സ്പീക്കര് ദുഖിതന്, പ്രതിപക്ഷം ഉന്നയിച്ച ആരോപണം ദുഖകരമാണെന്ന് ജി. കാര്ത്തികേയന്, സ്പീക്കറാകുന്നതിനു മുമ്പും ശേഷവും രാഷ്ട്രീയമുണ്ട്
നിഷ്പക്ഷനായി പ്രവര്ത്തിക്കുന്നില്ലെന്ന് തനിക്കെതിരെ പ്രതിപക്ഷം ഉന്നയിച്ച ആരോപണം ദുഖകരമാണെന്ന് സ്പീക്കര് ജി. കാര്ത്തികേയന് പറഞ്ഞു. സ്പീക്കറാകുന്നതിനു മുമ്പും ശേഷവും തനിക്ക് വ്യക്തമായ രാഷ്ട്രീയമുണ്ട്. എന്നാല് സ്പീക്കര് സ്ഥാനത്തിരിക്കുമ്പോള് താന് എന്നും നിഷ്പക്ഷനാണ്. നിയമസഭയില് ഇതിനു മുമ്പും ശൂന്യവേള റദ്ദാക്കിയിട്ടുണ്ടെന്നും കാര്ത്തികേയന് പറഞ്ഞു.
സോളാര് കേസ് കത്തിക്കയറിയപ്പോള് തുടര്ച്ചയായി നിയമസഭാ നടപടികള് തടസപ്പെട്ടിരുന്നു. കഴിഞ്ഞ ദിവസം പ്രതിപക്ഷ ബഹളത്തെ തുടര്ന്ന് ശൂന്യ വേള പോലും സ്പീക്കര് നിര്ത്തിവച്ചിരുന്നു. ഇതാണ് പ്രതിപക്ഷത്തെ ചൊടിപ്പിച്ചത്. സ്പീക്കര് പക്ഷപാതം കാട്ടുന്നതായി പ്രതിപക്ഷം ആരോപിച്ചിരുന്നു.
സോളാര് തട്ടിപ്പ് വിഷയത്തില് മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷ ബഹളത്തെ തുടര്ന്ന് നിയമസഭ ഇന്നും പിരിഞ്ഞു. ചോദ്യോത്തരവേളയ്ക്ക് ശേഷം സോളാര് തട്ടിപ്പ് വിഷയത്തില് സി.പി.ഐയിലെ വി.എസ് സുനില്കുമാറാണ് വിഷയം അടിയന്തരപ്രമേയമായി ഉന്നയിച്ചത്.
ചോദ്യോത്തരവേള അവസാനിച്ചതിന് പിന്നാലെ പ്രതിപക്ഷം മുദ്രാവാക്യം വിളികളുമായി സഭയുടെ നടത്തുളത്തിലിറങ്ങി. അടിയന്തരപ്രമേയത്തിന് അനുമതി നിഷേധിച്ചതിന് പിന്നാലെ ബഹളം ശക്തമാകുകയും തുടര്ന്ന് സ്പീക്കര് ശ്രദ്ധക്ഷണിക്കലും സബ്മിഷനും റദ്ദാക്കി സഭ പിരിയുകയാണെന്ന് പ്രഖ്യാപിക്കുകയും ചെയ്തു.
https://www.facebook.com/Malayalivartha
