കേഡല്‍ ജീന്‍സനും ജോളിയുമൊക്കെ എന്ത്? ആല്‍ബിന്‍ ഇവനാണ് യഥാര്‍ഥ വില്ലന്‍; കൊലപാതകങ്ങള്‍ സ്വത്തു തട്ടിയെടുക്കാന്‍; കാമുകിക്കൊപ്പം സുഖജീവിതം നടത്താന്‍; സ്വന്തം അച്ഛനും അമ്മയും രക്ഷപ്പെട്ടത് തലനാരിഴക്ക്; കേസിനെ വഴിതിരിവായത് ഗുഗുള്‍ ഹിസ്റ്ററി
സ്വന്തം അച്ഛനെയും അമ്മയും ബന്ധുക്കളെയും കൊലചെയ്ത മാനസിക രോഗിയായ കേഡല്‍ ജീന്‍സെന്റെ നന്ദന്‍ക്കോട്ടെ കൊലപാതകത്തിനെക്കാളും സ്വന്തം ഭര്‍ത്താവിനെയും ബന്ധുകളെയും വര്‍ഷങ്ങളുടെ പ്ലാനിംഗിലൂടെ സ്വത്തിനായി കൊലപ്പെടുത്തിയ കൂടത്തായിയിലെ ജോളിയെക്കാളും ഭീകരനാണ് സ്വന്തം സഹോദരിയെ കൊന്ന ആല്‍ബിന്‍ ബെന്നി എന്ന ഇരുപ്പത്തിരണ്ടു വയസുക്കാരന്‍. ബളാലില്‍ സഹോദരിയെ എലി വിഷം നല്‍കി കൊലപ്പെടുത്തിയ പ്രതി സംഭവം കൂട്ട ആത്മഹത്യയെന്ന് വരുത്തിത്തീര്‍ക്കാന്‍ അവസാനംവരെ ശ്രമിച്ചെന്ന് പോലീസ്. ശാസ്ത്രീയ തെളിവുകള്‍ നിരത്തി ചോദ്യം ചെയ്തപ്പോഴാണ് കുടുംബ സ്വത്ത് തട്ടിയെടുക്കാന്‍ താന്‍ ആസൂത്രണം ചെയ്ത് നടപ്പാക്കിയ കൊലപാതകമാണെന്ന് ആല്‍ബിന്‍ സമ്മതിച്ചത്. മാസങ്ങളുടെ തയ്യാറെടുപ്പിനൊടുവിലാണ് ഐസ്‌ക്രീമില്‍ എലിവിഷം ചേര്‍ത്ത് കൊല ചെയ്യാമെന്ന് തീരുമാനിച്ച് ആല്‍ബിന്‍ തീരുമാനിച്ചതെന്ന് പോലീസ് പറയുന്നു. സഹോദരിയെ കൊന്നത് സ്വത്തു തട്ടിയെടുത്ത് കാമുകിയെ വിവാഹം ചെയ്യാന്‍ ലക്ഷ്യമിട്ടാണെന്ന് കാഞ്ഞങ്ങാട് ഡിവൈഎസ്പി എം.പി.വിനോദ് കുമാര്‍ പറഞ്ഞു. ആസൂത്രണം ആല്‍ബിന്‍ ഒറ്റയ്ക്കായിരുന്നു. കൃത്യത്തില്‍ മറ്റാര്‍ക്കും പങ്കില്ല. കാമുകിക്ക് കൊലപാതകത്തേപ്പറ്റി അറിയാമോയെന്ന് വ്യക്തമല്ലെന്നും അദ്ദേഹം പറഞ്ഞു.
ഈമാസം അഞ്ചിനാണ് ബളാല്‍ അരിങ്കല്ലിലെ ഓലിക്കല്‍ ബെന്നിയുടെ മകള്‍ ആന്‍മേരി മരിയ മരിച്ചത്. ഐസ്‌ക്രീമില്‍ എലിവിഷം ചേര്‍ത്തുനല്‍കി സഹോദരന്‍ ആല്‍ബിന്‍ ആനിനെ കൊലപ്പെടുത്തുകയായിരുന്നു. മാതാപിതാക്കള്‍ ഉള്‍പ്പെടെ മൂന്നു പേര്‍ക്കാണ് ഐസ്‌ക്രീമില്‍ എലിവിഷം ചേര്‍ത്തു നല്‍കിയത്. കഴിഞ്ഞ 31ന് വീട്ടിലുണ്ടാക്കിയ ഐസ്‌ക്രീം ആല്‍ബിന്‍ ഒഴികെ മറ്റെല്ലാവരും കഴിച്ചു. തുടര്‍ന്ന് അവശനിലയിലായ ആന്‍ മരിയക്ക് മഞ്ഞപ്പിത്തമാണെന്നു കരുതി നാടന്‍ ചികിത്സ നല്‍കി. സ്ഥിതി ഗുരുതരമായപ്പോള്‍ 5ന് സ്വകാര്യ ആശുപത്രിയിലേക്കു മാറ്റി. ആന്‍ അന്നു തന്നെ മരിച്ചു. പിന്നാലെ ബെന്നിയെയും ബെസിയെയും ഛര്‍ദിയെ തുടര്‍ന്ന് കോഴിക്കോട്ടെ സ്വകാര്യ ആശുപത്രിയിലാക്കി. പരിശോധനയില്‍ രക്തത്തില്‍ എലിവിഷത്തിന്റ അംശം കണ്ടെത്തി. അസ്വാസ്ഥ്യമുണ്ടെന്ന് അഭിനയിച്ച് എത്തിയ ആല്‍ബിന്റെ രക്തത്തില്‍ വിഷാംശം കണ്ടെത്തിയതുമില്ല. ആന്‍ മരിയയുടെ പോസ്റ്റ്‌മോര്‍ട്ടം റിപ്പോര്‍ട്ടിലും വിഷസാന്നിധ്യമാണ് മരണകാരണമായി ഉണ്ടായിരുന്നത്. തുടര്‍ന്ന് പൊലീസ് വീട്ടിലെത്തി ഐസ്‌ക്രീം ഉള്‍പ്പെടെയുള്ളവ ശേഖരിച്ച് പരിശോധന നടത്തി. പിന്നീടുള്ള പരിശോധനയിലാണ് ആല്‍ബിന്‍ അറസ്റ്റിലായത്. ആഴ്ചകള്‍ക്ക് മുന്‍പ് കറിയില്‍ വിഷം ചേര്‍ത്തു നല്‍കാന്‍ ശ്രമിച്ചെങ്കിലും പരാജയപ്പെട്ടതിനെ തുടര്‍ന്ന് ഐസ്‌ക്രീമില്‍ കലര്‍ത്തുകയായിരുന്നു.
