നെടുമ്പാശ്ശേരിയിൽ മൂന്ന് പേരുടെ മരണത്തിനിടയാക്കിയ മിനി കൂപ്പർ കാർ അപകടക്കേസിലെ പ്രതികളുടെ രക്ഷപെടൽ നീക്കങ്ങൾക്ക് കനത്ത തിരിച്ചടി. വണ്ടി ഓടിച്ച 19 കാരൻ സുഹൈൽ സജീവ് അടക്കം നാല് പ്രതികളുടെയും ജാമ്യാപേക്ഷ എറണാകുളം അഡീഷണൽ സെഷൻസ് കോടതി പൂർണ്ണമായും തള്ളി. പ്രതികൾ അമിതമായി മദ്യപിച്ചിരുന്നെന്നും അമിതവേഗതയിലായിരുന്നെന്നും വ്യക്തമാക്കുന്ന കൂട്ടുപ്രതി ജോയലിന്റെ വാട്സാപ്പ് ശബ്ദസന്ദേശമാണ് കോടതിയിൽ പ്രോസിക്യൂഷൻ ആയുധമാക്കിയത്. പ്രതികളെ കൂടുതൽ ചോദ്യം ചെയ്യാനായി വീണ്ടും കസ്റ്റഡിയിൽ വാങ്ങാനൊരുങ്ങുകയാണ് പൊലീസ്.