നാമൊന്ന് ; കൊവിഡിനെതിരെ കേരളമൊന്നാകെ പ്രയത്നിക്കുമ്പോൾ ഒരുകൈ സഹായവുമായി അതിഥി തൊഴിലാളി
രാജ്യമൊട്ടാകെ കോവിഡിനെ തുരത്താനുള്ള കഠിന ശ്രമത്തിലാണ്. രാജ്യമൊട്ടാകെ 21 ദിവസത്തെ ലോക് ടൗൺ പ്രഖ്യാപിച്ചിരിക്കുകയാണ്. .കോവിഡ് പ്രതിരോധത്തിനായുള്ള സാമ്പത്തികിയ സഹായത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാൻ മുഖ്യമന്ത്രി അഭ്യർത്ഥിച്ചിരുന്നു. നിരവധി സഹായ ഹസ്തങ്ങളാണ് ഇതിനകം തന്നെ മുന്നോട്ട് വന്നത്.
കൊവിഡിനെതിരെ കേരളമൊന്നാകെ പ്രയത്നിക്കുമ്പോൾ ഒരുകൈ സഹായവുമായി അതിഥി തൊഴിലാളിയും രംഗത്തെത്തിയിരിക്കുകയാണ്.. മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭവാന നൽകിയാണ് അതിഥി തൊഴിലാളിയായ വിനോദ് ജംഗി കൊവിഡ് വിരുദ്ധ പ്രവർത്തനങ്ങളിൽ അണിചേർന്നത്.
രാജസ്ഥാൻ സ്വദേശിയായ വിനോദ് വർഷങ്ങളായി കേരളത്തിലാണ് ജോലി ചെയ്യുന്നത്. കൊവിഡെന്ന മഹാവ്യാധിക്കെതിരെ നാടൊന്നാകെ പ്രവർത്തിക്കുമ്പോൾ തന്നാലാവും വിധം എന്തെങ്കിലും ചെയ്യണമെന്നായിരുന്നു വിനോദിന്റെ ആഗ്രഹം. അങ്ങനെ കയ്യിൽ സ്വരുക്കൂട്ടിയ പണത്തിൽ നിന്ന് 5000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകാൻ തീരുമാനിക്കുകയായിരുന്നു. മാർബിൾ തൊഴിലാളിയാണ് വിനോദ്. കാസർകോട് നീലേശ്വരം കൂട്ടപ്പൂനയിൽ വാടകവീട്ടിലാണ് വിനോദും കുടുംബവും താമസം.
മുഖ്യമന്ത്രിയുടെ ദുരിതാശ്വാസനിധി നല്ല രീതിയിൽ തന്നെ മുന്നോട്ട് പോകുന്നുവെന്ന് മുഖ്യമന്ത്രി പിണറായി വിജയൻ കഴിഞ്ഞ ദിവസം വ്യക്തമാക്കിയിരുന്നു. . നടൻ മോഹൻലാൽ അടക്കമുള്ളവർ ദുരിതാശ്വാസ നിധിയിലേക്ക് സംഭാവന നൽകിയിരുന്നു. മുന് നിയമസഭാ അഗംങ്ങളും തങ്ങളുടെ ഒരുമാസത്തെ പെന്ഷന് തുക ദുരിതാശ്വാസ നിധിയിലേക്ക് സംഭാവന ചെയ്തിട്ടുണ്ട്. നിരവധി വ്യക്തകളും സംഘടനകളും സംഭാവനകള് നല്കി കൊണ്ടിരിക്കുന്നുവെന്നും മുഖ്യമന്ത്രി വ്യക്തമാക്കി.
അതേസമയം കോവിഡുമായി ബന്ധപ്പെട്ട് സംസ്ഥാനത്ത് ചില വക്ര ബുദ്ധികളും അപൂര്വം കുരുട്ടു രാഷ്ട്രീയക്കാരും തെറ്റായ പ്രചാരണം നടത്തുന്നുവെന്ന് മുഖ്യമന്ത്രി പിണറായി വിജയന് ഇന്നലെ വാർത്ത സമ്മേളനത്തിൽ വ്യക്തമാക്കിയിരുന്നു. ഇത്തരക്കാര്ക്കെതിരേ കര്ശന നടപടി സ്വീകരിക്കുമെന്ന് അദ്ദേഹം വ്യക്തമാക്കി. അതിഥി തൊഴിലാളികള്ക്ക് കൂടുതല് പരിഗണന എന്ന മട്ടിലാണ് ഇവര് പ്രചരണം നടത്തുന്നതെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
https://www.facebook.com/Malayalivartha