'ഇത്തരം അസംബന്ധങ്ങള് ചെയ്തു കൂട്ടാന് സമയമുള്ള എല്ലാ ഞെരമ്പുരോഗികളോടും പറയാനുള്ളത് ഒന്നു മാത്രം; നിങ്ങള്ക്കുമില്ലേ അമ്മ പെങ്ങന്മാര്? പൊട്ടിത്തെറിച്ച് അനുപമ പരമേശ്വരന്;
പ്രേമത്തിലെ മേരയെന്ന കഥാപാത്രത്തിലൂടെ മലയാളികളുടെ ഇഷ്ടതാരമായി മാറിയ അനുപമ പരമേശ്വരന് പിന്നീട് സോഷ്യല് മീഡിയയിലൂടെ നേരിടേണ്ടിവന്നത് അത്ര നല്ല അനുഭവങ്ങളല്ല. ചുരുണ്ട മുടിയിഴകളുമായി സിനിമയിലേക്കെത്തിയ താരത്തിന് മികച്ച സ്വീകാര്യതയായിരുന്നു ആദ്യം ലഭിച്ചത്. ആദ്യ സിനിമ ശ്രദ്ധിക്കപ്പെട്ടുവെങ്കിലും പിന്നീട് അത്ര മികച്ച അവസരങ്ങളൊന്നും താരത്തിന് ലഭിച്ചിരുന്നില്ല. എല്ലാ നടിമാരെയും പോലെ പോലെ താരവും അന്യഭാഷയിലേക്ക് പോയി. തെലുങ്ക്, തമിഴ് ചിത്രങ്ങളില് നിന്നായി മികച്ച സ്വീകാര്യത ലഭിച്ചതോടെ നിരവധി അവസരങ്ങളും താരത്തിന് ലഭിച്ചു. ഇടക്ക് മലയാളത്തിലും താരം മുഖംകാണിക്കാന് എത്തിയിരുന്നു. ഇപ്പോഴിതാ സോഷ്യല് മീഡിയയില് നേരീടേണ്ടിവന്ന ആ അനുഭവത്തിനെതിരെ പൊട്ടിത്തെറിച്ചുകൊണ്ട് താരം രംഗത്തെത്തിയിരിക്കുകയാണ്.
തന്റെ വ്യാജചിത്രം പ്രചരിപ്പിച്ചവരെ കടുത്ത ഭാഷയില് വിമര്ശിച്ചുകൊണ്ടാണ് അനുപമ പരമേശ്വരന് രംഗത്തെത്തിയിരിക്കുന്നത്. താരത്തിന്റെ ഫെയ്സ്ബുക്ക് പേജ് ഹാക്ക് ചെയ്ത്, അതിലൂടെയാണ് മോര്ഫ് ചെയ്ത ചിത്രം പ്രചരിപ്പിക്കുകയായിരുന്നു ചിലര്. ഇക്കാര്യം തുറന്നു കാട്ടി അനുപമ പോസ്റ്റ് ചെയ്തതിനു പിന്നാലെ താരത്തിന്റെ ഔദ്യോഗിക പേജും അപ്രത്യക്ഷമായി.
അനുപമയുടെ വാക്കുകള്: 'ഇത്തരം അസംബന്ധങ്ങള് ചെയ്തു കൂട്ടാന് സമയമുള്ള എല്ലാ ഞെരമ്പുരോഗികളോടും പറയാനുള്ളത് ഒന്നു മാത്രം... നിങ്ങള്ക്കൊന്നും വീട്ടില് അമ്മപെങ്ങന്മാരില്ലേ? ഇത്തരം മണ്ടത്തരങ്ങള്ക്കല്ലാതെ, നല്ല കാര്യങ്ങള്ക്കായി തല ഉപയോഗിച്ചു കൂടേ?' അനുപമ ഫെയ്സ്ബുക്കില് കുറിച്ചു. യഥാര്ത്ഥ ചിത്രവും മോര്ഫ് ചിത്രവും പങ്കുവച്ചുകൊണ്ടായിരുന്നു അനുപമയുടെ വാക്കുകള്.
