ശ്രീനാരായണ ഗുരുവിന്റെ പേരില് കൊല്ലം ആസ്ഥാനമായി സംസ്ഥാന ഓപ്പണ് സര്വകലാശാല വരുന്നു
ഗാന്ധിജയന്തി ദിനമായ ഒക്ടോബര് രണ്ടിന് ശ്രീനാരായണ ഗുരുവിന്റെ പേരില് കൊല്ലം ആസ്ഥാനമായി സംസ്ഥാന ഓപ്പണ് സര്വകലാശാല വരുന്നു. കേരള, എംജി, കാലിക്കറ്റ്, കണ്ണൂര് സര്വകലാശാലകളുടെ വിദൂരവിദ്യാഭ്യാസ പഠന വിഭാഗങ്ങള് യോജിപ്പിച്ച് സര്വകലാശാല നിലവില് വരുമെന്ന് മുഖ്യമന്ത്രി പിണറായി വിജയന് അറിയിച്ചു.
ദേശീയ, രാജ്യാന്തര പ്രശസ്തരുടെ ഓണ്ലൈന് ക്ലാസുകള് ലഭ്യമാക്കും. പരമ്പരാഗത കോഴ്സുകള്ക്കു പുറമേ നൈപുണ്യ വികസന കോഴ്സുകളും നടത്തും. കേരള, എംജി, കാലിക്കറ്റ്, കണ്ണൂര് സര്വകലാശാലകളുടെ വിദൂരവിദ്യാഭ്യാസ പഠന വിഭാഗങ്ങള് യോജിപ്പിച്ച് ആരംഭിക്കുന്ന ഓപ്പണ് സര്വകലാശാലയ്ക്ക് സര്ക്കാര്, എയ്ഡഡ് കോളജുകളിലെ ലാബുകളും മറ്റ് അടിസ്ഥാന സൗകര്യങ്ങളും പ്രയോജനപ്പെടുത്തും. ഇടയ്ക്ക് പഠനം നിര്ത്തുന്നവര്ക്ക് അതുവരെയുള്ള പഠനമനുസരിച്ചു ഡിപ്ലോമ സര്ട്ടിഫിക്കറ്റ് നല്കും.
യുഡിഎഫ് സര്ക്കാര് പ്രഖ്യാപിച്ച അറബിക് സര്വകലാശാലയ്ക്ക് സ്ഥലം കണ്ടെത്തുന്നതിനുളള നടപടികള് പുരോഗമിക്കുകയാണെന്ന് മുഖ്യമന്ത്രി പറഞ്ഞു. ഒരു ഇന്സ്റ്റിറ്റ്യൂട്ട് സംബന്ധിച്ച് ഷാര്ജ ഭരണാധികാരി വന്നപ്പോഴടക്കം ചര്ച്ചയായിരുന്നു.
https://www.facebook.com/Malayalivartha
