മന്ത്രി കെ എം മാണി ബജറ്റ് അവതരിപ്പിക്കുന്ന ദിവസം നിയമസഭ വളയാന്‍ സിപിഎമ്മിന് ആളെ കിട്ടുന്നില്ല. ഓരോത്തര്‍ക്കും 1000 രൂപയും രണ്ടു നേരം മാംസാഹാരവും നല്‍കാമെന്ന് പറഞ്ഞിട്ടും ആളുകളെ സമാഹരിക്കാന്‍ സിപിഎമ്മിന് കഴിയുന്നില്ല. ഈ പശ്ചാത്തലത്തില്‍ മുന്‍ തീരുമാനം പ്രതീകാത്മകമായി മതിയോ എന്ന് സിപിഎം സംസ്ഥാന സമിതി പുനരാലോചിക്കും. ഏതായാലും സിപിഎം തീരുമാനത്തില്‍ നിന്നും പിന്‍മാറിയേക്കും.
അതേസമയം ബജറ്റ് ദിവസം നിയമസഭ വളയാനുള്ള സജ്ജീകരണങ്ങളെല്ലാം യുവമോര്‍ച്ച പൂര്‍ത്തിയാക്കി കഴിഞ്ഞു. യുവമോര്‍ച്ച 10,000 പേരെ കൊണ്ടു വന്നാല്‍ തങ്ങള്‍ 15,000 പേരെയെങ്കിലും കൊണ്ടുവരേണ്ടേ എന്നാണ് സിപിഎം ചോദിക്കുന്നത്. 15,000 പോയിട്ട് 1000 പേരെ പോലും നിയമസഭ വളയാന്‍ കിട്ടുന്നില്ല. യുവമോര്‍ച്ചയുമായി തല്ലുകൂടാന്‍ വയ്യ എന്നാണ് ഇവര്‍ പ്രധാനമായും പറയുന്നത്. ബജറ്റ് ദിവസം യുവമോര്‍ച്ചയും സിപിഎമ്മും ഒരേ സ്ഥലത്ത് അണി നിരന്നാല്‍ അത് ക്രമസമാധാനന്തരീക്ഷം തകര്‍ക്കുമെന്ന് തന്നെ പറയേണ്ടി വരും. കെഎം മാണിക്കെതിരായ സമരത്തിലെ ആത്മാര്‍ത്ഥതയെയും സിപിഎം അണികള്‍ ചോദ്യം ചെയ്യുന്നത്. ഒരിക്കല്‍ സര്‍ക്കാരുണ്ടാക്കാന്‍ മാണിയുടെ വീട്ടില്‍ നട കിടന്നവരാണ്. ഇപ്പോള്‍ അദ്ദേഹത്തിനെതിരെ സമരവുമായി രംഗത്തിറങ്ങിയിരിക്കുന്നതെന്നും അണികള്‍ പരിഹസിക്കുന്നു.
സമരരീതിയെ കുറിച്ചും സിപിഎം ഒരു തീരുമാനം എടുത്തിട്ടില്ല. കാരണം സമരം എങ്ങനെ വേണം എന്നതിനെ കുറിച്ച് സിപിഎമ്മിന് ഒരു രൂപവുമില്ല. ബജററ് വിരുദ്ധ സമരത്തിനും സോളാര്‍ സമരത്തിന്റെ വിധി തന്നെയായിരിക്കുമെന്നാണ് പ്രവര്‍ത്തകരുടെ കണക്കു കൂട്ടല്‍. അതിനിടെ ബജറ്റ് വിരുദ്ധ സമരത്തിന് വ്യാപകമായ പിരിവ് തുടങ്ങി കഴിഞ്ഞു. മാണിക്കെതിരെ ബാര്‍കോഴ ആരോപണം ഉന്നയിച്ചവര്‍ തന്നെയാണ് യുവമോര്‍ച്ചയുടെയും ബിജെപിയുടെയും സമരങ്ങള്‍ക്ക് സാമ്പത്തിക പിന്തുണ നല്‍കുന്നത്. 1000 രൂപയ്ക്ക് ആളെ കിട്ടാത്ത പശ്ചാത്തലത്തില്‍ ആളൊന്നിന് 2000 രൂപയെങ്കിലും നല്‍കേണ്ടി വരും.

ചുരുക്കത്തില്‍ നിയമസഭ വളയല്‍ തടയണമെങ്കില്‍ ചുരുങ്ങിയത് മുക്കാല്‍ കോടി രൂപയെങ്കിലും വേണ്ടി വരും. സിപിഎം വല്ലാത്ത ധര്‍മ്മ സങ്കടത്തിലായിരിക്കുകയാണ്. കാരണം പുതിയ സംസ്ഥാനകമ്മിറ്റിയുടെ ആദ്യ സമരമാണ് നടക്കാന്‍ പോകുന്നത്. കെ.എം. മാണിക്കെതിരെയുള്ള സമരത്തിന് ആളുകളെ വാടകയ്ക്ക് എടുക്കേണ്ടി വരികയാണെങ്കില്‍ അതും സിപിഎമ്മിനെ പ്രതിസന്ധിയിലാക്കും. ഒരു പാര്‍ട്ടിയിലും വിശ്വസിക്കാത്തവരും സമരങ്ങള്‍ക്ക് വരാറുണ്ട്. അങ്ങനെയുള്ളവര്‍ക്ക് കൂടുതല്‍ പണവും വസ്ത്രവും മൃഷ്ടാനഭോജനവും നല്‍കേണ്ടി വരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha