സോളാര് പാനല് തട്ടിപ്പ്; മുഖ്യമന്ത്രിയുടെ പി.എ,ഗണ്മാന് എന്നിവരെ മാറ്റി
സോളാര് തട്ടിപ്പ് കേസിലെ പ്രതി സരിത എസ് നായരുമായി ബന്ധംമുണ്ടെന്ന് ആരോപണം ഉയര്ന്ന രണ്ട് സ്റ്റാഫ് അംഗങ്ങളെ മുഖ്യമന്ത്രി ഉമ്മന് ചാണ്ടി പുറത്താക്കി. ടെന്നി ജോപ്പന്, സലിം രാജ് എന്നിവരെയാണ് താല്ക്കാലികമായി പുറത്താക്കിയത്.
സംഭവത്തെക്കുറിച്ച് അന്വേഷിച്ച എഡിജിപി ഹേമചന്ദ്രന് നല്കിയ പ്രാഥമിക റിപ്പോര്ട്ടനുസരിച്ചാണ് നടപടി. ഇക്കാര്യത്തില് വിശദമായ അന്വേഷണം വേണമെന്നും മുഖ്യമന്ത്രി പറഞ്ഞു.
ചീഫ് വിപ്പ് പി.സി ജോര്ജ് മാധ്യമങ്ങള്ക്ക് നല്കിയ അഭിമുഖമാണ് വിഷയം വീണ്ടും ആളിക്കത്തിച്ചത്. സരിത.എസ് നായരെക്കുറിച്ച് താന് നേരത്തെ മുഖ്യമന്ത്രിയുടെ ശ്രദ്ധയില് പെടുത്തിയിരുന്നു എന്നാണ് പി.സി ജോര്ജ് പറഞ്ഞത്. എന്നാല് സരിതയെ അറസ്റ്റ് ചെയ്തതിന് ശേഷമാണ് പി.സി ജോര്ജ് തന്നോട് വിഷയം പറഞ്ഞതെന്ന് മുഖ്യമന്ത്രി നിയമസഭയില് വിശദീകരിച്ചു.
രാവിലെ പ്രതിപക്ഷ ഉപനേതാവ് കോടിയേരി ബാലകൃഷ്ണനാണ് വിഷയം നിയമസഭയില് ഉന്നയിച്ചത്. മുഖ്യമന്ത്രിയുടെ ഓഫീസിനെതിരേ ഗുരുതരമായ ആരോപണമാണ് ഉയര്ന്നിരിക്കുന്നതെന്നും ഇക്കാര്യം എഡിജിപി അന്വേഷിച്ചാല് പോരെന്നും കോടിയേരി പറഞ്ഞു. മുഖ്യമന്ത്രിസ്ഥാനത്തു നിന്ന് ഉമ്മന്ചാണ്ടി മാറി നിന്ന് ജുഡീഷ്യല് അന്വേഷണം നടത്തണമെന്ന് സഭ ബഹിഷ്കരിച്ച് പുറത്തിറങ്ങിയ കോടിയേരി ആവശ്യപ്പെട്ടു.
https://www.facebook.com/Malayalivartha
