തലയില് കൈവച്ച് പോലീസ്... സംസ്ഥാന പോലീസോ ഇന്റലിജന്സോ അറിയാതെ എന്ഐഎ നടത്തിയ അതീവ രഹസ്യ നീക്കം ഫലം കണ്ടു; പാക്കിസ്ഥാനിലെ അല്ഖായിദ ഘടകവുമായി നേരിട്ടു ബന്ധമുള്ള പിടിയിലായവര് നുഴഞ്ഞു കയറിയ വിദേശികള്; കേരളം ഞെട്ടിയുണരും മുമ്പ് സംഭവ ബഹുലം
കേരളം ഇന്നലെ ഞെട്ടിയുണര്ന്നത് നമ്മളെ കുഴിച്ച് മൂടാനായി കച്ചകെട്ടിയ ഭീകരരെ കേരളത്തില് നിന്ന് പിടിച്ചു എന്ന വാര്ത്തയോടെയാണ്. കേരളത്തിലെ ഒരു മീന് കുഞ്ഞുങ്ങള് പോലും ഇതറിഞ്ഞില്ല. നമ്മുടെ കൊടികെട്ടിയ പോലീസും ഇന്റലിജന്സും അറിയുന്നത് എന്ഐഎ പറഞ്ഞിട്ടാണ്. രാജ്യ സുരക്ഷ ഉപദേഷ്ടാവ് അജിത് ഡോവലിന്റെ കൂര്മ്മ ബുദ്ധി എന്ഐഎയില ചുണക്കുട്ടികള് നടപ്പിലാക്കിയപ്പോള് കേരളം അക്ഷരാര്ത്ഥത്തില് ഞെട്ടുകയായിരുന്നു. കേരളത്തിന്റെ ഞെട്ടല് അങ്ങ് പാകിസ്ഥാനിലും കൊണ്ടു. അവരും കണ്ണുതള്ളി.
കേരള പൊലീസിനെ വിശ്വാസത്തിലെടുക്കാതെ എന്ഐഎയുടെ ഡല്ഹി ഓഫിസാണു കൊച്ചി, ബംഗാള് യൂണിറ്റുകളെ ഏകോപിപ്പിച്ചത്. വെള്ളിയാഴ്ച രാത്രി മാത്രമാണ് എന്ഐഎ കൊച്ചി പൊലീസിന്റെ സഹായം തേടിയത്. ഇവര് അല്ഖായിദക്കാരാണെന്ന് പൊലീസ് അറിഞ്ഞത് ഇന്നലെ മാത്രം. ഓപ്പറേഷനെപ്പറ്റി എന്ഐഎ പൊലീസിനു വിവരം നല്കിയതു വെള്ളിയാഴ്ച രാത്രി 12നാണ്. നടപടിക്കു പൊലീസ് സഹായം വേണമെന്നാണ് ആവശ്യപ്പെട്ടത്. എന്താണ് നടപടി എന്നു വ്യക്തമാക്കിയില്ല. സിറ്റി, റൂറല് പൊലീസ് ജില്ലകളിലെ പൊലീസുകാര്ക്കു പുറമേ ജില്ലാ പൊലീസ് മേധാവിമാരുടെ സ്െ്രെടക്കിങ് ഫോഴ്സും കണ്ട്രോള് റൂം അംഗങ്ങളും പങ്കെടുത്തു.
പാക്കിസ്ഥാനിലെ അല്ഖായിദ ഘടകവുമായി നേരിട്ടു ബന്ധമുള്ള 5 പേരെ തേടിയാണു എന്ഐഎ ഒരാഴ്ചയായി കേരളത്തില് വലവിരിച്ചത്. ഇതില് 3 പേരെയാണ് പിടികൂടിയത്. ശേഷിക്കുന്ന 2 പേര്ക്കു വേണ്ടി തിരച്ചില് ഊര്ജിതം. അറസ്റ്റിലായ 3 പേരും ബംഗാള് അതിര്ത്തി വഴി നുഴഞ്ഞു കയറിയ വിദേശികളാണെന്നാണ് അന്വേഷണ സംഘത്തിന്റെ നിഗമനം. ബിന് ലാദന് രൂപം കൊടുത്ത അല് ഖായിദയുടെ ദക്ഷിണേന്ത്യന് മൊഡ്യൂളിനു വേണ്ടി ധനസമാഹരണം നടത്തുന്നവരാണ് അറസ്റ്റിലായ 3 പേരും.
കൊച്ചി നാവികത്താവളം, കപ്പല്ശാല അടക്കമുള്ള തന്ത്രപ്രധാന കേന്ദ്രങ്ങളില് ഭീകരാക്രമണത്തിനു പദ്ധതിയിടുന്നതായി ഒരു മാസം മുന്പു കേന്ദ്ര ആഭ്യന്തരവകുപ്പിന് രഹസ്യവിവരം ലഭിച്ചിരുന്നു.
ഇതിനു പുറമേ സാധാരണ ജനങ്ങള് ഒത്തുചേരുന്ന ഇടങ്ങളിലും ഇവര് സ്ഫോടനം നടത്താന് പദ്ധതിയിട്ടിരുന്നതായാണു സൂചനഅബ്ദുല് നാസര് മഅദനിയുടെ മോചനം ആവശ്യപ്പെട്ട്, 2005 സെപ്റ്റംബര് 9നു രാത്രി തമിഴ്നാട് ബസ് തട്ടിയെടുത്തു കത്തിച്ച കേസിലാണ് കേരളത്തില് ആദ്യമായി അല് ഖായിദയുടെ പേരു കേട്ടത്.
ഈ കേസിലെ മുഖ്യപ്രതി തടിയന്റവിട നസീര് അല് ഖായിദയുടെ ദക്ഷിണേന്ത്യന് മൊഡ്യൂളിന്റെ കമാന്ഡര് ആണെന്നാണു ആദ്യം കേസന്വേഷിച്ച തീവ്രവാദ വിരുദ്ധ സ്ക്വാഡിന്റെ കണ്ടെത്തല്. എന്നാല് എന്ഐഎ രൂപീകരിക്കും മുന്പു നടന്ന ഈ കുറ്റകൃത്യത്തില് ആഴത്തിലുള്ള അന്വേഷണം സാധ്യമായില്ല. കേസ് പിന്നീട് എന്ഐഎ ഏറ്റെടുത്തെങ്കിലും പ്രതികളുടെ അല്ഖായിദ ബന്ധത്തിനു തെളിവുകള് കണ്ടെത്താനായില്ല.
പാനായിക്കുളം സിമി ക്യാംപ് കേസ്, കോഴിക്കോട് ഇരട്ട സ്ഫോടനം, വാഗമണ് ആയുധ പരിശീലനക്കേസ്, കനകമല കേസ് തുടങ്ങിയവയിലും ഭീകരസംഘടനയുടെ പേരുകേട്ടെങ്കിലും ഇതാദ്യമാണു കേരളത്തില് അറസ്റ്റുണ്ടാകുന്നത്.
അറസ്റ്റിലായവരില് തിരിച്ചറിയല് രേഖകള് പൊലീസ് സ്റ്റേഷനില് നല്കിയിരുന്നത് ഒരാള് മാത്രം. അതിഥിത്തൊഴിലാളികള് നിര്ബന്ധമായി അടുത്തുള്ള സ്റ്റേഷനില് റജിസ്റ്റര് ചെയ്യണമെന്നാണു നിയമം. എന്നിട്ടും അവര് കേരളത്തില് വിലസി. അതാണ് എന്ഐഎ പൊളിച്ചടുക്കിയത്.
https://www.facebook.com/Malayalivartha
