എംഐടി വേൾഡ് പീസ് യൂണിവേഴ്‌സിറ്റിയിലെ (എംഐടി-ഡബ്ല്യുപിയു) സ്‌കൂൾ ഓഫ് കൊമേഴ്‌സ് ആൻഡ് ഇക്കണോമിക്‌സും ഫിനാൻഷ്യൽ പ്ലാനിംഗ് സ്റ്റാൻഡേർഴ്‌സ് ബോർഡിൻ്റെ (എഫ്‌പിഎസ്ബി) ഇന്ത്യൻ ഉപസ്ഥാപനമായ എഫ്‌പിഎസ്ബി ഇന്ത്യയും ധാരണാപത്രം ഒപ്പുവച്ചു. ഇതുവഴി അർഹരായ വിദ്യാർഥികൾക്ക് അക്കാദമിക് പഠനത്തോടൊപ്പം ആഗോളതലത്തിൽ അംഗീകരിക്കപ്പെട്ട സെർട്ടിഫൈഡ് ഫിനാൻഷ്യൽ പ്ലാനർ ® (സിഎഫ്‌പി ®) സർട്ടിഫിക്കേഷൻ നേടുന്നതിനുള്ള അവസരം ലഭിക്കും.

ഫിനാൻഷ്യൽ പ്ലാനിംഗ്, വെൽത്ത് മാനേജ്മെന്റ് മേഖലകളിൽ വിദ്യാർഥികൾക്ക് പ്രായോഗിക പരിജ്ഞാനവും പ്രൊഫഷണൽ വൈദഗ്ധ്യവും നൽകുകയാണ് സഹകരണത്തിൻ്റെ ലക്ഷ്യം. നിക്ഷേപം, വിരമിക്കൽ ആസൂത്രണം, നികുതി, റിസ്‌ക് മാനേജ്മെന്റ്, എസ്റ്റേറ്റ് പ്ലാനിംഗ് തുടങ്ങിയ മേഖലകളിൽ പരിശീലനം ലഭിക്കും. ബാങ്കിങ്, ഇൻഷുറൻസ്, ഇൻവെസ്റ്റ്മെന്റ് അഡ്വൈസറി, വെൽത്ത് മാനേജ്മെന്റ്, ഫിൻടെക് തുടങ്ങിയ മേഖലകളിലെ തൊഴിൽ അവസരങ്ങൾക്ക് വിദ്യാർഥികളെ സജ്ജരാക്കാനും ധാരണാപത്രം ലക്ഷ്യമിടുന്നു.