പ്ലസ് വണ് ഏകജാലക അപേക്ഷകള് കൈകാര്യം ചെയ്യുമ്പോൾ ജില്ലയിലെ ഹെല്പ്പ് ഡെസ്ക്കുകള് അടിയന്തര ശ്രദ്ധ പുലര്ത്തണമെന്ന് വിദ്യാഭ്യാസ വകുപ്പ് അറിയിച്ചു
പ്ലസ് വണ് ഏകജാലക അപേക്ഷകള് കൈകാര്യം ചെയ്യുമ്പോൾ അടിയന്തര ശ്രദ്ധ പുലര്ത്തണമെന്ന് വിദ്യാഭ്യാസ വകുപ്പ് അറിയിച്ചു. ജില്ലയിലെ ഹെല്പ്പ് ഡെസ്ക്കുകള്ക്കാണ് അറിയിപ്പ് നൽകിയിരിക്കുന്നത്. അപേക്ഷാ തീയ്യതി നീട്ടിയ സാഹചര്യത്തില് 300 ഹെല്പ്പ് ഡെസ്കുകള് ജില്ലയില് പുനഃസ്ഥാപിച്ചു . ഹെല്പ്പ് ഡെസ്ക്കുകളായി പ്രവര്ത്തിക്കുന്ന ഹൈസ്കൂള്, ഹയര്സെക്കന്്ററി, എസ് എസ് കെ, ബി ആര് സി, യുആര്സി അധ്യാപകര്, ഹെഡ്മാസ്റ്റര്മാര്, പ്രിന്സിപ്പള്മാര് എന്നിവര് ഹെല്പ്പ് ഡെസ്കുകള് പുന:രാരംഭിച്ച് തങ്ങളുടെ മുഴുവന് കുട്ടികളും കാന്ഡിഡേറ്റ് ലോഗിന് ചെയ്തുവെന്ന് ഉറപ്പാക്കുകയും വേണം.
എല്ലാ ഹൈസ്ക്കൂളുകളിലെയും പത്താംതരം ക്ലാസ് ടീച്ചര്മാര്, അവരുടെ വിദ്യാര്ത്ഥികള് കാന്ഡിഡേറ്റ് ലോഗിന് ചെയ്ത് അപേക്ഷ ആഗസ്റ്റ് 25നകം അന്തിമമായി സമര്പ്പിച്ചുവെന്ന് ഉറപ്പുവരുത്തണം . ജില്ലയില് നിന്ന് ഇതുവരെ 41414 അപേക്ഷകള് ലഭിച്ചിട്ടുണ്ടെങ്കിലും വളരെ കുറച്ചുപേര് മാത്രമാണ് കാന്ഡിഡേറ്റ് ലോഗിന് ചെയ്തിട്ടുള്ളത്. 41333 പേരാണ് അപേക്ഷകള് ഉറപ്പാക്കി . സ്പോര്ട്സ് ക്വാട്ടയില് 338 അപേക്ഷകള് ലഭിച്ചതില് 326 എണ്ണമാണ് ഉറപ്പാക്കി . ജില്ലയില് 19569 വിദ്യാര്ത്ഥികള് അപേക്ഷകള് സ്വയം സമര്പ്പിച്ചതാണ്. 2465 പേര് സ്കൂള് ഹെല്പ്പ് ഡെസ്കുകള് വഴിയും 19299 പേര് മറ്റു ഹെല്പ്പ് ഡെസ്കുകള് വഴിയും അപേക്ഷ സമര്പ്പിച്ചിട്ടുണ്ട്.
36400 പേര് കാന്ഡിഡേറ്റ് ലോഗിന് ചെയ്തിട്ടുണ്ട്. സ്പോര്ട്സ് കാന്ഡിഡേറ്റ് ലോഗിന് ചെയ്തവരുടെ എണ്ണം ഇരുനൂറുമാണ്. ജില്ലയിലെ ജനറല് അപേക്ഷകരില് 5014 പേരും സ്പോര്ട്ട്സ് ക്വാട്ട അപേക്ഷരില് 126 പേരുമാണ് ഇനി കാന്ഡിഡേറ്റ് ലോഗിന് ചെയ്യാനുള്ളത്.
സെപ്റ്റംബര് അഞ്ചിന് ട്രയല് അലോട്ട്മെന്്റ് വരുന്നതിന് മുമ്ബ് അപേക്ഷിച്ച എല്ലാവരും കാന്ഡിഡേറ്റ് ലോഗിന് ചെയ്തിരിക്കണം. കാന്ഡിഡേറ്റ് ലോഗിന് ചെയ്ത് അന്തിമമായി അപേക്ഷ സമര്പ്പിക്കാതിരുന്നാല് അലോട്ട്മെന്റിന് പരിഗണിക്കില്ല. മാത്രമല്ല കാന്ഡിഡേറ്റ് ലോഗിനിലൂടെ പാസ്വേഡ് ഉണ്ടാക്കിയാല് മാത്രമാണ് ട്രയല് അലോട്ട്മെന്റ് തുടര്ന്ന് വരുന്ന മെയിന് അലോട്ട്മെന്റ എന്നിവയില് കയറി തിരുത്തല്, ഓപ്ഷന് ക്രമീകരണം, അഡ്മിഷന് സ്ലിപ്പ് എടുക്കല്, ഫീസ് അടക്കല് എന്നിവയ്ക്ക് കഴിയുകയുള്ളു. അപേക്ഷയില് തിരുത്തലുകളുണ്ടെങ്കില് അതും ഈ ഘട്ടത്തില് ചെയ്യാനാകും. ജനറല് കാറ്റഗറിയിലെ സാമ്ബത്തികമായി പിന്നാക്കം നില്ക്കുന്ന വിദ്യാര്ത്ഥികള്ക്ക് ഇപ്പോള് അപേക്ഷയില് വിവരങ്ങള് നല്കി ആനുകൂല്യം നേടാവുന്നതാണ്. കാര്ഡിഡേറ്റ് ലോഗിന് ചെയ്ത് പാസ് വേര്ഡ് ലഭിക്കാത്തവര് ഏറ്റവും അടുത്തുള്ള ഹൈസ്കൂള്/ ഹയര് സെക്കന്്ററി സ്കൂളുകളിലെ ഹെല്പ്പ് ഡെസ്ക്കുകളെ സമീപിക്കണമെന്ന് അക്കാദമിക് കോര്ഡിനേറ്റര് വി എം.കരീം അറിയിക്കുകയുണ്ടായി. ഈ കാര്യങ്ങൾ ശ്രദ്ധിക്കണം.
https://www.facebook.com/Malayalivartha
