കൊവിഡ് ബാധിച്ച് അതീവ ഗുരുതരാവസ്ഥയിലായിരുന്ന മാഹി സ്വദേശി മരിച്ചു. നാല് ദിവസമായി കണ്ണൂർ ഗവൺമെന്റ് മെഡിക്കൽ കോളേജിൽ ചികിത്സയിലായിരുന്ന മാഹി ചെറുകല്ലായി സ്വദേശി മെഹ്റൂഫാണ് മരിച്ചത്. 71 വയസായിരുന്നു. വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തിയത്. രണ്ടാഴ്ച മുൻപാണ് പനി ബാധിച്ച് ഇദ്ദേഹത്തെ തലശേരിയിലെ ആശുപത്രിയിൽ പ്രവേശിപ്പിച്ചത്. മാർച്ച് 26 നാണ് തലശേരി ടെലി സെന്ററിലേക്ക് കൊണ്ടുപോയത്. പിന്നീട് 29 നും 30 നും ഇദ്ദേഹത്തിന് ആശുപത്രിയിലെത്തി. 30 ാം തീയതി നില വഷളായ ഇദ്ദേഹത്തെ അഡ്മിറ്റ് ചെയ്തു. ആറാം തീയതി നില കൂടുതൽ വഷളായതോടെ കണ്ണൂരിലെ മിംസ് ആശുപത്രിയിൽ പ്രവേശിപ്പിച്ചു.

നാല് ദിവസമായി പരിയാരത്ത് ചികിത്സയിലായിരുന്നു. കടുത്ത ഹൃദ്രോഗിയും വൃക്കരോഗിയുമായിരുന്നു. എവിടെ നിന്നാണ് ഇദ്ദേഹത്തിന് രോഗം ബാധിച്ചതെന്ന് വ്യക്തമല്ല. മാഹിയിൽ പലയിടങ്ങളിലും ഇദ്ദേഹം ലോക്ക് ഡൗൺ കാലത്ത് സഞ്ചരിച്ചിരുന്നു. നൂറിലേറെ പേരുമായി സമ്പർക്കം പുലർത്തിയെന്ന് കണ്ടെത്തി. നേരിട്ട് ഇടപഴകിയ 26 പേരുടെ സ്രവം പരിശോധിച്ചു. എന്നാൽ ആർക്കും രോഗം കണ്ടെത്താനായില്ല. കണ്ണൂരിൽ ഇതുവരെ 65 പേർക്കാണ് കൊവിഡ് രോഗം സ്ഥിരീകരിച്ചത്. 33 പേർക്ക് രോഗം ഭേദമായിട്ടുണ്ട്.

ഇതോടെ കേരളത്തിന് നഷ്ടമായത് മൂന്നുപേരുടെ ജീവനാണ്. രാജ്യത്തെ കോവിഡ് ബാധിതരില്‍ 9.12 ശതമാനത്തിനുമാത്രമാണ് രോഗം ഭേദമായത്. സംസ്ഥാനത്താകട്ടെ രോഗ മുക്തി 34.06 ശതമാനമാണ്. ജാഗ്രതാപൂര്‍വമായ പ്രവര്‍ത്തനങ്ങളിലൂടെ ഗുരുതര രോഗങ്ങളുള്ള 93ഉം 88ഉം വയസ്സുള്ള ദമ്ബതികളുടെ ജീവന്‍ തിരിച്ചുപിടിച്ച്‌ സംസ്ഥാനം ലോകത്തിനുതന്നെ മാതൃകയായി. എറണാകുളം മെഡിക്കല്‍ കോളേജില്‍ അമ്ബത്തേഴുകാരനായ ബ്രിട്ടീഷ് പൗരനും മരണത്തെ മുഖാമുഖം കണ്ട് ജീവിതത്തിലേക്ക് തിരിച്ച്‌ നടന്നതും ഇതേ ഇച്ഛാശക്തിയുടെ കൈപിടിച്ചാണ്. ഇദ്ദേഹത്തെ രക്ഷിക്കാന്‍ എച്ച്‌ഐവിക്ക് ഉപയോഗിക്കുന്ന പ്രത്യേക ചികിത്സ സ്വീകരിച്ചു. ചികിത്സയിലായിരുന്ന എട്ട് വിദേശ പൗരന്മാരെയും സുഖപ്പെടുത്തി.

അത്യാസന്ന രോഗികളില്‍ പ്ലാസ്മ ചികിത്സയും ക്യൂബന്‍ മരുന്നായ ഇന്റര്‍ഫെറോണും ഉപയോഗിക്കാന്‍ ഐസിഎംആര്‍ അനുമതി നല്‍കി. രോഗനിര്‍ണയ പരിശോധനയില്‍ ദേശീയ ശരാശരിയേക്കാള്‍ ഏറെ മുന്നിലാണ്. സാമൂഹ്യവ്യാപനം കണ്ടുപിടിക്കാനുള്ള ആന്റിബോഡി ടെസ്റ്റ് കിറ്റ് ഉടന്‍ വന്നുതുടങ്ങും. സംസ്ഥാനത്ത് രോഗം സ്ഥിരീകരിച്ച 364ല്‍ 230 പേരും വിദേശത്തുനിന്ന് എത്തിയവരാണ്.

സംസ്ഥാനത്ത് വെള്ളിയാഴ്ച 27 പേര്‍ കോവിഡ് രോഗമുക്തി നേടി. ഏഴുപേര്‍ക്കുകൂടി രോഗം സ്ഥിരീകരിച്ചു. നിരീക്ഷണത്തില്‍ കഴിയുന്നവരിലും കുറവുണ്ട്. കാസര്‍കോട്ട് മൂന്നുപേര്‍ക്കും കണ്ണൂര്‍, മലപ്പുറം ജില്ലകളില്‍ രണ്ടുപേര്‍ക്കുമാണ് രോഗം സ്ഥിരീകരിച്ചത്. മലപ്പുറത്തെ രോഗികള്‍ നിസാമുദീനില്‍നിന്ന് വന്നവരാണ്. മറ്റുള്ളവര്‍ക്ക് സമ്ബര്‍ക്കത്തിലൂടെയാണ് രോഗം പിടിപെട്ടതെന്ന് മന്ത്രി കെ കെ ശൈലജ പറഞ്ഞു. രോഗം ഭേദമായവരില്‍ 17 പേര്‍ കാസര്‍കോട് സ്വദേശികളാണ്. കണ്ണൂര്‍ -ആറും കോഴിക്കോട് രണ്ടും എറണാകുളം, തൃശൂര്‍ ജില്ലകളില്‍ ഓരോരുത്തര്‍ക്കുമാണ് രോഗം ഭേദമായത്. രോഗമുക്തി നേടിയവര്‍ ഇതോടെ 124 ആയി. ഇതുവരെ രോഗം സ്ഥിരീകരിച്ച 364ല്‍ 238 പേര്‍ ചികിത്സയിലാണ്. 1,29,751 പേര്‍ നിരീക്ഷണത്തിലുണ്ട്. 1,29,021 പേര്‍ വീടുകളിലും 730 പേര്‍ ആശുപത്രികളിലുമാണ്. വെള്ളിയാഴ്ച 126 പേരെ ആശുപത്രിയില്‍ പ്രവേശിപ്പിച്ചു. 13,339 സാമ്ബിള്‍ പരിശോധനയ്ക്ക് അയച്ചു.