ജിസില് മാത്യു ഭര്തൃവീട്ടില് നിന്നും പിണങ്ങിപ്പോയത്; ചെന്നൈയില് താമസിച്ച് ജോലി അന്വേഷിക്കുന്നു
എന്നെ ആരും തട്ടി തട്ടിക്കൊണ്ടുപൊയതൊന്നും അല്ലെന്നും സ്വമേധയാ വീടുവിട്ടു പോയതാണെന്നും ഇഷ്ടമില്ലാത്ത വിവാഹം വീട്ടുകാര് ബലമായി നടത്തിയതില് ഉള്ള പ്രതിഷേധം കൊണ്ട് ഇപ്രകാരം ചെയ്തതാണെന്നും ജിസില് മാത്യു. വീട്ടുകാരുടെ നിര്ബന്ധം കൊണ്ടാണ് ജോബിന് ജോണിയുമായുള്ള വിവാഹത്തിന് സമ്മതിച്ചത്. ഭീഷണിപ്പെടുത്തി നിര്ബന്ധപൂര്വം കല്യാണം നടത്തുകയായിരുന്നു. വിവാഹശേഷം ഭര്തൃവീട്ടില്നിന്ന് പുറത്തുകടക്കാന് അനുമതിയുണ്ടായിരുന്നില്ല. അതിനാലാണ് അവസരമുണ്ടാക്കി ഭര്തൃഗൃഹം വിട്ടുപോയി മാറിത്താമസിക്കുന്നത്. വിദ്യാസമ്പന്നയായ താന് ഇപ്പോള് ജോലി അന്വേഷിക്കുകയാണ്. വീട്ടിലേക്ക് തിരിച്ചുപോകാന് ആഗ്രഹമില്ല. ജീവനും സ്വത്തിനും സംരക്ഷണം കോടതി നല്കണം, ജിസില് കോടതിയില് സമര്പ്പിച്ച ഹര്ജിയില് വ്യക്തമാക്കി.
ഇപ്പോള് ചെന്നൈയില് താമസിച്ച് ജോലി അന്വേഷിച്ചു വരുന്നു.
കാക്കനാട്ടെ പ്രത്യേക സാമ്പത്തിക മേഖലയില് ഇന്റര്വ്യൂവിന് പോകുന്നുവെന്ന് പറഞ്ഞ് പോയ ഭാര്യയെ കാണാനില്ലെന്ന് പറഞ്ഞ് ഭര്ത്താവ് ജോബിന് ജോണ് പൊലീസ് സ്റ്റേഷനില് പരാതി നല്കിയതോടെയാണ് വിഷയം സോഷ്യല് മീഡിയയിലും ചര്ച്ചയായത്. ജിസിലിന്റെ സഹോദരനും തന്റെ സഹോദരിയെ കണ്ടെത്താന് സഹായിക്കണം എന്നാവശ്യപ്പെട്ട് ഫേസ്ബുക്കില് പോസ്റ്റിട്ടു. ഇതോടെ ചിത്രങ്ങള് സഹിതമുള്ള ഈ പോസ്റ്റ് വൈറലാകുകയും ചെയ്തു. ഇതിനിടെ പൊലീസ് അന്വേഷണം നടന്നെങ്കിലും കാര്യമായ വിവരം ലഭിച്ചിരുന്നില്ല. ഒടുവില് ജിസിലിന്റെ ഭാര്ത്താവ് ജോബിന് ജോണ് ഭാര്യയെ കാണാനില്ലെന്ന് കാണിച്ച് ഹൈക്കോടതിയില് ഹേബിയസ് കോര്പ്പസ് ഹര്ജി ഫയല് ചെയ്തതോടെയാണ് സംഭവത്തിലെ ദുരൂഹത നീങ്ങിയത്.
താന് ആരുടെയും പ്രേരണയില്ലാതെ, സ്വയം ഭര്ത്തൃഗൃഹം വിടുകയായിരുന്നെന്ന് ഹേബിയസ് കോര്പ്പസ് ഹര്ജിയിലെ നടപടികള്ക്കിടെ ജിസില് കോടതിയെ അറിയിച്ചു. തന്നെ ആരും തട്ടിക്കൊണ്ടു പോയതല്ലെന്നും ജിസില് വ്യക്തമാക്കി. ജീവനും സ്വത്തിനും പൊലീസ് സംരക്ഷണം നല്കിയാല് കോടതിയില് ഹാജരാകാന് തയാറാണെന്നും അറിയിച്ചു. യുവതി ഏഴിനു രാവിലെ 10.15നു കോടതിയില് ഹാജരാകാന് ജസ്റ്റിസ് പി. ഉബൈദ് ഉത്തരവിട്ടു. അതിനുമുന്പു തൃക്കാക്കര പൊലീസില് ഹാജരായി വിശദീകരണപത്രിക നല്കണമെന്നും നിര്ദ്ദേശിച്ചു.
എന്ജിനിയറിങ് ബിരുദധാരിയായ യുവതി ബംഗളുരുവില് ജോലി ചെയ്യവെയാണ് രണ്ട് മാസം മുമ്പായിരുന്നു ജോബിനെ വിവാഹം ചെയ്തത്. ഇന്ഫോപാര്ക്കില് സോഫ്ട്വെയര് എന്ജിനിയറാണ് ആലക്കോട് സ്വദേശിയായ ജോബിന്. ജനുവരി മുതലാണ് ഇവര് എറണാകുളത്ത് ഭര്ത്താവിനൊപ്പം താമസമാക്കിയത്.
സോഷ്യല് മീഡിയയും ഏതാനും നാളുകളായി ചോദിക്കുന്ന ചോദ്യത്തിന് ഒടുവില് ഉത്തരംകിട്ടി എന്നാശ്വസിക്കാം. ചിലരുടെ വാശിയും പിടിവാശിയും മൂലം തകര്ന്നത് ഒരു കുടുംബജീവിതമാണ്. എന്നെങ്കിലും ആ സത്യം തിരിച്ചറിയുമോ?.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
