ജലീലിന്റെ അവസ്ഥയെന്നത് ഒരു പൊതുപ്രവര്‍ത്തകനും നാളിതുവരെ അഭിമുഖീകരിച്ചിട്ടില്ലാത്ത ഒരു പ്രത്ത്യേകതരം വിഭ്രാന്തിയാണ് .എന്‍ഫോഴ്‌സ്മെന്റ് ക്ളീന്‍ ചിറ്റ് നല്‍കിയത് നീയൊക്കെ കണ്‍കുളിര്‍ക്കെ കണ്ടോ എന്ന തരത്തില്‍ പിണറായുടെ അട്ടഹാസം പുറപ്പെടുവിച്ചിട്ട് മണിക്കൂര്‍ ഒന്ന് കഴിഞ്ഞില്ല അപ്പോഴേക്കും സ്വര്‍ണ്ണക്കള്ളക്കടത്തു കേസിന്റെ അന്വേഷണപരിധിയില്‍ പെടുന്ന കാര്യം തന്നെയാണ്
നയതന്ത്ര ബാഗേജിലൂടെ കേരളത്തില്‍ എത്തിച്ച മതഗ്രന്ഥങ്ങളും അതോടൊപ്പം തന്നെ അത് വിതരണം ചെയ്തു എന്ന് പറയപ്പെടുന്ന രീതിയും .ജലീലിനെ തേജോവധം ചെയ്യുന്നത് മുസ്ലിം ലീഗിന്റെ അടങ്ങാത്ത അമര്‍ഷം കൊണ്ടാണ് എന്നും അദ്ദേഹം പച്ചപിടിക്കുന്നത് കണ്ടിട്ട് പലര്‍ക്കും ഇഷ്ട്ടപ്പെടുകയോ അദ്ദേഹത്തിന്റെ രാഷ്ട്രീയ വളര്‍ച്ച ഉള്‍കൊള്ളാന്‍ കഴിയാനോ പറ്റാത്തവരാണ് എങ്ങനെയും പ്രക്ഷോഭം ഉണ്ടാക്കി സര്‍ക്കാരിനെ പ്രതിസന്ധിയിലാക്കും എന്ന് വെല്ലുവിളിക്കുന്നത് .

കേരളത്തില്‍ സി പി എമ്മിന് ഭരണത്തുടര്‍ച്ച കിട്ടുമെന്നായപ്പോള്‍ മുസ്ലിം ലീഗിന് ബേജാറായി എന്നും ഒരഞ്ചുകൊല്ലം കൂടി പ്രതിപക്ഷത്തിരുന്നാല്‍ പിന്നെ പാര്‍ട്ടിയുടെ നിലനില്‍പ്പ് തന്നെ അപകടത്തിലാകും എന്ന് കരുതിയാണ് കോലീബി സഖ്യം വീണ്ടും സജീവമാകുന്നത് എന്നുമൊക്കെയാണ് ദേശാഭിമാനിയില്‍ ബുദ്ധിജീവികള്‍ തട്ടിവിടുന്നത് .രാഷ്ട്രീയ മര്യാദ ലംഘിച്ചുകൊണ്ട് ജനാധിപത്യ സംവിധാനത്തെ നോക്കി കൊഞ്ഞനം കുത്തുകയാണ് ജലീല്‍ എന്നത് പ്രതിപക്ഷം കേരളത്തില്‍ ഉയര്‍ത്തുന്ന ഏറ്റവും ശക്തമായ വാദമെന്നിരിക്കെ ജലീലിന്റെ രാജിയില്‍ കുറഞ്ഞ ഒന്നും കേരളം പ്രതീക്ഷിക്കുന്നില്ല എന്നതാണ് തുടര്‍ച്ചയായി അവര്‍ ഉന്നയിക്കുന്നത് .എന്‍ഐഎ ചോദ്യംചെയ്യുന്ന മന്ത്രി കെ.ടി. ജലീല്‍ രാജിവയ്ക്കണമെന്ന് പ്രതിപക്ഷം ആവശ്യപ്പെടുന്നത് ജനാധിപത്യ മാര്‍ഗ്ഗം കാത്തുസൂക്ഷിക്കാന്‍ ഓരോ വ്യക്തിക്കും ധാര്‍മികമായ ഉത്തരവാദിത്തം ഉള്ളതിനാലാണ് . നിസാരകാര്യങ്ങള്‍ക്ക് എന്‍ഐഎ ചോദ്യം ചെയ്യാറില്ലെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.

