ലോക്ഡൗണ്‍ ലംഘിച്ച്‌ 200 ഓളം സിപിഎം, ഡിവൈഎഫ്‌ഐ പ്രവര്‍ത്തകര്‍. പ്രവർത്തകർ ചേര്‍ന്ന് മലനടയില്‍ നെല്‍ക്കൃഷി വിളവെടുപ്പ് ഉത്സവം നടത്തി. രാജ്യമൊട്ടാകെ സമ്പൂർണ ലോക് ടൗൺ നടക്കുന്ന സാഹചര്യത്തിലാണ് പഞ്ചായത്ത് പ്രസിഡന്റും ത്രിതല പഞ്ചായത്തംഗങ്ങളും നേതാക്കളും ചേർന്ന് വിളവെടുപ്പ് ഉത്സവം നടത്തിയത്.

പോരുവഴി പഞ്ചായത്തിന്റെ തരിശ് രഹിത പദ്ധതിയുടെ ഭാഗമായി കൃഷിയിറക്കിയ മലനട വീട്ടിനാല്‍ ഏലായില്‍ രാവിലെ 11 നാണ് സംഭവം. സംഭവത്തിൽ പൊലീസ് കാഴ്ചക്കാരായി എന്ന ആരോപണവും ഉയർന്നു .. ഡിവൈഎഫ്‌ഐ പോരുവഴി പടിഞ്ഞാറ് മേഖലാ കമ്മിറ്റിയുടെ നേതൃത്വത്തിലാണ് വനിതാ പ്രവര്‍ത്തകര്‍ ഉള്‍പ്പെടെ ഒട്ടേറെ വാഹനങ്ങളില്‍ സംഘടിച്ചെത്തിയത്. കിണര്‍ കുഴിക്കാന്‍ 2 തൊഴിലാളികളെ നിര്‍ത്തിയ സമീപവാസിയായ വീട്ടുടമയ്ക്ക് പൊലീസ് കഴിഞ്ഞ ദിവസം 10,000 രൂപ പിഴയിട്ടിരുന്നു. എന്നാല്‍ ജനപ്രതിനിധികളുടെ നേതൃത്വത്തിലുണ്ടായ ആള്‍ക്കൂട്ടത്തെ പറ്റിയുള്ള പരാതികളോട് പൊലീസ് മുഖം തിരിച്ചു എന്നാണ് ആക്ഷേപം.