ഇടി മിന്നിലേറ്റ് നശിച്ച സിസിടിവി ദൃശ്യങ്ങള്‍ വീണ്ടെടുക്കാന്‍ എന്‍.ഐ.എ നേരിട്ട് എത്തും; ഇന്ന് സെക്രട്ടേറിയറ്റില്‍ പരിശോധന: മടിയിലെ കനം എത്രയുണ്ടെന്ന് ഇന്നറിയാം
സ്വര്‍ണക്കടത്ത് കേസുമായി ബന്ധപ്പെട്ട് എന്‍ഐഎ സംഘം ഇന്ന് വീണ്ടും സെക്രട്ടേറിയറ്റില്‍ പരിശോധനയ്‌ക്കെത്തും. സെക്രട്ടേറിയറ്റിലെ സിസിടിവി ദൃശ്യങ്ങള്‍ പരിശോധിക്കാനാണ് എന്‍ഐഎ സംഘം എത്തുന്നത്. കേസുമായി ബന്ധപ്പെട്ട് കഴിഞ്ഞ വര്‍ഷം ജൂണ്‍ ഒന്നു മുതല്‍ 2020 ജൂലൈ 10വരെയുള്ള ദൃശ്യങ്ങള്‍ എന്‍ഐഎ ആവശ്യപ്പെട്ടിരുന്നു. ഇന്ന് രാവിലെ പത്തുമണിയോടെ എന്‍.ഐ.എയുടെ ഐ.ടി വിദഗ്ധര്‍ അടങ്ങുന്ന സംഘം സെക്രട്ടേറിയറ്റിലെത്തും.
എന്നാല്‍ ഒരു വര്‍ഷത്തെ ദൃശ്യങ്ങള്‍ പകര്‍ത്തി നല്‍കുന്നതില്‍ സാങ്കേതിക പ്രശ്‌നങ്ങള്‍ പൊതുഭരണ വകുപ്പ് ഉന്നയിച്ചതോടെ ആവശ്യമുള്ള ദൃശ്യങ്ങള്‍ നേരിട്ടെത്തി പരിശോധിക്കാനാണ് എന്‍ഐഎയുടെ നീക്കം. നേരിട്ട് പരിശോധനയ്ക്ക് എത്തുന്ന കാര്യം അന്വേഷണ സംഘം പൊതുഭരണ വകുപ്പ് സെക്രട്ടറിയെ അറിയിച്ചിരുന്നു. സെക്രട്ടറിയേറ്റിലെ വിവിധ വകുപ്പുകളിലായി സ്ഥാപിച്ചിട്ടുള്ള 83 സി.സി.ടി.വി ദൃശ്യങ്ങളുടെ ഹാര്‍ഡ് ഡിസ്‌കുകളാകും പരിശോധിക്കുക.
https://www.facebook.com/Malayalivartha
