തട്ടിപ്പില് വര്ഗീസ് ഉതൂപ്പ് മുന്നില് തന്നെ, കുവൈറ്റിലെ നഴ്സിങ് ജോലിക്കായി പാവപ്പെട്ട നഴ്സ്മാരില് നിന്ന് പിരിച്ചത് കോടികള്
നമ്പര് 22 ഫീമെയില് കോട്ടയം എന്ന ഫഹദ് ഫാസില് ചിത്രത്തെ അനുസ്മരിക്കുന്ന തട്ടിപ്പുമായി കൊച്ചിയിലെ അല് സറഫ ഏജന്സി ഉടമ വര്ഗീസ് ഉതുപ്പ്. വര്ഷത്തില് ഏതാണ്ട് 1200 നഴ്സുമാരെയാണ് ഉതുപ്പിന്റെ സ്ഥാപനം കുവൈത്തിലേക്ക് മാത്രം കയറ്റി അയച്ചിരുന്നത്. പാവപ്പെട്ട നഴ്സുമാരെ പറ്റിച്ച് ഉതൂപ്പ് നേടിയത് ഏകദേശം 100കോടിയോളം രൂപ. സിബിഐ നടത്തിയ റെയ്ഡിലാണ് കേരളം കണ്ട ഏറ്റവും വലിയ ചതിയുടെ കഥ പുറംലോകമറിഞ്ഞത്. നഴ്സുമാരെ പറ്റിച്ച് 250 കോടി രൂപ നേടാനായിരുന്നു ഉതുപ്പ് ലക്ഷ്യമിട്ടത്.
കുവൈറ്റിലേക്ക് നേഴ്സുമാരെ റിക്രൂട്ട് ചെയ്യാനുള്ള കരാര് ഉതുപ്പിനുണ്ടായിരുന്നു. റിക്രൂട്ട് ചെയ്ത നേഴ്സുമാര്ക്ക് ജോലി കിട്ടുകയും ചെയ്തു. 20,000 രൂപയ്ക്ക് ജോലി ലഭിക്കേണ്ട സ്ഥലത്ത് വര്ഗീസ് ഉതുപ്പ് ഈടാക്കിയത് 20ലക്ഷം രൂപ. 1200 നേഴ്സുമാരെ കുവൈറ്റിലെത്തിക്കുമ്പോള് 250 കോടി രൂപയാണ് പിരിച്ചെടുക്കാന് ഉതുപ്പ് വര്ഗ്ഗീസ് ലക്ഷ്യമിട്ടത്. എല്ലാ ഔദ്യോഗിക സംവിധാനങ്ങളേയും വശത്താക്കിയായിരുന്നു ഉതുപ്പിന്റെ തട്ടിപ്പ്.
കുവൈത്ത് ആരോഗ്യമന്ത്രാലയത്തിനു കീഴിലുള്ള ആശുപത്രികളിലേക്ക് നഴ്സുമാരെ റിക്രൂട്ട് ചെയ്യാനുള്ള കരാറാണ് അല് സറാഫയ്ക്ക് ലഭിച്ചിരുന്നത്. 1200 നഴ്സുമാരെ റിക്രൂട്ട് ചെയ്യാനുള്ള കരാറാണ് ലഭിച്ചിരുന്നത്. ഒരു ഉദ്യോഗാര്ഥിയില് നിന്നും 19,500 രൂപ വീതം സര്വീസ് ചാര്ജ് ഇനത്തില് റിക്രൂട്ട്മെന്റിനായി ഈടാക്കാമെന്നായിരുന്നു വ്യവസ്ഥ. എന്നാല് അല് സറാഫ ഒരാളില്നിന്ന് 19,50,000 രൂപയാണ് ഈടാക്കിയത്. ദശാംശം മായ്ച്ചുകളഞ്ഞശേഷമാണ് ഭീമമായ ഈ തട്ടിപ്പ് നടത്തിയത്. ഇതിനകം ഈ രീതിയില് 500ഓളം പേരെ ഉതുപ്പ് കുവൈത്തിലെത്തിച്ചിട്ടുണ്ട്. കുവൈത്തുമായി സര്വ്വീസ് ചാര്ജ്ജില് ഉതുപ്പിന് കരാറില്ല. 19500 രൂപയേ വാങ്ങാവൂ എന്നത് ഇന്ത്യയിലെ നിയമമാണ്. ഇതിനെയാണ് ഉതുപ്പ് തന്ത്രപരമായി മറികടന്നത്.
