ഉമ്മന് ചാണ്ടിക്ക് ഇത് കലികാലം ; മുഖ്യമന്ത്രിയുടെ ഓഫീസിലെ ജീവനക്കാരനെതിരെ ലൈംഗികാരോപണം
മുഖ്യമന്ത്രി ഉമ്മന് ചാണ്ടിക്ക് ഇത് കലികാലം. മുഖ്യമന്ത്രിയുടെ ഓഫിസിലെ കോള് സെന്റര് ജീവനക്കാരനെതിരേ ലൈംഗികാരോപണം. കൊല്ലം ജില്ലക്കാരിയായ അധ്യാപികയാണ് ലൈംഗികാരോപണവുമായി രംഗത്തുവന്നത്. മാധ്യമങ്ങളില് വാര്ത്ത വന്നതോടെ ആറു മാസങ്ങള്ക്കു ശേഷം പരാതി അന്വേഷിച്ച് ശരിയാണെന്നു കണ്ടെത്തുകയും ഉദ്യോഗസ്ഥനെ പുറത്താക്കുകയും ചെയ്തു. മുഖ്യമന്ത്രിയുടെ പരാതി പരിഹാര സെല്ലിലെ ജീവനക്കാരന് കെ.പി. ഗിരീഷ് കുമാറിനെയാണ് പിരിച്ചു വിട്ടത്.
പരാതിയുമായി കോള്സെന്ററില് വിളിച്ച അധ്യപികയെ അവരുടെ മൊബൈല് ഫോണിലേക്ക് തിരിച്ച് വിളിച്ച് ശല്യപ്പെടുത്തുകയായിരുന്നു. തന്നെ വിവാഹം ചെയ്യുകയോ തനിക്ക് വഴങ്ങുകയോ ചെയ്താല് വേണ്ടതു ചെയ്യാമെന്ന് ഗിരീഷ് കുമാര് പറഞ്ഞു. എന്നാല് സൗഹൃദത്തിനു മാത്രമേ താന് തയാറുള്ളൂ എന്നു പറഞ്ഞ് അധ്യാപിക ഗിരീഷിന്റെ ആവശ്യം നിഷേധിക്കുകയായിരുന്നു. എന്നാല്, ഇതിനുശേഷം ഗീരീഷ് കുമാര് അധ്യാപികയുടെ നമ്പര് മറ്റു പലര്ക്കും കൊടുത്തു. ഗിരീഷിന്റെ സുഹൃത്തുക്കളായ ജാഫര്, ഉണ്ണികൃഷ്ണന് എന്നീ സുഹൃത്തുക്കള് അധ്യാപികയെ വിളിച്ചു. തുടര്ന്ന് പലയിടത്തുനിന്നും കോള് എത്തി. എല്ലാവരുടെയും ആവശ്യം ഗിരീഷിന്റേതായിരുന്നു. ചിലര് ഭീഷണിപ്പെടുത്തുകയും ചെയ്തു. തുടര്ന്ന് അധ്യാപിക മുഖ്യമന്ത്രിക്ക് പരാതി നല്കുകയായിരുന്നു. എന്നാല് നടപടി ഉണ്ടായില്ല. തുടര്ന്ന് വിളികള് വന്ന ഫോണ് നമ്പരുകള് സഹിതം കഴിഞ്ഞ മേയ് 25 ന് മുഖ്യമന്ത്രിയുടെ പരാതി പരിഹാര സെല്ലിന് പരാതി നല്കുകയായിരുന്നു. അതിനുശേഷം പ്രമുഖ ചാനലില് വിളിച്ചും ഇക്കാര്യം പറഞ്ഞു. അവര് വാര്ത്ത സംപ്രേക്ഷണം ചെയ്തതോടെ സംഗതി വിവാദമായി.
അന്വേഷണത്തിന് ഉത്തരവിട്ടതായി മുഖ്യമന്ത്രിയുടെ ഓഫീസ് പത്രക്കുറിപ്പിലൂടെയാണ് അറിയിച്ചത്. കൊല്ലം സ്വദേശിയായ അധ്യാപികയുടെ പേരും മറ്റും വിവരവും പത്രക്കുറിപ്പില് വ്യക്തമാക്കുന്നുണ്ട് എന്നാല് പത്രക്കുറിപ്പില് പരാതിക്കാരിയുടെ പേര് പരാമര്ശിച്ചത് വിവാദമായി. ലൈംഗികാരോപണ പരാതികളില് ഇരയുടെ പേര് പുറത്തുപറയരുതെന്നാണ് സുപ്രീം കോടതി നിബന്ധന. ഇതു പാലിച്ചില്ലെന്നാണ് ആരോപണം ഉയര്ന്നിരിക്കുന്നത്.
https://www.facebook.com/Malayalivartha
