തിരുനെല്ലി പഞ്ചായത്തില് പശുവിനെ കടുവ ആക്രമിച്ചു കൊന്നു
വയലില് മേയുന്നതിനിടെ ഇന്നലെ ഉച്ചയ്ക്ക് തിരുനെല്ലി പഞ്ചായത്തിലെ തൃശ്ശിലേരിയില് പശുവിനെ കടുവ ആക്രമിച്ചു കൊന്നു. തൂത്തോട്ട് ഓണിശ്ശേരിയില് ഒ.പി.ജോസഫിന്റെ പശുവിനെയാണു കൊന്നത്.
ജോസഫിന്റെ മകന്റെ ഭാര്യ സൗമ്യ പശുവിന്റെ അമറല് കേട്ട് എത്തിയപ്പോള് അവരുടെ നേരെയും കടുവ ചാടിയടുത്തു. പേടിച്ചുവിറച്ച സൗമ്യ നിലവിളിച്ചു. ഇതിനിടെ കടുവ പിന്തിരിഞ്ഞു.
പശുവിന്റെ പോസ്റ്റുമോര്ട്ടം കാട്ടിക്കുളത്ത് നിന്നു വെറ്ററിനറി ഡോക്ടര് എത്തി നടത്തി. ഇതിന്റെ റിപ്പോര്ട്ട് ശേഷം നഷ്ടപരിഹാരം അടക്കമുള്ള കാര്യങ്ങളില് ഉടന് നടപടി സ്വീകരിക്കുമെന്ന് വനപാലകര് ഉറപ്പ് നല്കി.
കഴിഞ്ഞ വര്ഷം ജോസിന്റെ അയല്വാസി കൂനാനിക്കല് ജോസഫിന്റെ പശുവിനെ കടുവ ആക്രമിച്ചു കൊന്നിരുന്നു. വന്യമൃഗശല്യം രൂക്ഷമായ പ്രദേശത്ത് കടുവയെ പിടികൂടാന് കൂട് സ്ഥാപിക്കണമെന്നും നിരീക്ഷണ ക്യാമറ സ്ഥാപിക്കണമെന്നും നാട്ടുകാര് ആവശ്യപ്പെട്ടു.
പഞ്ചായത്ത് അംഗം രാധാകൃഷ്ണന് വി.വി. നാരായണ വാര്യര്, ഫാ. സിജോ എടക്കുടി എന്നിവരുടെ നേതൃത്വത്തില് നടന്ന ചര്ച്ചയില് ഇന്നു തന്നെ ക്യാമറ സ്ഥാപിക്കുമെന്നു ബേഗൂര് റേഞ്ച് അധികൃതര് അറിയിച്ചു.
https://www.facebook.com/Malayalivartha