അറബ്-ജൂതസഖ്യം യാഥാര്‍ത്ഥ്യമാകുമോ എന്ന ചോദ്യം പ്രസക്തമാക്കി തെരഞ്ഞെടുപ്പ് ഫലം രാഷ്ട്രീയ അനിശ്ചിതത്വത്തിലേക്ക് നീങ്ങുന്നു. നിലവിലെ രാഷ്ട്രീയ സമവാക്യങ്ങള്‍ പ്രകാരം ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനോ അദ്ദേഹത്തിന്റെ എതിരാളിയായ ഗാദി ഐസന്‍കോട്ടിനോ സര്‍ക്കാര്‍ രൂപീകരിക്കാന്‍ ആവശ്യമായ കേവലഭൂരിപക്ഷം ലഭിക്കാത്ത സാഹചര്യമാണ് ഉള്ളത്. ഇസ്രായേലിലെ ജനസംഖ്യയുടെ ഇരുപത് ശതമാനത്തിലധികം വരുന്ന അറബ് പൗരന്മാര്‍ മുന്‍കാലങ്ങളിലെ തിരഞ്ഞെടുപ്പ് വിമുഖത വെടിഞ്ഞ് റെക്കോഡ് ഭൂരിപക്ഷത്തോടെ പോളിങ് ബൂത്തുകളിലേക്ക് ഒഴുകിയെത്തിയതാണ് ഇത്തവണത്തെ വലിയ രാഷ്ട്രീയ മാറ്റത്തിന് കാരണം.

നിലവിലെ രാഷ്ട്രീയ പ്രതിസന്ധിയുടെ താക്കോല്‍ ഇത്രയും കാലം രാജ്യത്ത് രാഷ്ട്രീയമായി മാറ്റിനിര്‍ത്തപ്പെട്ടിരുന്ന അറബ് പാര്‍ട്ടികളുടെ കൈകളിലാണ് ഇപ്പോള്‍ എത്തിച്ചേര്‍ന്നിരിക്കുന്നത്. ഏറ്റവും ഒടുവിലത്തെ ഇസ്രായേൽ തിരഞ്ഞെടുപ്പ് ഫലത്തിന്റെ വിവരങ്ങൾ ഇപ്രകാരമാണ്..ഇസ്രായേൽ സെൻട്രൽ ഇലക്ഷൻ കമ്മീഷൻ ഇരട്ട-കവർ (double-envelope) വോട്ടുകൾ എണ്ണിത്തുടങ്ങി. പ്രധാനമായും ഐ.ഡി.എഫ് (IDF) സൈനികർ, തടവുകാർ, ആരോഗ്യപ്രവർത്തകർ, ആരോഗ്യപ്രശ്നങ്ങളുള്ള വോട്ടർമാർ, വിദേശത്തുള്ള ഇസ്രായേൽ പ്രതിനിധികൾ എന്നിവർ രേഖപ്പെടുത്തിയ വോട്ടുകളാണിവ.

ആകെ 12,018 പോളിംഗ് സ്റ്റേഷനുകളിൽ 11,712 എണ്ണത്തിലെ വോട്ടുകൾ (51,26,759 വോട്ടർമാർ) എണ്ണിത്തീർന്നതിന് പിന്നാലെയാണ് ഈ വോട്ടുകൾ എണ്ണുന്നത്. ബാക്കിയുള്ള പോളിംഗ് സ്റ്റേഷനുകളിൽ സാധാരണ പരിശോധനാ നടപടികൾ പുരോഗമിക്കുകയാണ്.ഏറ്റവും പുതിയ ഫലങ്ങൾ സൂചിപ്പിക്കുന്നത് അനുസരിച്ച്, നെതന്യാഹുവിന്റെ സഖ്യം 53-54 സീറ്റുകളോടെ മുന്നിലാണ്. ഗാദി ഐസൻകോട്ട് നയിക്കുന്ന പ്രതിപക്ഷ സഖ്യം പിന്നിലാണെങ്കിലും, ഇരുപക്ഷത്തിനും ഭൂരിപക്ഷത്തിന് ആവശ്യമായ 61 സീറ്റുകൾ നേടാനായിട്ടില്ല.സർക്കാർ രൂപീകരണത്തിന് ആവശ്യമായ ഭൂരിപക്ഷം നേടാൻ പ്രധാനമന്ത്രി ബെന്യാമിൻ നെതന്യാഹുവിന്റെ സഖ്യത്തിനോ

മുൻ സൈനിക മേധാവി ഗാദി ഐസൻകോട്ട് നയിക്കുന്നപ്രതിപക്ഷ സഖ്യത്തിനോ സാധിച്ചിട്ടില്ലെന്നാണ് മുൻപത്തെ വോട്ടെണ്ണൽ സൂചനകൾ വ്യക്തമാക്കിയത്.ഏറ്റവും പുതിയ പ്രവചനങ്ങൾ പ്രകാരം നെതന്യാഹുവിന്റെ സഖ്യത്തിന് 53 സീറ്റുകളാണ് ലഭിക്കുക. കഴിഞ്ഞ നെസെറ്റിൽ (ഇസ്രായേൽ പാർലമെന്റ്) അദ്ദേഹത്തിനുണ്ടായിരുന്ന 68 സീറ്റുകളുടെ സഖ്യത്തിൽ നിന്നുള്ള വലിയൊരു ഇടിവാണിത്. അതേസമയം പ്രതിപക്ഷ സഖ്യം 48 സീറ്റുകൾ നേടുമെന്നാണ് പ്രവചനം. അറബ് പാർട്ടികൾ റെക്കോർഡ് നേട്ടവുമായി 19 സീറ്റുകൾ വരെ സ്വന്തമാക്കുമെന്നാണ് പ്രതീക്ഷിക്കുന്നത്. ഇത് പ്രതിപക്ഷത്തിനും അറബ് പാർട്ടികൾക്കും കൂടി ചേർന്ന് ഭൂരിപക്ഷം നൽകാൻ സാധ്യതയുണ്ട്.

എന്നാൽ അറബ് പാർട്ടികളുമായി സഹകരിക്കുന്നതിനെച്ചൊല്ലി ഐസൻകോട്ടിന്റെസഖ്യകക്ഷികൾക്കിടയിലുള്ള അഭിപ്രായവ്യത്യാസങ്ങൾ സർക്കാർ രൂപീകരണത്തെ സങ്കീർണ്ണമാക്കിയേക്കാം. മറ്റൊരു തിരഞ്ഞെടുപ്പ് ഒഴിവാക്കാൻ രാഷ്ട്രീയ പാർട്ടികൾ വിട്ടുവീഴ്ചകൾക്ക് തയ്യാറാകുമോ എന്നാണ് ഇനിയറിയേണ്ടത്. വോട്ടെണ്ണൽ പൂർത്തിയാക്കാൻ നാളെ വരെ സമയമുണ്ട്. ഇതോടെ സീറ്റ് നിലയിൽ മാറ്റമുണ്ടാകുമെങ്കിലും ആരും ഭൂരിപക്ഷത്തിലെത്താനിടയില്ല. അതിനിടെ സർക്കാർ രൂപീകരിക്കുമെന്ന് നെതന്യാഹുവും ഐസൻകോട്ടും വെല്ലുവിളിച്ചു. സർക്കാർ രൂപീകരണത്തിന് ആഴ്ചകളോ മാസങ്ങളോ വേണ്ടി വരാം. അതുവരെ നെതന്യാഹുവിന്റെ കാവൽ സർക്കാർ തുടരും.സർക്കാരായില്ലെങ്കിൽവീണ്ടും തിരഞ്ഞെടുപ്പ്.