ചേരാനല്ലൂർ അപകടത്തിൽ കാറോടിച്ചിരുന്ന പതിനേഴുകാരന്റെ പിതാവായ അഡീഷണൽ സെഷൻസ് ജഡ്ജിയെ കേസന്വേഷിക്കുന്ന ക്രൈംബ്രാഞ്ച് സംഘം ഇന്നും ചോദ്യം ചെയ്യും.

ചോദ്യം ചെയ്യലിനായി അദ്ദേഹത്തോട് രാവിലെ 11 മണിയോടെ ഹാജരാകാായി ആവശ്യപ്പെട്ടിട്ടുണ്ട്. ബുധനഴ്ച ഇയാളെ മൂന്ന് മണിക്കൂറോളം ചോദ്യം ചെയ്തിട്ടുണ്ടായിരുന്നു. അതിനിടെ അഡീഷണൽ ജഡ്ജി മുൻകൂർ ജാമ്യം തേടി ഹൈക്കോടതിയെ സമീപിച്ചിട്ടുണ്ട്. ഇന്ന് തന്നെ ഈ ഹർജി പരിഗണിക്കും. ജസ്റ്റിസ് കൗസർ എടപ്പഗത്തിന്റെ ബെഞ്ചിന്റെ മുമ്പാകെയാണ് ഹർജി എത്തുക.

ജഡ്ജിയുടെ ഫ്‌ളാറ്റിൽ ചൊവ്വാഴ്ച രാത്രിയും ബുധനാഴ്ച വൈകുന്നേരവും പോലീസ് പരിശോധന നടത്തി. 17-കാരൻ ഉപയോഗിച്ചിരുന്നതെന്ന് സംശയിക്കുന്ന ആഡംബരബൈക്ക് പോലീസ് കസ്റ്റഡിയിലെടുക്കുകയും ചെയ്തു. ചില ഡിജിറ്റൽ ഉപകരണങ്ങളും കസ്റ്റഡിയിലെടുത്തിട്ടുണ്ട്.

അഡീഷണൽ സെഷൻസ് ജഡ്ജിയെ സസ്‌പെൻഡ് ചെയ്യേണ്ടതുണ്ടോ എന്നതടക്കമുള്ള കാര്യത്തിൽ പോലീസിന്റെ അന്വേഷണറിപ്പോർട്ട് ലഭിച്ചശേഷം ഹൈക്കോടതി തീരുമാനമെടുക്കും.