മുഖ്യമന്ത്രിയുടെ രാജി തന്നെ വേണം, 5 മിനിറ്റിനുള്ളില് നടപടികള് പൂര്ത്തിയാക്കി നിയമസഭ പിരിഞ്ഞു, ചോദ്യോത്തരവേളയും ശൂന്യവേളയും റദ്ദാക്കി
സോളാര് തട്ടിപ്പ് കേസില് മുഖ്യമന്ത്രിയുടെ രാജി ആവശ്യപ്പെട്ട് ഇന്നും നിയമസഭയില് പ്രതിപക്ഷ ബഹളം. സഭ സമ്മേളിച്ചയുടന് തന്നെ പ്ലക്കാര്ഡുകളുമായി പ്രതിപക്ഷ അംഗങ്ങള് എഴുന്നേറ്റു. തുടര്ന്ന് മുദ്രാവാക്യം വിളികളുമായി പ്രതിപക്ഷ അംഗങ്ങള് സഭയുടെ നടത്തുളത്തിലേക്ക് നീങ്ങി. സ്പീക്കറുടെ ഡയസിന് മുന്നിലെത്തി ചില എം.എല്.എമാര് പ്ലക്കാര്ഡുകള് ഉയര്ത്തി പ്രതിഷേധം തുടര്ന്നതോടെ നടപടികള് 5 മിനിറ്റിനുള്ളില് പൂര്ത്തിയാക്കി സഭ പിരിയുകയാണെന്ന് സ്പീക്കര് അറിയിച്ചത്.
മുഖ്യമന്ത്രി രാജിവെയ്ക്കുക, പോലീസിന്റെ നരനായാട്ട് അവസാനിപ്പിക്കുക തുടങ്ങിയ പ്ലക്കാര്ഡുകളുമായാണ് പ്രതിപക്ഷം സഭയിലെത്തിയത്. തിങ്കളാഴ്ച ചോദ്യോത്തരവേള മാത്രമാണ് റദ്ദാക്കിയതെങ്കില് ഇന്ന് ശൂന്യവേളയും കൂടി റദ്ദാക്കി. മുദ്രാവാക്യം വിളികളുമായി പുറത്തേക്കിറങ്ങിയ പ്രതിപക്ഷം നിയമസഭയ്ക്ക് പുറത്തേക്കി നീങ്ങി നിയമസഭാ മന്ദിരത്തിന് മുന്നില് കുത്തിയിരിപ്പ് സമരം നടത്തി. ധര്ണയ്ക്ക് പ്രതിപക്ഷ നേതാവ് വി.എസ് അച്യുതാനന്ദന് നേതൃത്വം നല്കി.
https://www.facebook.com/Malayalivartha
