‍​ച്ചെ​യാ​ണ് ശ്രീ​റാം ഓ​ടി​ച്ച കാ​റി​ടി​ച്ച്‌ ബ​ഷീ​ര്‍ കൊല്ലപ്പെട്ടത്. മ​ദ്യ​പി​ച്ച്‌ വാ​ഹ​ന​മോ​ടി​ച്ച്‌ അ​പ​ക​ട​മു​ണ്ടാ​ക്കി​യ ശ്രീ​റാം വെ​ങ്കി​ട്ട​രാ​മ​നെ പോ​ലീ​സ് അ​റ​സ്റ്റ് ചെ​യ്തി​രു​ന്നു. തി​രു​വ​ന​ന്ത​പു​രം മ്യൂ​സി​യം പോ​ലീ​സ് സ്റ്റേ​ഷ​നു സ​മീ​പം പ​ബ്ലി​ക് ഓ​ഫീ​സി​നു മു​ന്നി​ലാ​ണ് അ​പ​ക​ട​മു​ണ്ടാ​യ​ത്. റോ​ഡ​രി​കി​ല്‍ ബൈ​ക്ക് നി​ര്‍​ത്തി ഫോ​ണി​ല്‍ സം​സാ​രി​ച്ചു​കൊ​ണ്ടി​രു​ന്ന ബ​ഷീ​റി​ന്‍റെ ബൈ​ക്കി​നു പി​റ​കി​ല്‍ ശ്രീ​റാം വെ​ങ്കി​ട്ട​രാ​മ​ന്‍ ഓ​ടി​ച്ച കാ​ര്‍ അ​മി​ത​വേ​ഗ​ത്തി​ല്‍ വ​ന്ന് ഇ​ടി​ക്കു​ക​യാ​യി​രു​ന്നു. അപകടസമയത്ത് കാറിന്റെ ഉടമയായ വഫ ഫിറോസും ശ്രീറാമിനൊപ്പമുണ്ടായിരുന്നു. ശ്രീറാം മദ്യപിച്ചിട്ടുണ്ടായിരുന്നെന്നായിരുന്നു സംഭവത്തിന് ദൃക്സാക്ഷികളുടെ മൊഴി. കാറോടിച്ചത് താനല്ലെന്നും സുഹൃത്താണെന്നും ശ്രീറാം വെങ്കട്ടരാമന്‍ പറഞ്ഞെങ്കിലും കാറോടിച്ചത് ശ്രീറാമാണെന്നാണ് ദൃക്സാക്ഷികള്‍ പറഞ്ഞിരുന്നു.

മാധ്യമ പ്രവർത്തകൻ കെ.എം.ബഷീർ കാറിടിച്ചു മരിച്ച കേസിൽ സസ്പെൻഷനിലായ ഐഎഎസ് ഉദ്യോഗസ്ഥൻ ശ്രീറാം വെങ്കട്ടരാമനെ സർവീസിൽ തിരിച്ചെടുക്കാനുള്ള ശുപാർശ വിവാദമായതോടെ സസ്പെൻഷൻ മൂന്നു മാസത്തേക്കുകൂടി നീട്ടി മുഖ്യമന്ത്രി ഉത്തരവിട്ടിരുന്നു. ചീഫ് സെക്രട്ടറി ടോം ജോസ് ചെയർമാനായ ഉദ്യോഗസ്ഥ സമിതി ശ്രീറാമിനെ തിരിച്ചെടുക്കുന്നതുമായി ബന്ധപ്പെട്ടു കഴിഞ്ഞ ദിവസം മുഖ്യമന്ത്രി പിണറായി വിജയനു ശുപാർശ നൽകിയിരുന്നു. ഇതു ചർച്ചയായതോടെയാണു പുതിയ ഉത്തരവ്. സസ്പെൻഷൻ പിൻവലിക്കാൻ അവസരമൊരുക്കുന്നതിനായി, ശ്രീറാമിനെതിരായ കുറ്റപത്രം യഥാസമയം കോടതിയിൽ സമർപ്പിക്കുന്നതു പൊലീസ് ഉന്നതർ തടഞ്ഞുവെന്നും ആരോപണമുയർന്നു.

ശ്രീറാം വെങ്കിട്ടരാമനെ തിരിച്ചെടുക്കരുതെന്നാവശ്യപ്പെട്ട് കേരള പത്രപ്രവർത്തക യൂണിയൻ മുഖ്യമന്ത്രിക്ക് കത്ത് നൽകിയിരുന്നു. ബഷീർ കൊല്ലപ്പെടാൻ കാരണക്കാരൻ ശ്രീറാം വെങ്കിട്ടരാമൻ അമിതമായി മദ്യപിച്ച് വാഹനമോടിച്ചതാണെന്ന കാര്യത്തിൽ മാധ്യമപ്രവർത്തകർക്കും അദ്ദേഹത്തിന്റെ കുടുംബത്തിനും ഒരു സംശയവുമില്ല. ഈ കേസിൽ പോലീസ് അന്വേഷണം നടന്നുകൊണ്ടിരിക്കുകയാണ്. ബഷീറിന്റെ ഭാര്യക്ക് ജോലി നൽകുക വഴി സർക്കാർ ആ കുടുബത്തിന് നൽകിയ പിന്തുണ ഏവർക്കും അറിയാവുന്നതാണ്. ഈ കേസിൽ കുറ്റവാളിയായ ശ്രീറാം വെങ്കിട്ടരാമന് അർഹമായ ശിക്ഷ ലഭിക്കണമെന്ന് യൂണിയൻ ആവശ്യപ്പെട്ടു.

ഇക്കാര്യത്തിൽ മുഖ്യമന്ത്രിയുടെ ശക്തമായ ഇടപെടൽ ഉണ്ടാവുമെന്ന് തന്നെയാണ് തങ്ങൾ പ്രതീക്ഷിക്കുന്നതെന്ന് യൂണിയൻ കത്തിൽ ആവശ്യപ്പെട്ടിരുന്നു. കത്ത് മുഖ്യമന്ത്രി വളരെ ഗൗരവമായെടുത്തു. തുടർന്നാണ് ചീഫ് സെക്രട്ടറിയുടെ ഫയൽ മുഖ്യമന്ത്രി വരുത്തി പരിശോധിച്ചത്. സാധാരണ ഇത്തരം ഫയലുകൾ മുഖ്യമന്ത്രിയുടെ ഓഫീസിന്റെ തീരുമാനത്തിന് വിധേയമായാണ് സ്വീകരിക്കുന്നത്. എന്നാൽ ശ്രീറാമിന്റെ ഫയൽ മുഖ്യമന്ത്രിക്ക് നേരിട്ടാണ് ലഭിച്ചത്. അനുകൂല തീരുമാനത്തിന് വേണ്ടിയാണ് ഫയൽ അങ്ങനെ അയച്ചത്.