കെപിസിസി ജനറല്‍ സെക്രട്ടറി ടി. സിദ്ദിഖിനെതിരെ മുന്‍ ഭാര്യ നസീമ പീഡനക്കുറ്റം ആരോപിച്ച് കോടതിയില്‍
കെപിസിസി ജനറല്‍ സെക്രട്ടറി ടി. സിദ്ദിഖിനെതിരെ മുന്‍ ഭാര്യ നസീമ പീഡനക്കുറ്റം ആരോപിച്ച് കോഴിക്കോട് ജുഡീഷ്യല്‍ ഫസ്റ്റ് ക്ലാസ് ഒന്നാം മജിസ്‌ട്രേട്ട് കോടതിയില്‍ പരാതി നല്‍കി. കഴിഞ്ഞ മാസം 28നാണ് തന്നെ മാനസികമായും ശാരീരികമായും പീഡിപ്പിച്ചെന്ന് കാണിച്ച് നസീമ പരാതി നല്‍കിയത്. പരാതി പരിഗണിച്ച കോടതി, ഏപ്രില്‍ ഒന്‍പതിലേക്ക് മാറ്റി.
അര്‍ബുദ രോഗം സ്ഥിരീകരിച്ച തന്റെ ചികില്‍സയുടെ കാര്യമോ കുട്ടികളുടെ കാര്യമോ കഴിഞ്ഞ വര്‍ഷം ജൂലൈ മുതല്‍ അന്വേഷിച്ചിട്ടില്ലാത്ത സിദ്ദിഖ്, ഇക്കഴിഞ്ഞ ജനുവരി അവസാനം വെള്ളക്കടലാസില്‍ എഴുതി തന്നെ തലാഖ് ചൊല്ലിയതായി അറിയിക്കുകയായിരുന്നു. കാന്‍സര്‍ രോഗിയായ തനിക്കും മക്കള്‍ക്കും ചെലവ് നല്‍കാതെ സിദ്ദീഖ് മറ്റൊരു വിവാഹംകഴിച്ചതായും പരാതിയിലുണ്ട്.
കാസര്‍ഗോഡ് ലോകസഭാതെരഞ്ഞെടുപ്പില്‍ മത്സരിച്ചപ്പോള്‍ സിദ്ദിഖ് തന്റെ രോഗം പത്രമാസികകളിലുടെ പ്രചരിപ്പിച്ചു വോട്ട് പിടിക്കുകയും പ്രവാസികളില്‍ നിന്നടക്കം പണപ്പിരിവ് നടത്തുകയും ചെയ്തതായും പരാതിയില്‍ പറയുന്നു. ജനുവരിയിലാണ് തലാഖ് ചൊല്ലിയെന്നറിയിച്ചുള്ള വെള്ളക്കടലാസ് തപാലില്‍ കിട്ടിയത്. സിദ്ദിഖ് മറ്റൊരാളെ വിവാഹംകഴിച്ചതായി കഴിഞ്ഞ ദിവസം ഫേസ്ബുക്കില്‍ നിന്നാണ് മനസിലായത്.
സിദ്ദിഖിന്റെ പരസ്ത്രീബന്ധം അറിഞ്ഞതിനെതുടര്‍ന്ന് അത് ചോദ്യം ചെയ്തതിന് തന്നെ നിരന്തരമായി ദോഹോപദ്രവം ഏല്‍പ്പിച്ചു. 2012 ഓഗസ്റ്റില്‍ മാറില്‍ മുറിവേല്‍പ്പിച്ചു. പിന്നീട് 2013 ഏപ്രിലില്‍ ഇത് പരിശോധിപ്പിച്ചപ്പോള്‍ അര്‍ബുദമാണെന്ന് സ്ഥിരീകരിച്ചു. 2014 ഫെബ്രുവരിയില്‍ അര്‍ബുദ രോഗചികിത്സക്കിടയില്‍ കീമോതെറാപ്പിചെയ്തതിന് ശേഷം തിരുവനന്തപുരം എംഎല്‍എ ഹോസ്റ്റലില്‍ വച്ചും തന്നെ ക്രൂരമായി മര്‍ദ്ദിച്ചു. ഫേസ്ബുക്കിലുടെയും ഫോണിലുടെയും സിദ്ദിഖിന്റെ രാഷ്ട്രീയഗുണ്ടകള്‍ നിരന്തരം ഭീഷണിപ്പെടുത്തുന്നതായും പരാതിയില്‍ പറയുന്നു.
സിദ്ദിഖ് തെരഞ്ഞെടുപ്പ് ചെലവിനെന്ന് പറഞ്ഞ് തന്റെ വീട്ടില്‍ നിന്ന് പലപ്പോഴായി 25 ലക്ഷം രൂപ വാങ്ങിച്ചു.
തെരഞ്ഞെടുപ്പിനുശേഷവും വീണ്ടും പണമാവശ്യപ്പെട്ടു. കണ്ണൂര്‍ താഴെചൊവ്വ സ്വദേശി പി വി ഷറഫുന്നീസക്ക് ആഭരണം നല്‍കാനാണ് വീണ്ടും പണം ചോദിച്ചതെന്നാണ് മനസ്സിലായത്.
വിവാഹവേളയില്‍ തനിക്ക് രക്ഷിതാക്കള്‍ നല്‍കിയ ആഭരണത്തില്‍ നിന്ന് 100 പവന്‍ സിദ്ദിഖിന്റെ ഉമ്മയും സഹോദരിയും കൈക്കലാക്കി.സൗന്ദര്യമില്ലെന്നും പണമില്ലെന്നും പറഞ്ഞ് ഭര്‍ത്താവിന്റെ സഹോദരിയും ഉമ്മയും നിരന്തരം പീഡിപ്പിച്ചിരുന്നു. മക്കള്‍ക്ക് വീട്ടില്‍ നിന്ന് നല്‍കിയ 20 പവന്‍ സ്വര്‍ണവും അവര്‍ സ്വന്തമാക്കി.
ഇക്കഴിഞ്ഞ ജനുവരിയില്‍ തലാഖ് ചൊല്ലിയതായി തപാലില്‍ വെള്ളക്കടലാസില്‍ വിവരം കിട്ടുകയാണ് ചെയ്തത്. ഉന്നതരാഷ്ട്രീയ ബന്ധവും പൊലീസിന്റെ സ്വാധീനവും കാരണം പൊലീസില്‍ പരാതി നല്‍കുന്നില്ല. ഷറഫുന്നിസയെന്ന സ്ത്രീയെ വിവാഹം കഴിച്ചതായി കഴിഞ്ഞ ദിവസം ഫേസ്ബുക്കിലൂടെയാണ് മനസിലായതെന്ന് കോടതിയില്‍ നല്‍കിയ പരാതിയില്‍ പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