ഫെയ്സ്ബുക്ക് പേജ് അപ്രത്യക്ഷമായെങ്കിലും ട്വിറ്ററില് താരം സജീവമാണ്. സമൂഹമാധ്യമങ്ങളില് പ്രചരിക്കുന്നത് വ്യാജചിത്രമാണെന്നും ഇത്തരം മോര്ഫ് ചെയ്ത ചിത്രങ്ങള് പ്രചരിപ്പിക്കരുതെന്നും ആവശ്യപ്പെട്ട് താരം ട്വീറ്റ് ചെയ്തു. 'ഒരു പെണ്കുട്ടിയല്ലേ? എങ്ങനെയാണ് ഇതു ചെയ്യാന് തോന്നുന്നത്? ഒരു സാമാന്യബോധം പോലുമില്ലേ? ദയവു ചെയ്ത് ഇത് ആവര്ത്തിക്കരുത്,' താരം ട്വീറ്റ് ചെയ്തു. വ്യാജ വിഡിയോ പ്രചരിപ്പിക്കുന്നതിനെതിരെ കഴിഞ്ഞ ദിവസം ഉപ്പും മുളകും താരം ജൂഹി റൂസ്തഗിയും രംഗത്തു വന്നിരുന്നു. വാസ്തവവിരുദ്ധവും വ്യക്തിഹത്യ നടത്തുന്നതുമായ വിഡിയോ പ്രചരിപ്പിച്ചവര്ക്കെതിരെ ജൂഹി ഡിജിപിക്ക് പരാതി നല്കി.
അതുപോലെതന്നെ സിനിമ സ്വീകരിക്കുന്നതുമായി ബന്ധപ്പെട്ട് സ്വന്തമായ നിലപാടുകളുണ്ട് ഈ താരത്തിന്. ബിക്കിനി ധരിച്ച് അഭിനയിക്കുന്നതിനോട് തനിക്ക് താല്പര്യമില്ലെന്ന് താരം നേരത്തെ തന്നെ വ്യക്തമാക്കിയിരുന്നു. അടുത്തിടെ ഒരു പുതിയ ചിത്രത്തിന്റെ സംവിധായകന് താരത്തോട് ഇക്കാര്യത്തിന് ആവശ്യപ്പെട്ടപ്പോഴാണ് അനുപമ കാര്യങ്ങള് വ്യക്തമാക്കിയത്. ഗ്ലാമര് വേഷങ്ങളോട് തുടക്കത്തിലെ താരത്തിന് താല്പര്യമുണ്ടായിരുന്നില്ല. അടുത്ത വീട്ടിലെ കുട്ടി എന്ന ഇമേജില് തുടരാനാണ് തനിക്ക് താല്പര്യമെന്നായിരുന്നു അനുപമ പറഞ്ഞത്.
ആ, കോടി, സന്താനം ഭവതി തുടങ്ങിയ ചിത്രങ്ങളില് അഭിനയിച്ചതോടെ അനുപമയെ തെന്നിന്ത്യന് സിനിമ ഏറ്റെടുത്തു. മലയാള സിനിമ പലപ്പോഴും വേണ്ടത്ര പരിഗണിക്കാതെ പോവുന്ന താരങ്ങള് അന്യഭാഷാ സിനിമകളില് ചേക്കേറുന്ന പതിവു സംഭവമാണ് അനുപമയുടെ കാര്യത്തിലും സംഭവിച്ചത്
തന്റെ ജീവിതത്തില് വളരെ വലിയ മാറ്റം വരുത്തിയ സിനിമയായിരുന്നു പ്രേമം. ആദ്യ ചിത്രത്തിലൂടെ തന്നെ ഏറെ ശ്രദ്ധിക്കപ്പെട്ടിരുന്നു അനുപമ. അതിനാല്ത്തന്നെ വീട് പുതുക്കിപ്പണിതപ്പോള് മറ്റൊരു പേരും മനസ്സിലുണ്ടായിരുന്നില്ല. അങ്ങനെയാണ് പ്രേമം എന്ന് പേര് നല്കിയതെന്നും താരം പറഞ്ഞിരുന്നു.
https://www.facebook.com/Malayalivartha