ശിവശങ്കറിനെ മാറ്റിനിര്‍ത്തിയത് എന്‍ഐഎ ചോദ്യം ചെയ്തപ്പോഴാണെന്നും ചെന്നിത്തല വ്യക്തമാക്കി. അസാധാരണ സാഹചര്യം, ജലീലിന് രാജിയല്ലാതെ ഒരു വഴിയുമില്ലെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രനും പ്രതികരിച്ചു.സംസ്ഥാന മന്ത്രിസഭയില്‍ ഒരു മന്ത്രിക്കും കിട്ടാത്ത ആനുകൂല്യവും സംരക്ഷണവും ജലീലിന് കിട്ടുന്നതെന്താണ് എന്നത് വളരെ പ്രസക്തമായ ചോദ്യമായി മാറിക്കഴിഞ്ഞിരിക്കുകയാണ് .കൊച്ചി എന്‍ഐഎ ഓഫിസില്‍ ആണ് മന്ത്രിയെ ചോദ്യം ചെയ്യുന്നത്. പുലര്‍ച്ചെ ആറുമണിയോടെയാണ് ആലുവ മുന്‍ എംഎല്‍എ എ.എം. യൂസഫിന്റെ പേരില്‍ രജിസ്റ്റര്‍ ചെയ്തിട്ടുള്ള കാറില്‍ മന്ത്രി എത്തിയത്. മതഗ്രന്ഥത്തിന്റെ മറവില്‍ നയതന്ത്ര ചാനലിലൂടെ സ്വര്‍ണം കടത്തിയിട്ടുണ്ട് എന്ന സംശയത്തിന്റെ അടിസ്ഥാനത്തിലാണ് എന്‍ഐഎ മന്ത്രിയില്‍ നിന്ന് മൊഴിയെടുക്കുന്നതിനായി എന്‍ഐഎ വിളിപ്പിച്ചിരിക്കുന്നത്.നയതന്ത്ര ബാഗേജ് വഴി വന്ന മതഗ്രന്ഥത്തെക്കുറിച്ചും ഈന്തപ്പഴത്തെക്കുറിച്ചും വെവ്വേറെ കേസെടുക്കാന്‍ ഇതിനോടകം തന്നെ കസ്റ്റംസ് തീരുമാനം വന്നുകഴിഞ്ഞു .

അന്വേഷണത്തിനായി 2 സംഘത്തെ നിയോഗിക്കും. ഇവ വിതരണം നടത്തിയതു വിദേശ സഹായ നിയന്ത്രണ നിയമത്തിന്റെയും പ്രോട്ടോക്കോളിന്റെയും ലംഘനമാണെന്നാണു കസ്റ്റംസ് ആരോപിക്കുന്നത്. രണ്ടിലും കസ്റ്റംസ് ആക്ടിന്റെ ലംഘനമുണ്ട്. മതഗ്രന്ഥ വിതരണത്തില്‍ മന്ത്രി ഉള്‍പ്പെടെ ആരോപണ വിധേയനായതിനാല്‍ വിപുലമായ അന്വേഷണം നടത്തണമെന്നാണു കസ്റ്റംസിന് ലഭിച്ച നിര്‍ദേശം.2017 ല്‍ ഒരു കണ്ടെയ്‌നറില്‍ 17,000 കിലോ ഈന്തപ്പഴമാണു നയതന്ത്ര ബാഗേജിലൂടെ വന്നത്. കോണ്‍സുലേറ്റിന്റെ വാര്‍ഷികാഘോഷത്തിനായിരുന്നു ഇത്. അതിന്റെ ഭാഗമായി സംസ്ഥാനത്തെ സ്‌പെഷല്‍ സ്‌കൂളിലെയും മറ്റും കുട്ടികള്‍ക്ക് ഒരാള്‍ക്കു 250 ഗ്രാം എന്ന കണക്കില്‍ 40,000 കുട്ടികള്‍ക്ക് ഈന്തപ്പഴം നല്‍കാനും തീരുമാനിച്ചു. പിണറായിക്കു മുന്നില്‍ മലവെള്ളപ്പാച്ചില്‍ പോലെ ആരോപണങ്ങളുടെ മഹാപ്രളയം ഉണ്ടാക്കിയതിന്റെ മുഖ്യ പങ്കും ഉറ്റചങ്കായ കെ ടി ജലീല്‍ ആയിരുന്നിട്ടു കൂടി അദ്ദേഹത്തെ സംരക്ഷിക്കുന്നത് ഏതാടിസ്ഥാനത്തിലാണ് എന്നത് സഖാക്കന്മാര്‍ക്കിപ്പോഴും മനസ്സിലായിട്ടില്ല .