കേരളത്തെ മുഴുവന്‍ സങ്കടത്തിലാക്കിയ പൊട്ടിമുടിയിലെ ദുരന്തത്തിനെ തുടര്‍ന്ന് ഇന്ന് നടത്തിയ തെരച്ചിലില്‍ ആരെയും കണ്ടെത്തിയില്ല. ഇനി അഞ്ചുപേരെയാണ് കണ്ടെത്താനുള്ളത്. ദുരന്തം നടന്ന പ്രദേശത്തുനിന്ന് കിലോമീറ്ററുകളോളം ദൂരയുള്ള ഭൂതക്കുഴി പ്രദേശത്തും ഗ്രാവല്‍ ബാങ്ക് മേഖലയിലുമായിരുന്നു തെരച്ചില്‍. ഭൂതക്കുഴി മേഖലയില്‍ കടുവയെ കണ്ടത് തെരച്ചില്‍ സംഘത്തില്‍ ആശങ്ക പരത്തിയിട്ടുണ്ട്. കഴിഞ്ഞ ദിവസവും മേഖലയില്‍ കടുവയുടെ സാന്നിധ്യമുണ്ടായിരുന്നു. വനംവകുപ്പ് ഉദ്യോഗസ്ഥരുമായി കൂടിയാലോചിച്ച ശേഷമാകും ഇനിയുള്ള തെരച്ചില്‍. പെട്ടിമുടി ദുരന്തത്തിന്റെ സ്ഥിതിഗതികള്‍ വിലയിരുത്താന്‍ ഞായറാഴ്ച മൂന്നാറില്‍ പ്രത്യേക യോഗം ചേരും. ദുരന്തം നടന്ന പ്രദേശത്ത് മണ്ണുനീക്കം ചെയ്തുള്ള പരിശോധനയും ഇതിനകം പൂര്‍ത്തിയായി.