സ്വ​ര്‍​ണ​ക്ക​ട​ത്ത് കേ​സി​ല്‍ അറസ്റ്റിലായ സ്വ​പ്ന സു​രേ​ഷ് അ​ട​ക്കം 12 പ്ര​തി​ക​ളു​ടെ റി​മാ​ന്‍​ഡ് കാ​ലാ​വ​ധി ഒ​ക്ടോ​ബ​ര്‍ എ​ട്ട് വ​രെ നീ‌​ട്ടി കോടതി ഉത്തരവ് . കൊ​ച്ചി എ​ന്‍​ഐ​എ കോ​ട​തിയാണ് ​റി​മാ​ന്‍​ഡ് കാ​ലാ​വ​ധി നീ​ട്ടി​യ​ത്. റി​മാ​ന്‍​ഡ് കാ​ലാ​വ​ധി അ​വ​സാ​നി​ച്ച​തി​നെ​ത്തു​ട​ര്‍​ന്ന് സ്വ​പ്ന സു​രേ​ഷ് ഉ​ള്‍​പ്പ​ടെ​യു​ള്ള 12 പ്ര​തി​ക​ളെ ഹാ​ജ​രാ​ക്കി​യ​ത് വീ​ഡി​യോ കോ​ണ്‍​ഫ​റ​ന്‍​സിം​ഗ് വ​ഴി​യാ​ണ്. വാ​ദ​ത്തി​നി​ടെ സ്വ​പ്ന സു​രേ​ഷ് ജാ​മ്യം ന​ല്‍​ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും കോ​ട​തി ഇ​ത് ത​ള്ളി.

സ്വർണക്കടത്തു കേസിൽ സ്വപ്ന സുരേഷിനെ 22-ന് കോടതിയിൽ ഹാജരാക്കാൻ ഉത്തരവ്. എൻ.ഐ.എ. കസ്റ്റഡിയിൽ ആവശ്യപ്പെട്ടിരുന്നു . നെഞ്ചുവേദനയെത്തുടർന്ന് ആശുപത്രിയിൽ കഴിഞ്ഞിരുന്ന സ്വപ്നയുടെ മെഡിക്കൽ റിപ്പോർട്ട് കിട്ടിയ സാഹചര്യത്തിലാണ് കോടതിയുടെ ഉത്തരവ്.സ്വപ്നയടക്കം അഞ്ചു പ്രതികളെ കഴിഞ്ഞ ചൊവ്വാഴ്ച ഹാജരാക്കണമെന്നാണ് കോടതി നേരത്തേ പ്രൊഡക്ഷൻ വാറന്റ് പുറപ്പെടുവിച്ചിരുന്നത്. ആശുപത്രിയിലാണെന്ന കാരണംകാണിച്ച് സ്വപ്ന ഹാജരായിരുന്നില്ല. സന്ദീപ് നായർ, മുഹമ്മദ് ഷാഫി, മുഹമ്മദലി ഇബ്രാഹിം, മുഹമ്മദ് അൻവർ എന്നിവരെ നേരത്തേ എൻ.ഐ.എ.യുടെ കസ്റ്റഡിയിൽ നൽകിയിരുന്നു.നെഞ്ചുവേദനയുണ്ടെന്നു പറഞ്ഞ സ്വപ്നയ്ക്ക് ഹൃദയത്തിന്റെ ആരോഗ്യം പരിശോധിക്കുന്ന ആൻജിയോഗ്രാം ചൊവ്വാഴ്ച നടത്താൻ തീരുമാനിച്ചിരുന്നെങ്കിലും സ്വപ്നയുടെ എതിർപ്പിനെത്തുടർന്ന് വേണ്ടെന്നുവെച്ചിരുന്നു.