മലപ്പുറം തിരൂരില്‍ സിഐ ന്റെ നേതൃത്വത്തില്‍ പെട്രോളിങ്ങിന്  ഇറങ്ങിയ പോലീസിനെ കണ്ട് ഭയന്നോടിയ യുവാവ് പാടത്ത് വീണ് മരിച്ചു. തിരൂര്‍ കട്ടച്ചിറ സ്വദേശി നടിവരമ്പത്ത് സുരേഷ് ആണ് മരിച്ചത്. മൃതദേഹം പോസ്റ്റ്മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.തിരൂര്‍ ബിപിയങ്ങാടി കട്ടചിറയിലാണ് ഇന്നലെ രാത്രി 7 മണിയോടയാണ് സംഭവം നടന്നത്.

നിരോധനാജ്ഞ നിലനില്‍ക്കുന്ന സാഹചര്യത്തില്‍ തിരൂര്‍ സിഐയുടെ നേതൃത്വത്തില്‍ പെട്രോളിങ്ങിന് ഇറങ്ങിയ പൊലീസിന് കണ്ട് ഭയന്ന് ഓടിയപ്പോഴാണ്അപകടം നടന്നത്. കൂടെയുള്ള ആളുകളെ പോലീസ് അറസ്റ്റ് ചെയുന്നത് കണ്ടതോടെയാണ് ബാക്കിയുള്ള ആളുകള്‍ ഓടി രക്ഷപ്പെടുകയായിരുന്നു. ഓടിയതില്‍ ഒരാള്‍ സുരേഷ് ആയിരുന്നു. തുടര്‍ന്ന് സുരേഷിന്റെ വീട്ടില്‍ എത്തി പോലീസ് അനേഷണം നടത്തിയപ്പോഴാണ് സുരേഷ് വീട്ടില്‍ എത്താത്തത് വീട്ടുകാര്‍ അറിയുന്നത്.

തുടര്‍ന്ന് വീട്ടുകാര്‍ നടത്തിയ പരിശോധനയില്‍ ആണ് വീടിന്റെ അടുത്തുള്ള പാടത്ത് സുരേഷ് വീണ് കിടക്കുന്നത് കണ്ടത് തുടര്‍ന്ന് ഉടന്‍ തന്നെ വീട്ടുകാരും നാട്ടുകാരും ചേര്‍ന്ന് തിരൂര്‍ ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല .

മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി ഇന്ന് ഇന്‍ക്വസ്റ്റ് നടപടികള്‍ക്കുശേഷം പോസ്റ്റുമോര്‍ട്ടം നടത്തി ബന്ധുക്കള്‍ക്ക് വിട്ടു നല്‍കും.