ഇന്ത്യന് സൈന്യത്തെ അടിമുടി പരിഷ്കരിക്കാന് നടപടികളുമായി സംയുക്ത സേനാമേധാവി ജനറല് ബിപിന് റാവത്ത് രംഗത്ത്
ഭാവിയിലെ സുരക്ഷയും വെല്ലുവിളികളും കണക്കിലെടുത്ത് ഇന്ത്യന് സൈന്യത്തെ അടിമുടി പരിഷ്കരിക്കാന് നടപടികളുമായി സംയുക്ത സേനാമേധാവി (സി.ഡി.എസ്) ജനറല് ബിപിന് റാവത്ത്. ഉത്തര-പശ്ചിമ ഭാഗങ്ങളില്നിന്നുള്ള ഭീഷണി നേരിടാന് രണ്ടു മുതല് അഞ്ചുവരെ തിയറ്റര് കമാന്ഡുകള് രൂപവത്കരിക്കുമെന്നും 2022ഓടെ ഇതില് ആദ്യത്തേത് പ്രാവര്ത്തികമാകുമെന്നും അദ്ദേഹം പറഞ്ഞു. ജമ്മു-കശ്മീരിന് മാത്രമായി മറ്റൊരു തിയറ്റര് കമാന്ഡ് ഉണ്ടാക്കും.
അമേരിക്കന് മാതൃകയില് സൈനിക പരിശീലനത്തിനായും കമാന്ഡ് രൂപവത്കരിക്കും. കര, നാവിക, വ്യോമസേനകള് അടങ്ങിയ സൈനിക യൂനിറ്റാണ് തിയറ്റര് കമാന്ഡ്. നിലവില് ഓരോ സൈനിക വിഭാഗത്തിനും രാജ്യത്ത് വ്യത്യസ്ത കമാന്ഡുകളാണ് ഉള്ളത്. നാവികസേനയുടെ കിഴക്ക്-പടിഞ്ഞാറന് കമാന്ഡുകള് സംയോജിപ്പിച്ച് ഇന്ത്യന് മഹാസമുദ്രത്തിന്റെ മുഴുവന് സുരക്ഷക്കായി ഒറ്റ യൂനിറ്റ് രൂപവത്കരിക്കുമെന്നും (പെനിന്സുലാര് കമാന്ഡ്) നാവികസേന മേധാവിക്ക് കീഴിലായിരിക്കും ഇത് പ്രവര്ത്തിക്കുകയെന്നും റാവത്ത് പറഞ്ഞു. പെനിന്സുലാര് കമാന്ഡ് മേധാവിക്ക് ഡല്ഹിയില് നിന്നുള്ള നിര്ദേശങ്ങള്ക്ക് കാത്തിരിക്കാതെ തന്നെ യുദ്ധക്കപ്പലുകളുടെ യാത്രാഗതിയടക്കം കാര്യങ്ങളില് തീരുമാനമെടുക്കാനുമാകുമെന്നും അദ്ദേഹം അറിയിച്ചു.
https://www.facebook.com/Malayalivartha