സിപിഎം ഇപ്പോൾ പിണറായി വിജയൻ എന്ന ഏക ശിലാ വിഗ്രഹം പോലുള്ള ഒറ്റയാനിൽ ശക്തമാണ്; പാർട്ടി സെക്രട്ടറി ദുർബലനാണ്; പിണറായിക്ക് മുന്നിൽ നിൽക്കാനോ ചൂണ്ടികാണിക്കാനോ ആരും തന്നെ ആ പ്രസ്ഥാനത്തിൽ ഇല്ല
സ്വർണക്കടത്തു കേസിൽ സർക്കാരിനെതിരെ ആഞ്ഞടിച്ച് കെപിസിസി വൈസ് പ്രസിഡന്റ് ജോസഫ് വാഴക്കന്. മുഖ്യമന്ത്രിയുമായി വളരെ അടുത്ത് നിരവധി വിഷയങ്ങൾ കൈകാര്യം ചെയ്യുന്നത്തിന്റെ പ്രധാന കണ്ണിയായിരുന്നു ശിവശങ്കരൻ. അതുകൊണ്ടാണ് മുഖ്യമന്ത്രി മൂന്നേമുക്കാൽ മണിക്കൂർ സംസാരിച്ചിട്ടും ശിവശങ്കരനെതിരെ ഒരക്ഷരം പോലും പറഞ്ഞിട്ടില്ല. കാരണം മുഖ്യമന്ത്രിക്ക് വേണ്ടിയാണ് അദ്ദേഹം ഈ പണി മുഴുവൻ ചെയ്തത്. അതുകൊണ്ടാണ് മുഖ്യമന്ത്രി അദ്ദേഹത്തെ തള്ളി പറയാത്തത്. അദ്ദേഹത്തിന് മടിയിൽ ഒരുപാട് കനമുണ്ട് അതുകൊണ്ടുതന്നെ അദ്ദേഹത്തിന് ഭയപ്പെടാൻ ഒരുപാടുണ്ട് എന്നും വാഴക്കൻ പറഞ്ഞു..
ഗണേഷ്കുമാർ നിയമസഭയിൽ ഇരുന്നുകൊണ്ട് ധാർമിക പ്രസംഗം, അഴിമതിക്കെതിരെയുള്ള പ്രസംഗം ഒക്കെ കേട്ടപ്പോൾ അത്ഭുതപ്പെട്ടുപോയി. അപ്പോൾ ഓർമവന്നത് മുഖമൊക്കെ കീറി രക്തമായി നിൽക്കുന്ന പഴയ ഗണേഷ് കുമാറിന്റെ ചിത്രമാണ്. ഗണേഷ് കുമാറിന്റെയൊക്കെ ഗിരിപ്രഭാഷണം കേൾക്കുമ്പോൾ ഇതിലും ഭേദം ഭൂമി പിളർന്ന് താഴേക്ക് പോകുന്നതാണെന്ന് തോന്നിപോകും എന്നും അദ്ദേഹം പരിഹസിച്ചു.
സ്വര്ണക്കള്ളക്കടത്ത് കേസിലെ ഒരു പ്രതിക്കും സിപിഎം ബന്ധമില്ലെന്ന മുഖ്യമന്ത്രിയുടെ പ്രസ്താവനക്കെതിരെയും വാഴക്കൻ പ്രതികരിച്ചു. മൂവാറ്റുപുഴയിൽ നിന്നും ബന്ധമുള്ള നാലുപേരെയാണ് പിടിച്ചത്.. അതിന്റെയൊക്കെ തെളിവുകൾ പുറത്തുവന്നിരുന്നു.
സിപിഎം എന്നത് പഴയപോലെ ഒരു രാഷ്ട്രീയ പാർട്ടിയുടെ കൂട്ടുത്തരവാദിത്വം കൂടിയതല്ല ഇപ്പോൾ. സിപിഎം ഇപ്പോൾ പിണറായി വിജയൻ എന്ന ഏക ശിലാ വിഗ്രഹം പോലുള്ള ഒറ്റയാനിൽ ശക്തമാണ്. അദ്ദേഹത്തിന് മുന്നിൽ നിൽക്കാനോ ചൂണ്ടികാണിക്കാനോ ആരും തന്നെ ആ പ്രസ്ഥാനത്തിൽ ഇല്ല. പണ്ടൊക്കെ പാർട്ടി സെക്രട്ടറിക്ക് ശക്തിയുണ്ടായിരുന്നു. എന്നാലിപ്പോൾ പാർട്ടി സെക്രട്ടറി ദുർബലനാണ്. കോടിയേരി ബാലകൃഷ്ണന്റെ വായടപ്പിക്കാനുള്ള എല്ലാ വിവരവും മുഖ്യമന്ത്രി തന്നെ ശേഖരിച്ച് വച്ചിട്ടുണ്ട് എന്നും അദ്ദേഹം പറഞ്ഞു.
കൂടുതൽ അറിയാൻ വീഡിയോ കാണൂ....
https://www.facebook.com/Malayalivartha