വിവരചോര്‍ച്ചയെ ചൊല്ലി വീണ്ടും വിവാദം; 35 ലക്ഷം പേരുടെ വിവരങ്ങള്‍ കെ.എസ്.എഫ്.ഇ അമേരിക്കന്‍ കമ്പനിക്ക് നല്‍കി; ആരോപണവുമായി കോണ്‍ഗ്രസ് എം.എല്‍.എ പി.ടി തോമസ്; ഫോണ്‍ കോള്‍ വിവരങ്ങള്‍ ശേഖരിക്കുന്നതും വിവാദത്തില്‍
കോവിഡ് കാലത്ത് രോഗികളുടെ വിവരങ്ങള്‍ അനാലിസിനായി സ്പ്രിംഗഌ എന്ന അമേരിക്കന്‍ കമ്പനിക്ക് നല്‍കിയത് വന്‍ വിവാദമായിരുന്നു. അതിന് പിന്നിലെ ഇപ്പോള്‍ കോവിഡ് രോഗികളെ കണ്ടെത്താന്‍ പോലീസ് ഫോണ്‍ വിവരങ്ങള്‍ ശേഖരിക്കാന്‍ പോകുന്നുവെന്ന വാര്‍ത്ത ഇപ്പോള്‍ ചൂട് പിടിക്കുകയാണ്. ഇതിനിടെയാണ് അടുത്ത വിവരചോര്‍ച്ച വിവാദം സംസ്ഥാനത്ത് കത്തിപടരുന്നത്. സംസ്ഥാന സര്‍ക്കാരിനെതിരെ ഗുരുതര ആരോപണവുമായി പ്രതിപക്ഷം രംഗത്തെത്തി. കെഎസ്എഫ്ഇയുടെ മുപ്പത്തഞ്ചു ലക്ഷം ഇടപാടുകാരുടെ വ്യക്തി വിവരങ്ങള്‍ അമേരിക്കന്‍ കമ്പനി ചോര്‍ത്തിയെന്ന് കോണ്‍ഗ്രസ് എം.എല്‍.എ പി ടി തോമസ് ആരോപിച്ചു.
കെ എസ് എഫ് ഇ ഡാറ്റ കൈമാറിയത് സര്‍ക്കാരിന്റെ അറിവോടെയാണ്. ചട്ടവിരുദ്ധമായാണ് കരാര്‍ ഉറപ്പിച്ചത്. സ്റ്റാര്‍ട്ടപ്പ് കമ്പനികളെ സഹായിക്കാനെന്ന രീതിയിലാണ് ഈ ടെന്‍ഡര്‍ ഇഷ്ടക്കാര്‍ക്ക് നല്‍കിയത്. 14 കമ്പനികള്‍ താല്‍പര്യപത്രം സമര്‍പ്പിച്ചു. 9 കമ്പനികളെ യോഗ്യത ഇല്ലാത്തതിനാല്‍ തള്ളി. വേണ്ടത്ര യോഗ്യത ഇല്ലാതിരുന്നിട്ടും അഞ്ച് കമ്പനികളെ ഉള്‍പ്പെടുത്തി ടെണ്ടര്‍ വിളിച്ചു. ടെണ്ടര്‍ നടപടിയില്‍ പാലിക്കേണ്ട നടപടി ക്രമങ്ങള്‍ പോലും പാലിക്കാതെ എ ഐ വെയര്‍, തോട്ട് റിപ്പിള്‌സ് െ്രെപവറ്റ് ലിമിറ്റഡ്, വി.എസ്.റ്റി മോബിലിറ്റി സോല്യൂഷന്‍സ് എന്നീ കമ്പനികള്‍ ഉള്‍പെടെ എ.ഐ വെയര്‍ & കണ്‍സോര്‍ഷ്യം പാര്‍ട്‌നേഴ്‌സിന് മൊബൈല്‍ ആപ്ലിക്കേഷനും വെബ് പോര്‍ട്ടലും നിര്‍മ്മിക്കുന്നതിനായി കരാര്‍ നല്‍കുകയായിരുന്നു. ടെന്‍ഡര്‍ കരാറിലെ വ്യവസ്ഥകള്‍ക്ക് വിരുദ്ധമാണ് ഈ നടപടി.
കമ്പനികളുടെ കണ്‍സോര്‍ഷ്യം രൂപീകരിച്ച് 46 ദിവസം മാത്രം പഴക്കമുള്ള എ ഐ വെയര്‍ എന്ന കമ്പനി ടെന്‍ഡര്‍ കരസ്ഥമാക്കി. ടെണ്ടര്‍ ലഭിച്ച് ആറുമാസത്തിനുള്ളില്‍ പ്രസ്തുത കമ്പനി ക്ലിയര്‍ ഐ എന്ന അമേരിക്കന്‍ കമ്പനിയില്‍ ലയിക്കുകയായിരുന്നു. ഇത് കൂടുതല്‍ ദുരുഹതയുണ്ടാക്കുന്നതാണെന്നും അദ്ദേഹം ആരോപിച്ചു. അമേരിക്കന്‍ കമ്പനിയായ ക്ലിയര്‍ ഐ യുടെ ഡയറക്ടര്‍മാരില്‍ ഒരാളായ മൈല്‍സ് എവെര്‍സന്‍ വിവാദ െ്രെപസ് വാട്ടര്‍ ഹൗസ് കൂപ്പേഴ്‌സിന്റെ ഏഷ്യന്‍ റീജണല്‍ ഡയറക്ടര്‍ കൂടിയാണ്. െ്രെപസ് വാട്ടര്‍ ഹൗസ് കൂപ്പേഴ്‌സ് ഡയറക്ടര്‍മാരില്‍ ഒരാളായ ജെയ്ക് ബാലകുമാര്‍ മുഖ്യമന്ത്രിയുടെ മകളുടെ കമ്പനിയുടെ കണ്‍സള്‍ട്ടന്റുമാണെന്നത് കൂട്ടിവായിച്ചാല്‍ ദുരൂഹത വര്‍ധിക്കുന്നുവെന്നും അദ്ദേഹം ആരോപിച്ചു.
