കൊച്ചി സിറ്റി പോലീസിന്റെ തലപ്പത്ത് വന്‍ അഴിച്ചുപണി..സിറ്റി പോലീസ് കമ്മീഷണര്‍ കാളിരാജ് മഹേഷ് കുമാര്‍ ഐ.പി.എസിനെ മാറ്റി... പകരം ആര്‍. നിശാന്തിനി പുതിയ കമീഷണറായി ചുമതലയേല്‍ക്കും..
ചേരാനെല്ലൂരിലുണ്ടായ ദാരുണമായ വാഹനാപകടത്തിന്റെ പശ്ചാത്തലത്തില്‍ കൊച്ചി സിറ്റി പോലീസിന്റെ തലപ്പത്ത് വന്‍ അഴിച്ചുപണിക്ക് വഴിയൊരുങ്ങുന്നു. ക്രമസമാധാന പാലനത്തിലും ക്രൈം കണ്‍ട്രോളിലും ഒട്ടും വിട്ടുവീഴ്ച ചെയ്യാതെ കൊച്ചി നഗരത്തെ കൃത്യമായി 'ക്ലീന്‍' ചെയ്ത് നിര്‍ത്തിയ നിലവിലെ സിറ്റി പോലീസ് കമ്മീഷണര്‍ പുട്ട കാളിരാജ് മഹേഷ് കുമാര്‍ ഐ.പി.എസിനെ മാറ്റി. പകരം ആര്‍. നിശാന്തിനി പുതിയ കമീഷണറായി ചുമതലയേല്‍ക്കും.ആഭ്യന്തരമന്ത്രി രമേശ് ചെന്നിത്തലയുടെ നിര്‍ദേശത്തെ തുടര്‍ന്നാണ് നടപടി. കമീഷണറെ നീക്കുന്ന ഫയലില്‍ മുഖ്യമന്ത്രി ഒപ്പുവെച്ചു.
ഉത്തരവ് ഉടന്‍ പുറത്തിറങ്ങും. നേരത്തെ, കേസ് കൈകാര്യം ചെയ്യുന്നതിൽ വീഴ്ച വരുത്തിയ നാല് പൊലീസ് ഉദ്യോഗസ്ഥരെ സസ്പെൻഡ് ചെയ്തിരുന്നു. ചേരാനല്ലൂർ സി.ഐ കെ.എസ്. ശ്യാംകുമാർ, എസ്.എച്ച്.ഒ പി.എച്ച്. വിശ്വജിത്ത്, ഗ്രേഡ് എസ്.ഐ കെ.പി. മനോജ്, സി.പി.ഒ അരുൺജോയ് എന്നിവരെയാണ് സസ്പെന്ഡ് ചെയ്തത്. കേസിന്‍റെ അന്വേഷണത്തിൽ പൊലീസിന് പിഴവ് സംഭവിച്ചെന്ന് ആഭ്യന്തര മന്ത്രി നിയമസഭയിൽ സമ്മതിച്ചിരുന്നു. പിന്നാലെയാണ് പൊലീസുകാർക്കെതിരെ നടപടിയുണ്ടായത്.
മുന്‍പ് സുപ്രധാന പദവികള്‍ തിളക്കത്തോടെ കൈകാര്യം ചെയ്ത ജി. നിശാന്തിനി ഐ.പി.എസിനെ കൊച്ചി സിറ്റി കമ്മീഷണറായി കൊണ്ടുവരാനാണ് ആഭ്യന്തര വകുപ്പില്‍ ധാരണ രൂപപ്പെടുന്നത്. കുറ്റാന്വേഷണത്തിലും ക്രമസമാധാന പാലനത്തിലും മികച്ച പരിചയസമ്പത്തുള്ള നിശാന്തിനിയെ തലപ്പത്ത് പ്രതിഷ്ഠിക്കുന്നതിലൂടെ നിലവിലെ പൊതുജന അമര്‍ഷം തണുപ്പിക്കാമെന്നും ആഭ്യന്തര വകുപ്പ് കണക്കുകൂട്ടുന്നു.എന്നാല്‍, കൊച്ചിയിലെ പ്രമുഖമായ ജൂത സിനഗോഗ് കേസ് ഉള്‍പ്പെടെയുള്ള അതിനിര്‍ണ്ണായകമായ ഗൂഢാലോചന കേസുകള്‍ അന്തിമ ഘട്ടത്തില്‍ നില്‍ക്കെ,
കമ്മീഷണറെ പെട്ടെന്ന് മാറ്റുന്നത് അന്വേഷണത്തിന്റെ തുടര്‍ച്ചയെ പ്രതികൂലമായി ബാധിച്ചേക്കുമെന്ന ആശങ്കയും അന്വേഷണ സംഘത്തിലെ ഉദ്യോഗസ്ഥര്‍ക്കുണ്ട്. മുന്‍ അനുഭവങ്ങളുടെ അടിസ്ഥാനത്തില്‍ കേസ് മുന്നോട്ടു കൊണ്ടുപോയ തലവനെ മാറ്റുന്നത് പ്രതികള്‍ക്ക് അനുകൂലമായ അന്തരീക്ഷം ഒരുക്കുമോ എന്ന ചോദ്യവും ശക്തമാണ്.ചേരാനല്ലൂർ പോലീസ് സ്റ്റേഷനിലെ എസ്.എച്ച്.ഒ., എസ്.ഐ., സി.ഐ. അടക്കമുള്ള ഉദ്യോഗസ്ഥർക്കെതിരേ നേരത്തേ നടപടി സ്വീകരിച്ചിരുന്നെങ്കിലും ഉയർന്ന ഉദ്യോഗസ്ഥർക്കെതിരേ നടപടിയുണ്ടാകാത്തതിൽപോലീസുകാർക്കിടയിൽ എതിർപ്പും അസ്വാരസ്യങ്ങളും നിലനിന്നിരുന്നു.ഉദ്യോഗസ്ഥരുടെ ഭാഗത്തുനിന്നുണ്ടായ വീഴ്ച ആഭ്യന്തര വകുപ്പിന് വലിയ നാണക്കേടും രാഷ്ട്രീയ പ്രതിസന്ധിയും സൃഷ്ടിച്ചിരുന്നു.
https://www.facebook.com/Malayalivartha
