സ്വപ്ന സുരേഷിന്റെ സ്വാധീനം അധികാര ഇടനാഴികളില് പ്രകടം... സ്ത്രീയായതുകൊണ്ടു സ്വര്ണക്കടത്ത് കേസില് ജാമ്യം നല്കണമെന്ന വാദം അംഗീകരിക്കാനാവില്ലെന്ന് അഡീഷണല് സി.ജെ.എം. കോടതി, സ്വര്ണക്കടത്ത് കേസിലെ പ്രതികളുടെ ഫോണ്വിളി വിശദാംശങ്ങള് ആവശ്യപ്പെട്ട് ബി.എസ്.എന്.എല്ലിനു കസ്റ്റംസ് നോട്ടീസ് നല്കി, കസ്റ്റംസ് കുറ്റാന്വേഷണ ഏജന്സിയല്ലാത്തതിനാല് വിവരങ്ങള് നല്കാനാകില്ലെന്ന നിലപാടില് ബി.എസ്.എന്.എല്
സ്വപ്ന സുരേഷിന്റെ സ്വാധീനം അധികാര ഇടനാഴികളില് പ്രകടം... സ്ത്രീയായതുകൊണ്ടു സ്വര്ണക്കടത്ത് കേസില് ജാമ്യം നല്കണമെന്ന വാദം അംഗീകരിക്കാനാവില്ലെന്ന് അഡീഷണല് സി.ജെ.എം. കോടതി, രാജിവച്ചശേഷവും യു.എ.ഇ. കോണ്സുലേറ്റിനു സ്വപ്നയുടെ സഹായം ലഭിച്ചു. സ്വാധീനമുപയോഗിച്ച് സംസ്ഥാനസര്ക്കാരിന്റെ പദ്ധതിയില് ജോലി നേടിയെന്നും കോടതി ചൂണ്ടിക്കാട്ടി.
കസ്റ്റംസ് രജിസ്റ്റര് ചെയ്ത നയതന്ത്ര സ്വര്ണക്കടത്ത് കേസില് പ്രതികളായ സ്വപ്നയുടെയും സെയ്തലവിയുടെയും ജാമ്യാപേക്ഷകള് തള്ളിക്കൊണ്ടായിരുന്നു കോടതിയുടെ നിരീക്ഷണങ്ങള്. കേസിലെ 10ാം പ്രതി സംജുവിന്റെ ജാമ്യാപേക്ഷ വിധിപറയാന് 17ലേക്കു മാറ്റി. രാജ്യാന്തരബന്ധമുള്ള വന്ശൃംഖലയാണു സ്വര്ണക്കടത്തിനു പിന്നിലെന്ന കസ്റ്റംസിന്റെ വാദം അംഗീകരിച്ചാണു കോടതി രണ്ടുപ്രതികള്ക്കു ജാമ്യം നിഷേധിച്ചത്. അന്വേഷണം പുരോഗമിക്കവേ ജാമ്യം അനുവദിക്കുന്നതു കേസിനെ ബാധിക്കുമെന്നും കോടതി നിരീക്ഷിച്ചു. എട്ടുപ്രതികളുടെ റിമാന്ഡ് 25 വരെ നീട്ടി.
വിദേശത്തുള്ള റബിന്സ്, ഫൈസല് ഫരീദ് എന്നിവരെയും കസ്റ്റഡിയിലെടുത്തു ചോദ്യംചെയ്താലേ കേസുമായി ബന്ധപ്പെട്ട കൂടുതല് തെളിവുകള് ലഭിക്കൂവെന്നു കസ്റ്റംസ് കോടതിയെ അറിയിച്ചു. നേരത്തേ, എന്.ഐ.എ. കോടതിയും സ്വപ്നയുടെ ജാമ്യാപേക്ഷ തള്ളിയിരുന്നു. സ്വര്ണക്കടത്ത് കേസിലെ പ്രതികളുടെ ഫോണ്വിളി വിശദാംശങ്ങള് ആവശ്യപ്പെട്ട് ബി.എസ്.എന്.എല്ലിനു കസ്റ്റംസ് നോട്ടീസ് നല്കിയിട്ടുണ്ട്. കസ്റ്റംസ് കുറ്റാന്വേഷണ ഏജന്സിയല്ലാത്തതിനാല് വിവരങ്ങള് നല്കാനാകില്ലെന്ന ബി.എസ്.എന്.എല്. നിലപാട് അന്വേഷണസംഘം കേന്ദ്രസര്ക്കാരിനെ അറിയിക്കും.
https://www.facebook.com/Malayalivartha