വിഷം കലര്‍ന്ന ഐസ്‌ക്രീം കഴിച്ച് മരിച്ചതിന് പിന്നില്‍ സഹോദരന്‍ ആല്‍ബിനാണെന്ന് പോലീസ് മനസിലാക്കിയത് അഞ്ച് ദിവസം മുന്‍പാണ്. കഴിഞ്ഞ മുപ്പതാം തീയതി അമ്മയെയും അനുജത്തിയെയും കൊണ്ട് വീട്ടില്‍ ഐസ്‌ക്രീം ഉണ്ടാക്കിച്ചു. രാത്രി എല്ലാവരും കഴിച്ച് ബാക്കി ഐസ്‌ക്രീം ഫ്രിഡ്ജില്‍ സൂക്ഷിച്ചു. പിറ്റേന്ന് ഉച്ചയ്ക്ക് ബാക്കിയായ ഐസ്‌ക്രീമില്‍ എലിവിഷം ചേര്‍ത്ത് കുടുംബത്തെക്കൊണ്ട് കഴിപ്പിച്ചു. കുടുംബം കൂട്ടത്തോടെ ആത്മഹത്യയ്ക്ക് ശ്രമിച്ചു, അതില്‍ മകന്‍ മാത്രം ബാക്കിയായി എന്നൊരു തിരക്കഥയായിരുന്നു ആല്‍ബിന്‍ മനസില്‍ തയ്യാറാക്കിയത്. ഐസ്‌ക്രീം അല്‍പം മാത്രം കഴിച്ചത് കൊണ്ട് അമ്മയ്ക്കും ആല്‍ബിനും ആരോഗ്യ പ്രശ്‌നങ്ങളില്ലായിരുന്നു. മഞ്ഞപ്പിത്തം വന്നാണ് ആന്‍ മേരി മരിച്ചതെന്ന് ബന്ധുക്കള്‍ തുടക്കത്തില്‍ വിശ്വസിച്ചത്. കുട്ടിയുടെ പോസ്റ്റ്‌മോര്‍ട്ടം റിപ്പോര്‍ട്ടില്‍ വിഷം ഉള്ളില്‍ ചെന്നാണ് മരണം എന്ന് വ്യക്തമായി. ആദ്യം അമ്മയെയും മകനെയും ഒരുപോലെ സംശയിച്ച പൊലീസ് പിന്നീട് ഇത് ആല്‍ബിന്‍ ഒറ്റയ്ക്ക് ആസൂത്രണം ചെയ്ത് നടത്തിയ ക്രൂര കൊലയാണെന്ന് കണ്ടെത്തി.
ലഹരിക്കടിമയായ ആല്‍ബിന്‍ തന്റെ ഇഷ്ട്ടത്തിന് ജീവിക്കാന്‍ കുടുംബം തടസ്സമാണെന്ന് കണ്ടപ്പോള്‍ എല്ലാവരെയും വകവരുത്തി നാലരയേക്കര്‍ ഭൂ സ്വത്തും തട്ടിയെടുത്ത് വിറ്റ് നാട് വിടാമെന്ന് കണക്കുകൂട്ടി. കൂടത്തായിയില്‍ ജോളി ചെയ്തത ക്രൂരകൃത്യവും പ്രതിക്ക് പ്രചോദനം ആയേക്കാമെന്ന് പോലീസ് വിലയിരുത്തി. വിഷം നല്‍കി കൊലചെയ്തതിനും കൊലപാതക ശ്രമത്തിനും കേസെടുത്ത പോലീസ് മറ്റ് തുടര്‍ നടപടികളിലേക്ക് കടന്നു. 22കാരന്‍ കുടുംബത്തെ അപ്പാടെ വകവരുത്താന്‍ പദ്ധതിയിട്ടെന്നറിഞ്ഞതിന്റെ ഞെട്ടലിലാണ് കാസര്‍കോട് ബളാല്‍ എന്ന മലയോര ഗ്രാമം.
https://www.facebook.com/Malayalivartha
