കണ്ണൂർ പാനുണ്ടയിൽ കുളത്തിന്റെ പടിക്കെട്ടിൽ തലയിടിച്ച് വീണ് ആറുവയസുകാരി മരിച്ചു. രണ്ടാം ക്ലാസ് വിദ്യാർത്ഥിയായിരുന്ന മിർസയാണ് മരിച്ചത്. ഇന്ന് രാവിലെയാണ് അപകടം സംഭവിച്ചത്. ഞായറാഴ്ച ദിവസങ്ങളിൽ നാട്ടുകാർ പ്രദേശത്ത് ശുചീകരണ പ്രവർത്തനങ്ങൾ നടത്തുന്ന പതിവുണ്ട്.

ഇതിനെത്തിയതായിരുന്നു മിർസയും കൂട്ടുകാരും. ഇതിനിടെ കുളത്തിന്റെ പടിയിൽ മിർസയുടെ ഹെയർ ബാൻഡ് വീണു. അത് എടുക്കാനായി ഇറങ്ങുന്നതിനിടെ കാൽ വഴുതി പടിക്കെട്ടിൽ തലയിടിച്ച് വെള്ളത്തിൽ വീഴുകയായിരുന്നുവെന്നാണ് നിഗമനത്തിലുളളത്.