ആണും പെണ്ണും ഒരുമിച്ചിരിക്കുന്നതിനെ എതിര്‍ക്കാനെത്തിയ ഹിന്ദു മഹാസഭ നേതാവിനെ നാട്ടുകാര്‍ ഇടപെട്ട് ഓടിച്ചു. തൃശ്ശൂര്‍ തേക്കിന്‍കാട് മൈതാനിയിലാണ് സംഭവം. സ്ത്രീകള്‍ അടക്കമുള്ളവര്‍ക്കെതിരെ അസഭ്യവര്‍ഷം ചൊരിഞ്ഞെത്തിയ നേതാവ് ഭീഷണി മുഴക്കുകയും ചെയ്തു. തേക്കിന്‍കാട് മൈതാനി ഹിന്ദുക്കളുടേതാണെന്നും അവിടെ അഹിന്ദുക്കള്‍ ഇരിക്കാന്‍പാടില്ലെന്നും പറഞ്ഞായിരുന്നു നേതാവ് ചമഞ്ഞെത്തിയ ആളുടെ ഭീഷണി. ഫൈന്‍ ആര്‍ട്‌സ് വിദ്യാര്‍ത്ഥികളാണ് അധിക്ഷേപത്തിന് ഇരയായത്.
തേക്കിന്‍കാട് മൈതാനിയില്‍ ഇരിക്കാന്‍ പാടില്ലെന്ന ഭീഷണി സമീപകാലത്തായി നിരന്തരം ഉണ്ടായിരുന്നതായി വിദ്യാര്‍ത്ഥികള്‍ പറയുന്നു. തങ്ങള്‍ ഇവിടെ വരയ്ക്കാന്‍ വന്ന് ഇരിക്കാറുണ്ട്. എന്നാല്‍ ഇവിടെ ഇരിക്കാന്‍ ദേവസ്വത്തിന്റെ അനുമതി വേണമെന്ന് ഹിന്ദുമഹാസഭാ നേതാവ് പറഞ്ഞു. ഇതിനെ ചോദ്യം ചെയ്തപ്പോള്‍ സംഘടനാപരമായ തീരുമാനമാണെന്ന് നേതാവ് പ്രതികരിച്ചു. ഇത് അമ്പലത്തിന്റെ സ്ഥലമാണെന്നും ഇവിടെ ഒരാണും പെണ്ണും കൂടി ഇരിക്കാന്‍ പാടില്ല, ഇവിടെ ഇരുന്ന് വരയ്ക്കാനും പാടില്ലെന്നും നേതാവ് പറഞ്ഞതായി വിദ്യാര്‍ത്ഥികള്‍ പറയുന്നു. കുട്ടികളുടെ പേര് ചോദിച്ച നേതാവ് അഹിന്ദുക്കള്‍ ഈ മണ്ണില്‍ ചവിട്ടാന്‍ പാടില്ലെന്ന് വ്യക്തമാക്കി. ഈ നിലപാടിനെ ചോദ്യം ചെയ്ത പെണ്‍കുട്ടിയെ നേതാവ് തെറി വിളിക്കുകയാണ് ഇയാള്‍ ചെയ്ത്.
ഇതോടെ നാട്ടുകാര്‍ ഇടപെട്ട് പൊലീസിനെ വിളിക്കുകയായിരുന്നു. ആളുകൂടിയപ്പോള്‍ പ്രശ്‌നമാകുമെന്നായപ്പോള്‍ നേതാവ് പതിയെ മുങ്ങി. പൊലീസിനോട് താന്‍ ആരേയും തല്ലിയില്ലല്ലോ എന്നായിരുന്നു നേതാവിന്റെ മറുപടി. 
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha