മുതലപ്പൊഴിയില്‍ കഴിഞ്ഞ ദിവസം വൈകുന്നേരത്തോടെ വറ്റ (വേളാപ്പാര) പെട്ടതു തീരത്തു ചാകരയൊരുക്കി.

പെരുമാതുറ ഭാഗത്തെ ലേലപ്പുര കേന്ദ്രീകരിച്ചാണു ഈ വര്‍ഷത്തെ ഏറ്റവും വലിയ ചാകര. രാത്രിയോടെ വിവരം കാട്ടുതീപോലെ സമീപ പ്രദേശങ്ങളിലേക്കു പരന്നു വാഹനങ്ങളിലും മറ്റുമായി അനേകം പേര്‍ മത്സ്യം വാങ്ങാനായി തീരത്തെത്തി.

പത്തുമണിക്കും ലേലപ്പുര ജനനിബിഡമായിരുന്നു. 750-1000രൂപ റേഞ്ചില്‍ വമ്ബന്‍ മീനുകളുമായാണു നൂറുക്കണക്കിനുപേര്‍ തീരം വിട്ടത്.

ലേലപ്പുരയില്‍ കുന്നുകൂട്ടിയിട്ട വറ്റയെക്കാണാന്‍ വന്‍ജനക്കൂട്ടമാണു പെരുമാതുറയിലെത്തിച്ചേര്‍ന്നിരുന്നത്.

കോവിഡ് നിയന്ത്രണങ്ങള്‍ക്കിടയില്‍ ഓര്‍ക്കാപ്പുറത്തെത്തിയ ചാകര തീരദേശത്തെ മല്‍സ്യത്തൊഴിലാളികള്‍ക്കിടയിലും ഉല്‍സഛായയൊരുക്കി.

ലേലപ്പുരയിലും സമീപ പ്രദേശങ്ങളിലും ഒത്തുകൂടിയ തീരത്തുകാര്‍ ചാകരയെത്തിയതു രാവേറെ ആഘോഷിക്കുകതന്നെ ചെയ്തു.