സമസ്‌ത പാപങ്ങള്‍ക്കും സാഷ്‌ടാങ്കം മാപ്പ്‌ പറഞ്ഞ്‌ തല മൊട്ടയടിച്ചു മന്ത്രിസഭയിലേക്ക്‌ വരാനിരിക്കുന്ന സമയത്താണ്‌ ദേ പുതിയ വിവാദം. സോളാര്‍ തട്ടിപ്പ്‌ കോസിലെ സരിത എസ്‌ നായര്‍ക്ക്‌ മുന്‍ മന്ത്രി കെ.ബി. ഗണേഷ്‌ കുമാറുമായി അടുത്ത ബന്ധമുണ്ടെന്നുള്ള റിപ്പോര്‍ട്ടുകള്‍ പുറത്തു വരുന്നത്‌. മുഖ്യമന്ത്രിയുടെ ഓഫീസിനെ ചുറ്റിപ്പറ്റിയുള്ള വിവാദം കൊഴുക്കുന്നതിനിടയിലാണ്‌ ഗണേഷ്‌ കുമാറും ഇതിലേക്ക്‌ കയറിപ്പറ്റുന്നത്‌. ഗണേഷ്‌ കുമാറും സരിതയും തമ്മിലുള്ള അടുത്ത ബന്ധം കൊണ്ടാണ്‌ ഗണേഷിന്റെ വഴുതക്കാട്ടെ വീട്ടില്‍ സോളാര്‍ പ്ലാന്റ്‌ സ്ഥാപിക്കുന്നത്. അങ്ങനെ ഒരു ദിവസം ഗണേഷ്‌ കുമാറിന്റെ ഔദ്യോഗിക വസതിയില്‍ സരിത തങ്ങുകയും ചെയ്‌തു. ഇതിനിടയിലാണ്‌ ഗണേഷ്‌ സീരിയല്‍ നടിയെ സരിതയ്‌ക്ക്‌ പരിചയപ്പെടുത്തി കൊടുത്തതെന്നും പറയപ്പെടുന്നു. സരിത വഴുതക്കാട്ടെ വീട്ടിലെ നിത്യ സന്ദര്‍ശകയായിരുന്നു എന്ന്‌ നാട്ടുകാരും സാക്ഷ്യപ്പെടുത്തുന്നുണ്ട്‌. സരിത ഒരു മന്ത്രി മന്ദിരത്തില്‍ താമസിച്ചിരുന്നു എന്ന വാര്‍ത്തകള്‍ കഴിഞ്ഞ ദിവസം പുറത്തു വന്നിരുന്നു. പക്ഷേ അതാരെന്ന്‌ വ്യക്തമായിരുന്നില്ല. ഇതിനിടയ്‌ക്കാണ്‌ സര്‍ക്കാര്‍ ചീഫ്‌ വിപ്പ്‌ രംഗത്തെത്തിയത്. സരിതയുമായി ഗണേഷിന്‌ അടുത്ത ബന്ധമുണ്ടെന്ന്‌ പിസി ജോര്‍ജ്‌ ആരോപിച്ചിരുന്നു. ഗണേഷിന്റെ താത്‌പര്യ പ്രകാരമാണ്‌ സരിത തന്നെ വിളിച്ചതെന്നും ജോര്‍ജ്‌ പറഞ്ഞു.

ഇതിനിടെ തന്റെ ജീവിതം നശിപ്പിച്ചത്‌ ഗണേഷ്‌ കുമാറാണെന്ന്‌ സരിതയുടെ ഭര്‍ത്താവു കൂടിയായ കേസിലെ മുഖ്യ പ്രതി ബിജു രാധാകൃഷ്‌ണന്റെ വെളിപ്പെടുത്തല്‍. കോയമ്പത്തൂരിലെ ടീം സോളാറിന്റെ ഉദ്‌ഘാടനത്തിനു ശേഷം സരിതയും ഗണേഷ്‌കുമാറും ഹോട്ടല്‍ റീജന്‍സിയില്‍ താമസിച്ചിരുന്നെന്നും ബിജു പറഞ്ഞു. ഗണേഷിന്റെ സ്വഭാവ ദൂഷ്യത്തെപ്പറ്റി മുഖ്യമന്ത്രിയോട്‌ പരാതിയും പറഞ്ഞിരുന്നു. എറണാകുളത്ത്‌ വച്ച്‌ എംഐ ഷാനവാസ്‌ ഷാനവാസ്‌ വഴിയാണ്‌ മുഖ്യമന്ത്രിയെ കണ്ടത്‌. കേന്ദ്രമന്ത്രി കെസി വേണുഗോപാലമായും സരിതയ്‌ക്ക്‌ ബന്ധമുണ്ടെന്നും ബിജു പറഞ്ഞു. മുഖ്യമന്ത്രിയുടെ സ്‌റ്റാഫ്‌ ഇപ്പോഴത്തെ പ്രശ്‌നത്തില്‍ ഇടപെട്ടിരുന്നതായും ബിജു പറഞ്ഞു.