ഒരടി മുന്നോട്ട് വച്ചാല്... ചൈനയുമായുള്ള ബന്ധങ്ങള്ക്ക് മങ്ങലേല്ക്കുന്നതിനിടെ അവതരം മുതലാക്കാന് ഇറങ്ങിത്തിരിച്ച പാകിസ്ഥാന് ശക്തമായ മുന്നറിയിപ്പുമായി ഇന്ത്യ; ചൈനയുമായി പ്രശ്നങ്ങള് ഉണ്ടെന്നുള്ളത് നേര്, അതും കണ്ടുകൊണ്ട് മുതലെടുക്കാന് വന്നാല് വിവരമറിയും
ലഡാക്കില് ചൈന സൃഷ്ടിച്ച സംഘര്ഷത്തെ അതേ നാണയത്തില് തിരിച്ചടിക്കാനൊരുങ്ങുകയാണ് ഇന്ത്യ. അതിര്ത്തിയിലെ നിര്ണായക സ്വാധീന മേഖലയില് ഇന്ത്യയ്ക്കെത്താന് കഴിഞ്ഞത് വലിയ കാര്യമാണ്. ഇതില് അമര്ഷം പൂണ്ട ചൈനയ്ക്ക് അര്ഹിക്കുന്ന മറുപടി നല്കാനൊരുങ്ങുകയാണ് ഇന്ത്യ. സൈനിക തലത്തിലും സാമ്പത്തിക തലത്തിലും ഇന്ത്യ തിരിച്ചടി നല്കിക്കഴിഞ്ഞു. ചൈനയുമായുള്ള തര്ക്കത്തിനിടയില് അവസരം മുതലാക്കാന് ശ്രമിക്കുന്ന പാകിസ്ഥാനെതിരെ ശക്തമായ താക്കീത് നല്കുകയാണ് ഇന്ത്യ.
യു.എസ്ഇന്ത്യ സ്ട്രാറ്റജിക് പാര്ട്ണര്ഷിപ്പ് ഫോറത്തിന്റെ സമ്പര്ക്കപരിപാടിയില് സംയുക്ത സേനാ മേധാവി ബിപിന് റാവത്ത് ഇക്കാര്യം വ്യക്തമാക്കുകയും ചെയ്തു. ലഡാക്കിലെ നിയന്ത്രണ രേഖയില് അധിനിവേശ ശ്രമങ്ങള് നടത്തുന്ന ചൈനീസ് സൈന്യത്തെ പ്രതിരോധിക്കാന് ഏറ്റവും അനുയോജ്യമായ വഴികളിലൂടെ ഇന്ത്യന് സായുധ സേനകള്ക്ക് സാധിക്കുമെന്ന് സംയുക്ത സേനാ മേധാവി ബിപിന് റാവത്ത് വ്യക്തമാക്കി.
ചൈനയോടുള്ള ഇന്ത്യയുടെ നയത്തിന്, ശ്രദ്ധേയ സൈനിക ബലത്തിന്റെയും പ്രാദേശിക സ്വാധീനത്തിന്റെയും പിന്തുണ ആവശ്യമാണെന്നും അങ്ങനെ അല്ലെങ്കില് സംഘര്ഷ പ്രദേശങ്ങളിലെ ചൈനയുടെ സാന്നിദ്ധ്യം നാം അംഗീകരിക്കുന്നു എന്ന് ധ്വനിപ്പിക്കുമെന്നും റാവത്ത് വ്യക്തമാക്കി.
രാജ്യം ഏറ്റവും സങ്കീര്ണമായ ഭീഷണികളും വെല്ലുവിളികളും നേരിടുന്ന സമയമാണിതെന്നും സംഘര്ഷം ആണവയുദ്ധത്തിലേക്ക് പോലും ചെനെത്താമെന്നും അദ്ദേഹം മുന്നറിയിപ്പ് നല്കുന്നു. അതേസമയം, ഇന്ത്യന് സായുധ സേനകള് ഈ സാഹചര്യം നേരിടാന് പരിപൂര്ണ സജ്ജരാണെന്നും സംയുക്ത സേനാ മേധാവി വ്യക്തമാക്കി. ഇതോടൊപ്പം പാകിസ്ഥാനും റാവത്ത് ശക്തമായ താക്കീത് നല്കുകയും ചെയ്തു.
