12 പേരെ കൊന്ന ആന അവസാനം സ്വന്തം ഉടമയെയും കൊമ്പില്‍ കോര്‍ത്തു. ഈരാറ്റുപേട്ട തീക്കോയി മംഗലഗിരി മുപ്പതേക്കറിലാണു സംഭവം. ഗുരുതരമായി പരിക്കേറ്റ ബാബുവിനെ ഉടന്‍ തന്നെ ഈരാറ്റുപേട്ട സിഎംസി ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മുമ്പും ശേഖരന്‍ എന്ന ആന നിരവധി പേരെ കുത്തിക്കൊന്നിട്ടുണ്ട്. പെട്ടെന്നു പ്രകോപനം ഉണ്ടാക്കിയ ആന ബാബുവിന്റെ വയറ്റില്‍ കൊമ്പു കുത്തിയിറക്കുകയായിരുന്നു. ഈ സമയം ഒന്നാം പാപ്പാന്‍ ആനയുടെ പുറത്ത് ഉണ്ടായിരുന്നു.
സ്ഥിരം പ്രശ്‌നക്കാരനായ ആനക്ക് ഉടമ പറയുന്നതിന് അതിനപ്പുറം ഉണ്ടായിരുന്നില്ല. മദപ്പാടില്‍ ആയിരുന്ന ആനയെ സ്വകാര്യവ്യക്തിയുടെ പുരയിടത്തില്‍ തളച്ചിരിക്കുകയായിരുന്നു. ഇന്നലെ വൈകുന്നേരം മുതല്‍ ആന ഇടഞ്ഞു നില്കുകയായിരുന്നു. ഉടമ പറഞ്ഞാല്‍ മാത്രമെ ഇത്തരം അവസരത്തില്‍ ആന അനുസരണ കാട്ടിയിരുന്നുള്ളൂ. ഉടമയെത്തി ആനയെ അഴിച്ചെങ്കിലും വീണ്ടും ഇടയുകയായിരുന്നു. പാപ്പാന് ആനയുടെ പുറത്തുനിന്നും ഇറങ്ങാന്‍ സാധിച്ചിട്ടില്ല. രണ്ടാം പാപ്പാനെ കുത്തിക്കൊന്നതില്‍ പ്രതിഷേധിച്ച് പാപ്പാന്റെ മൃതദേഹവുമായി ഉടമ ബാബുവിന്റെ വീട്ടുപടിയ്ക്കല്‍ പ്രതിഷേധിച്ചതിനു പിന്നിലും ശേഖരന്‍ എന്ന ആനയായിരുന്നു. ഇടഞ്ഞുനില്കുന്ന ആനയെ മയക്കുവെടിവച്ച് തളയ്ക്കാന്‍ കോട്ടയത്തുനിന്നു എലിഫന്റ് സ്‌ക്വാഡിലെ ഡോ. സാബു സി. ഐസക്ക് സംഭവസ്ഥലത്തേക്കു പുറപ്പെട്ടു.
സ്ഥിരം പ്രശ്‌നക്കാരനായ ആനയെ ഉത്സവങ്ങളിലും ആഘോഷങ്ങളിലും പങ്കെടുപ്പിക്കരുതെന്നു നിര്‍ദേശമുണ്ടായിരുന്നു. തടിപ്പണിയില്‍ ഉള്ള കേമത്തം മൂലം മില്ലുകാരും തടിക്കച്ചവടക്കാരും ഇതിനെ വാടകയ്‌ക്കെടുത്തിരുന്നു. മുമ്പു പല തവണ ഈ ആനയെ കൈമാറ്റം നടത്തിയിട്ടുണ്ടെങ്കിലും ബാബുവിന്റെ കൈവശം ഒന്നിലേറെ പ്രാവശ്യം വന്നു ചേരുകയും ചെയ്തു. പാലാ ടിംമ്പേഴ്‌സ് പാട്‌നറാണു ബാബു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha