ശ്രീചിത്ര ഇന്‍സ്റ്റിറ്റ്യൂട്ടിലെ ഡോക്ടര്‍ക്കും രോഗിക്കും കൊറോണ സ്ഥിതീകരിച്ചു. ഹൃദയശസ്ത്രക്രിയ വിഭാഗത്തിലെ ഡോക്ടര്‍ക്കും രോഗിക്കുമാണ് കൊറോണ ബാധയേറ്റത്. ശസ്ത്രക്രിയയ്ക്ക് മുമ്ബായി നടത്തുന്ന പരിശോധനയിലാണ് രോഗിക്ക് കൊറോണ ബാധ കണ്ടെത്തിയത്. സെന്റിനല്‍ സര്‍വയലന്‍സ് പരിശോധനയിലാണ് ഡോക്ടര്‍ക്ക് രോഗം കണ്ടെത്തിയത്. ഇരുവരെയും മെഡിക്കല്‍ കോളെജ് ആശുപത്രിയിലേക്ക് മാറ്റി.

അതേസമയം കിളിമാനൂര്‍ പൊലീസ് സ്റ്റേഷനില്‍ മൂന്ന് പൊലീസുകാര്‍ക്ക് കൂടി കൊറോണ സ്ഥിരീകരിച്ചു. നേരത്തെ മോഷണക്കേസിലെ പ്രതിക്ക് ഇവിടെ രോഗം കണ്ടെത്തിയിരുന്നു. ഇതിനെ തുടര്‍ന്നാണ് പൊലീസുകാര്‍ക്ക് പരിശോധന നടത്തിയത്. സ്റ്റേഷനിലെ മുഴുവന്‍ പൊലീസുകാരും നിരീക്ഷണത്തിലാണ്. മറ്റ് സ്റ്റേഷനുകളില്‍ നിന്ന് പൊലീസുകാരെ എത്തിച്ച്‌ കിളിമാനൂര്‍ സ്റ്റേഷന്‍ പ്രവര്‍ത്തിപ്പിക്കും.