കഴിഞ്ഞ നാല് ദിവസമായി ആദായനികുതി വകുപ്പ് നടത്തിയ പരിശോധനയിലാണ് കോടികളുടെ തട്ടിപ്പ് കണ്ടെത്തിയത്. ഇതേത്തുടര്ന്ന് സി.ബി.എ ചാര്ജ് ചെയ്ത കേസ്സില് പ്രൊട്ടക്റ്റര് ഓഫ് എമിഗ്രന്റ്സ് മേധാവി അഡോള്ഫ്സ് ലോറന്സാണ് ഒന്നാം പ്രതി. കേസിലെ രണ്ടാം പ്രതിയാണ് അല് സറാഫ് എന്ന സ്വകാര്യ റിക്രൂട്ടിങ് ഏജന്സിവഴി കോടികള് തട്ടിച്ച ഉതുപ്പ് വര്ഗീസ്. ഇരുവര്ക്കുമെതിരേ സിബിഐ കോടതിയില് കുറ്റപത്രം സമര്പ്പിച്ചു. എന്ഫോഴ്സ്മെന്റ് ഡയറക്ടറേറ്റും ഈ കേസില് അന്വേഷണം നടത്തുന്നുണ്ട്.
കോട്ടയം മണ്ണാര്ക്കാട് സ്വദേശിയായ ഉതുപ്പ് വര്ഗീസ് ദുബായിലാണ് താമസം. ഇയാളെ ദുബായില്നിന്ന് നാട്ടിലെത്തിക്കാനുള്ള ശ്രമം ആരംഭിച്ചിട്ടുണ്ട്. മുഖ്യമന്ത്രിയുടെ ഓഫീസുമായി ഇയാള്ക്കുള്ള ബന്ധവും ചോദ്യം ചെയ്യപ്പെടുന്നുണ്ട്.
അല് സറഫായില്നിന്ന് കണക്കില്പ്പെടാത്ത മൂന്നര കോടി രൂപ ആദായ നികുതി വകുപ്പ് പിടിച്ചെടുത്തതോടെയാണ് എന്ഫോഴ്സ്മെന്റ് ഡയറക്ടറേറ്റും അന്വേഷണം തുടങ്ങിയിരിക്കുന്നത്. മുഖ്യമന്ത്രി ഉമ്മന് ചാണ്ടിയുമായി അടുത്ത ബന്ധമുള്ള ഉതുപ്പ് വര്ഗീസിന്റെ സ്ഥാപനത്തില് പരിശോധനയ്ക്കായി ആദായ നികുതി വകുപ്പ് തിരഞ്ഞെടുത്ത സമയവും ശ്രദ്ധേയമാണ്. മുഖ്യമന്ത്രി വിദേശത്ത് പോയ സമയം നോക്കിയാണ് റെയ്ഡ് നടത്തിയത്. കൊച്ചിയിലെ പൊലീസിനെ പോലും അവസാനനിമിഷമാണ് പരിശോധന നടത്തുന്ന വിവരം ആദായ നികുതി വകുപ്പ് അറിയിച്ചത്. പലരും പണം അല്സറഫ മുഖാന്തരമല്ല അടച്ചിരുന്നതെന്ന് ഇന്കം ടാക്സ് അധികൃതര്ക്ക് മനസിലാക്കാനായിട്ടുണ്ട്. ദുബായിലുള്ള ഉതുപ്പിനോട് എത്രയും പെട്ടെന്ന് നാട്ടിലെത്താന് അന്വേഷണ ഉദ്യോഗസ്ഥര് ആവശ്യപ്പെട്ടിട്ടുണ്ട്. ഇയാള് അന്വേഷണവുമായി സഹകരിക്കുന്നില്ലെന്നാണ് സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