ഇന്ത്യചൈന സംഘര്ഷത്തിനിടയില് മുതലെടുപ്പ് നടത്തികൊണ്ട് ഇന്ത്യയ്ക്കെതിരെ പ്രവര്ത്തിക്കാനാണ് പാകിസ്ഥാന്റെ ഭാവമെങ്കില് 'ഭീമമായ നഷ്ടങ്ങള്' അവര്ക്ക് സഹിക്കേണ്ടതായി വരുമെന്നാണ് റാവത്ത് ചൂണ്ടിക്കാട്ടിയത്.ഇന്ത്യയ്ക്കെതിരെ ഭീകരവാദികളെ ഉപയോഗിച്ച് നിഴല്യുദ്ധം നടത്തുന്ന പാകിസ്ഥാന്റെ നിലപാടിനെയും സംയുക്ത സേനാ മേധാവി രൂക്ഷമായി വിമര്ശിച്ചു. പാകിസ്ഥാന് ജമ്മു കാശ്മീരിലേക്ക് ഭീകരവാദികളെ കടത്തിവിടുകയാണെന്നും ഇന്ത്യയുടെ മറ്റ് പല ഭാഗങ്ങളിലും രാജ്യം തീവ്രവാദം വളര്ത്താന് ശ്രമിക്കുകയാണെന്നും അദ്ദേഹം പറഞ്ഞു. ഇന്തോപസിഫിക് പ്രദേശം സംബന്ധിച്ച ഇന്ത്യയുടെ വീക്ഷണങ്ങളെ കുറിച്ചും അമേരിക്കയുമായുള്ള ഇന്ത്യയുടെ പ്രതിരോധ/സുരക്ഷാ മേഖലകളിലെ ബന്ധത്തിന്റെ പ്രാധാന്യത്തെ കുറിച്ചും അദ്ദേഹം സംസാരിച്ചു. പ്രതിരോധ മേഖലയിലെ സ്വയംപര്യാപ്തത സംബന്ധിച്ച ഇന്ത്യന് സര്ക്കാരിന്റെ കാഴ്ചപ്പാടുകളെ കുറിച്ചും അദ്ദേഹം സമ്പര്ക്ക പരിപാടിയിലൂടെ സംസാരിച്ചു.
അതേസമയം ചൈനയ്ക്കെതിരെ കൂടുതല് രാഷ്ട്രങ്ങളെ ഒപ്പം നിര്ത്താന് ഇന്ത്യയ്ക്കായി. കോവിഡ് പ്രതിസന്ധി അവസരമാക്കി മാറ്റി ഇന്ത്യ ഉള്പ്പെടെയുള്ള രാജ്യങ്ങളെ മുതലെടുക്കാനുള്ള ശ്രമമാണ് ചൈന നടത്തുന്നതെന്ന് അമേരിക്ക വ്യക്തമാക്കിയിട്ടുണ്ട്. വുഹാനില് നിന്നുമുണ്ടായ കോവിഡ് വൈറസിനെ പിടിച്ചുകെട്ടാന് ലോകം ഒരുമിച്ച് നീങ്ങുമ്പോള് ഈ പ്രതിസന്ധി അവസരമായി ചൈന ഉപയോഗിക്കുന്നതായാണ് കാണാന് സാധിക്കുന്നതെന്നും അമേരിക്കയുടെ കിഴക്കന് ഏഷ്യന് നയതന്ത്രജ്ഞന് ഡേവിഡ് സ്റ്റില്വെല് വാര്ത്താസമ്മേളനത്തില് പറഞ്ഞു.
ലഡാക്കിലെ സംഘര്ഷം ചൈനയുടെ മുതലെടുപ്പിന് ഉദാഹരണമാണെന്നും സമാധാന ചര്ച്ചകളിലൂടെ ഇന്ത്യയുമായുളള അതിര്ത്തി പ്രശ്നം എത്രയും പെട്ടെന്നു പരിഹരിക്കാന് ചൈന തയ്യാറാകണമെന്നും സ്റ്റില്വെല് ആവശ്യപ്പെട്ടു. തുടര്ച്ചയായി ലഡാക്ക് അതിര്ത്തിയില് സംഘര്ഷം സൃഷ്ടിക്കാനുളള ചൈനയുടെ നീക്കങ്ങളെ അക്കമിട്ടു നിരത്തിയായിരുന്നു സ്റ്റില്വെലിന്റെ വിമര്ശനം. ഇതെല്ലാം തന്നെ ഇന്ത്യയ്ക്ക് അനുകൂലമായ സാഹചര്യങ്ങളാണ് സൃഷ്ടിക്കുന്നത്.
"
https://www.facebook.com/Malayalivartha
