സ്വര്ണക്കടത്ത് കേസില് വീണ്ടും അറസ്റ്റ്... കേസില് നാല് പേരെക്കൂടി എന്ഐഎ അറസ്റ്റ് ചെയ്തു
നയതന്ത്ര ബാഗേജ് വഴിയുള്ള സ്വര്ണം കടത്തിയ കേസില് നാലുപേരെക്കൂടി എന്ഐഎ അറസ്റ്റ് ചെയ്തു. എന്ഐഎ രജിസ്റ്റര് ചെയ്ത കേസിലെ 25 പ്രതികളില് 20 പേരെ ഇതുവരെ പിടികൂടിയിട്ടുണ്ട്. കോഴിക്കോട് സ്വദേശികളായ സി വി ജിഫ്സല്, മുഹമ്മദ് അബ്ദു ഷമീം, മലപ്പുറം സ്വദേശികളായ പി അബൂബക്കര്, പി എം അബ്ദുള് ഹമീദ് എന്നിവരെയാണ് ഇപ്പോള് അറസ്റ്റിലായിരിക്കുന്നത്. സ്വര്ണം കടത്താനുള്ള ഗൂഢാലോചനയില് നാലുപേരും പങ്കാളികളായിരുന്നുവെന്നും ഇവര് സ്വര്ണക്കടത്തില് പണം നിക്ഷേപിച്ചിരുന്നുവെന്നും എന്ഐഎ അറിയിച്ചു. കോഴിക്കോട്, മലപ്പുറം ജില്ലകളിലെ വിവിധയിടങ്ങളിലെ ജ്വല്ലറികളിലും വീടുകളിലും ബുധനാഴ്ച പരിശോധന നടത്തി. അബൂബക്കറിന്റെ ഉടമസ്ഥതയിലുള്ള കോഴിക്കോട്ടെ മലബാര് ജ്വല്ലറി, അബ്ദുള് ഹമീദിന്റെ മലപ്പുറത്തുള്ള അമീന് ഗോള്ഡ്, ഷംസുദീന്റെ കോഴിക്കോട്ടെ അമ്ബി ജ്വല്ലറി എന്നിവിടങ്ങളിലായിരുന്നു പരിശോധന.
https://www.facebook.com/Malayalivartha
