വിദ്യാഭ്യാസമന്ത്രി അബ്ദുറബ്ബിന്റെ സ്വപ്ന പദ്ധതിയായിരുന്ന അധ്യാപക പാക്കേജ് വലിച്ചു കീറി കൊട്ടയിലിടാന് മുഖ്യമന്ത്രി തീരുമാനിച്ചു.
ഹൈന്ദവ- ഇസ്ലാം-ക്രൈസ്തവ മാനേജ്മെന്റുകളുടെ ഇച്ഛാനുസരണമാണ് മുഖ്യന്റെ തീരുമാനം. തിങ്കളാഴ്ച വൈകിട്ട് മുഖ്യമന്ത്രി ഇതു സംബന്ധിച്ച് യോഗം വിളിക്കും. ഇതില് എന്എസ്എസ് ഉള്പ്പെടെയുള്ള വിവിധ എയ്ഡ്സ് സ്കൂള് മാനേജര്മാര് പങ്കെടുക്കും. അധ്യാപക പാക്കേജ് ഫലത്തില് ഇല്ലാതായിരിക്കുകയാണ്. ഹൈക്കോടതി ഇതിലെ പല വ്യവസ്ഥകളും റദ്ദാക്കിയിരുന്നു.
എന്നാല് ഹൈക്കോടതി ഉത്തരവിനെതിരെ സര്ക്കാര് അപ്പീല് പോയിരുന്നില്ല. അപ്പീല് പോകണമെന്ന് കെപിസിസി അധ്യക്ഷന് സര്ക്കാരിനു നിര്ദ്ദേശം നല്കിയിരുന്നെങ്കിലും സര്ക്കാര് അനുസരിച്ചില്ല. പാക്കേജിലെ ചില വ്യവസ്ഥകള് മാനേജ്മെന്റുകള്ക്ക് തീര്ത്തും എതിരാണ്. ഇതിലൊന്ന് എയ്ഡഡ് സ്കൂളുകളില് വരുന്ന ഒഴിവുകളിലേയ്ക്കുള്ള നിയമനം അധ്യാപക ബാങ്കില് നിന്നായിരിക്കണം എന്നതായിരുന്നു. മാനേജര്മാരുടെ നിയമനാംഗീകാരം എടുത്തു കളയുന്ന ഉത്തരവായിരുന്നു ഇത്. ഇതിനെയാണ് മാനേജ്മെന്റുകള് പ്രധാനമായും ഹൈക്കോടതിയില് ചോദ്യം ചെയ്തത്.
വിദ്യാഭ്യാസവകാശ നിയമത്തിലെ അധ്യാപക വിദ്യാര്ത്ഥി അനുപാതം നടപ്പിലാക്കണമെന്നും ഇത് നിയമനങ്ങള്ക്ക് ബാധകമാക്കണമെന്നും മാനേജ്മെന്റുകള് ആവശ്യപ്പെട്ടിരുന്നെങ്കിലും സര്ക്കാര് അത് അനുസരിച്ചില്ല. ഇതിനെയും മാനേജ്മെന്റുകള് കോടതിയില് ചോദ്യം ചെയ്തിരുന്നു.
അച്യുതാനന്ദന് സര്ക്കാരിലെ വിദ്യാഭ്യാസ മന്ത്രിയായിരുന്ന എംഎ ബേബിയാണ് യഥാര്ത്ഥത്തില് വിദ്യാഭ്യാസ പാക്കേജിന്റെ ശില്പി. എന്നാല് വിദ്യാഭ്യാസ പാക്കേജിലെ വ്യവസ്ഥകള് കുഴപ്പമാകുമെന്ന് മനസിലാക്കിയ ബേബി അവ നടപ്പിലാക്കേണ്ടെന്നു തീരുമാനിച്ചു. അങ്ങനെ ഫ്രീസറിലായ പാക്കേജാണ് പിന്നീട് തീരുമാനിച്ചു. അങ്ങനെ ഫ്രീസറിലായ പാക്കേജാണഅ പിന്നീട് അബ്ദുറബ് അധികാരം ഏറ്റപ്പോള് പൊടിതട്ടിയെടുത്ത് നടപ്പിലാക്കിയത്. ബേബിയുടെയും റബിന്റേയും വിദ്യാഭ്യാസ സെക്രട്ടറി ഒരാളായിരുന്നു. പുത്തനച്ചി പുരപ്പുറം തൂക്കും എന്ന പഴഞ്ചൊല്ലിനെ അന്വര്ത്ഥമാക്കി കൊണ്ട് റബ് പാക്കേജ് നടപ്പിലാക്കി. അതോടെ മാനേജ്മെന്റുകളും ഉടക്കി. എന്എസ്എസിന്റെ കലാപമായിരുന്നു കടുപ്പം അതിനെ പ്രതിരോധിക്കാന് സര്ക്കാരിനു കഴിഞ്ഞതുമില്ല. ഒടുവില് അത് ലീഗ് മുഖപത്രമായ ചന്ദ്രികയ്ക്കെതിരെയുള്ള മാനനഷ്ടകേസില് ചെന്നു നിന്നു.
ഏതായാലും ഇലക്ഷന് പടിവാതുക്കല് എത്തിയിരിക്കുന്ന പശ്ചാത്തലത്തില് പാക്കേജ് കീറികളയാന് തന്നെയാണ് സര്ക്കാര് തീരുമാനം. മാത്രവുമല്ല കോടതിയില് അപ്പീല് പോകാനുള്ള സാധ്യതയും വിരളമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