കെ എസ് എഫ് ഇ യുടെ കാസ്ബ അപ്ലിക്കേഷന്‍ 2017 ലാണ് നിലവില്‍ വന്നത്. കാസ്ബ സോഫ്റ്റ്‌വെയറിന്റെ സെക്യൂരിറ്റി ഓഡിറ്റ് നടത്താന്‍ 2017 നവംബറില്‍ നിബോധ എന്ന കമ്പനിയുടെ ഡയറക്ടര്‍ ഗിരീഷ് ബാബുവിനെ സിഡിറ്റിനെ മറയാക്കി 34.72 ലക്ഷം രൂപ നല്‍കി നിയമിച്ചു. 10 ലക്ഷത്തിന് മുകളിലുള്ള കരാര്‍ ടെന്‍ഡര്‍ നല്‍കണമെന്ന വ്യവസ്ഥ ലംഘിച്ചാണ് ഈ നടപടി. ഇപ്പോള്‍ ഇയാളെ കെഎസ്എഫ്ഇയുടെ ഐടി കണ്‍സള്‍ട്ടന്റായി 1.80 ലക്ഷം രൂപ മാസവേതനത്തിനു നിയമിച്ചിരിക്കുന്നതായും അദ്ദേഹം ആരോപിച്ചു. ഏകദേശം 100 കോടി രൂപയുടെ പുതിയ സോഫ്റ്റ്‌വെയര്‍ പദ്ധതിക്ക് കണ്‍സള്‍ട്ടന്‍സി റിപ്പോര്‍ട്ട് നല്‍കിയിരിക്കുകയാണ്. ഇതിനുപിന്നില്‍ സിഡിറ്റ് ഡയറക്ടറും കെഎസ്എഫ്ഇ ഡയറക്ടറും പര്‍ച്ചേസ് കമ്പനി തലവനും പ്ലാനിംഗ് ബോര്‍ഡ് മേധാവിയുമായ പി വി ഉണ്ണികൃഷ്ണന്റെ വഴിവിട്ട ഇടപാടാണ്. ഗിരീഷ് ബാബു, പ്രവാസി ചിട്ടിയുടെ കണ്‍സള്‍ട്ടന്റായ ശ്യാം കെ ബി എന്നിവരെ വിവിധ പദ്ധതികളിലായി കണ്‍സള്‍ട്ടന്റുമാരായി ക്രമവിരുദ്ധമായി പിന്‍വാതിലിലൂടെ നിയമിച്ചിട്ടുണ്ട്. ഇവരുടെ നിയമനത്തില്‍ മുന്‍ ഐടി സെക്രട്ടറി എം ശിവശങ്കറിന്റെ വലംകൈ ആയ ഉണ്ണികൃഷ്ണന്റെ ചട്ടവിരുദ്ധമായ നടപടികളാണെന്നും പി ടി തോമസ് എം എല്‍ എ ആരോപിച്ചു.
അതേ സമയം കൊവിഡ് ബാധിതരുടെ ഫോണ്‍ കോള്‍ വിവരങ്ങള്‍ അവരുടെ അനുവാദം ഇല്ലാതെ ശേഖരിക്കാന്‍ പോലീസിന് അനുവാദം നല്‍കുന്ന ഉത്തരവ് പിന്‍വലിക്കണം എന്നാവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്‍കി. സര്‍ക്കാര്‍ തീരുമാനം പൗരന്മാരുടെ മൗലികാവകാശങ്ങളുടെ ലംഘനമാണെന്ന് രമേശ് ചെന്നിത്തല ചൂണ്ടിക്കാട്ടുന്നു. ഒരു വ്യക്തി സംസാരിക്കുന്ന വിവരങ്ങള്‍ കൊണ്ട് എങ്ങിനെ കൊവിഡ് രോഗിയുമായി സമ്പര്‍ക്കം പുലര്‍ത്തിയവരുടെ പട്ടിക തയ്യാറാക്കും. സര്‍ക്കാറിനെ വിമര്‍ശിക്കുന്നവരുടെ ഫോണ്‍ ചോര്‍ത്താനുള്ള തന്ത്രമാണിതെന്നും പ്രതിപക്ഷനേതാവ് ആരോപിച്ചു.
https://www.facebook.com/Malayalivartha
